..} أســــئلة حيرتني يــــاريت ألقى أحــد يجاوبني {..

[Hũd.Hũd]

بسم الله الرحمن الرحيم

السلام عليكم ورحمة الله وبركاته..

انا طالبه سنه تحضيريه مسار علمي فرع البنات (حامله مادتين من الترم الاول)
1- هل يحقلي اسحب ملفي دحين واقدم السنه الجايه انتساب او انتظام؟؟

2- هل لوطلبت تحويل من انتظام الى انتساب هل راح يحسبو عدد الساعات اللي درستها؟؟

((مع العلم مواد المسار العلمي تختلف عن المسار الاداري))

يعني لو حولت انتساب هل اقدر ادرس من اول وجديد بدون مايحسبو كل اللي درستو؟؟؟

$$$ معليش على صياغة الأسئلة ان شاء الله تكونو فهمتو عليا $$$

شكرا

[wallo]

المشاركة الأصلية كتبت بواسطة Hũd.Hũd بسم الله الرحمن الرحيم السلام عليكم ورحمة الله وبركاته.. انا طالبه سنه تحضيريه مسار علمي فرع البنات (حامله مادتين من الترم الاول) 1- هل يحقلي اسحب ملفي دحين واقدم السنه الجايه انتساب او انتظام؟؟ ايووا بس ليه يعني؟؟ عشانك حاملة مادتيين ؟؟ انا اعرف بنات كتيير حملو موااد واخدووها صيفي والحمدالله كملووو ... 2- هل لوطلبت تحويل من انتظام الى انتساب هل راح يحسبو عدد الساعات اللي درستها؟؟ اكيييد بتنحسب لانك درستييها ... ((مع العلم مواد المسار العلمي تختلف عن المسار الاداري)) يعني لو حولت انتساب هل اقدر ادرس من اول وجديد بدون مايحسبو كل اللي درستو؟؟؟ لا حيحسبو اللي درستيه ... $$$ معليش على صياغة الأسئلة ان شاء الله تكونو فهمتو عليا $$$ شكرا

العفوو

[Hũd.Hũd]

اشكرك على الرد ياعسل
انا ابغى احول انتساب عشان ابغى ادرس في المسار الاداري ومعدلي الآن 2,60
وما اعتقد بالمعدل هادا اقدر ادخل كلية الأقتصاد والادارة :/
هل برأيك بالمعدل هادا عندي فرصة ادرس في كلية الأقتصاد والادارة
وانا مااقدر ادرس المادتين اللي حاملتهم صيفي بسبب ظروف..
وخايفة احمل كمان مادة في الترم هادا

[wallo]

^^^

والله مادري ياقلبي اذا تقدري تدخليها او لا بس اهم شي انتي تووكلي ع ربك وشدي حييييلك سووي اللي تقدري عليه بعديين خليكي متفاائلة وان شاءالله يارب يووفقك وتنجحي في كل المووااد وتحوولي :)

ترى لااازم اوول سنة يصيير مشااكل والمعدل يطييح وتحملي مواد بس بعدها عااادي الدوونيا تكمل ...

ربنا يووفقكــ ..

[فرفوووشة]

ياقمر لما تسحبي ملفك كانك مسحتي الساعات الي درستيها وحتعيدي كل الي درستيه
ربي يكتبلك الي في خير

[Hũd.Hũd]

المشاركة الأصلية كتبت بواسطة فرفوووشة ياقمر لما تسحبي ملفك كانك مسحتي الساعات الي درستيها وحتعيدي كل الي درستيه ربي يكتبلك الي في خير

عادي ماعندي مشكلة بس اهم شي اقدر اعيدي التحضيري بس مسار اداري انتظام

يسلمووو ياقلبي ع مرووورك الجميل..