شباب الكلية والمدنية خاصة بليييز

[Kung Fo]

السلام عليكم , انا من طلاب 09 و ابغى اتخصص ان شاء الله مدنية , بس كل ما قلت لاحد سكت شوية وقال وش رايك فالكهربائية؟ ,,, فا نا محتار وحبيت اسال على ايش تعتمد الهندسة المدنية وطبيعة موادها ...مثلا تعتمد على الرسم اكثر ولا رياضيات اكثر وهكذا ... وبالله اعطوني فكرة عامة عن هذا القسم . وجزاكم الله عني خيراً................

[moied]

المدنية تخصص شامل لاشياء كثيرة منها
هندسة التشييد
راح تتعلم فيها كيف تدير وتخطط وتقدر المشاريع الي فيها بناء وتشييد ومو لازم تكون بيوت ايش شي ينبني ممكن تكوون منشآت نفطية يعني المجال واسع بالعربي.... في ذا المجال تكون رسام و مصمم ومحلل ومدير

هندسة التقنية الأرضية
ذا تدرس فيه الاشياء الي داخل الارض قوة تحملها ع حسب صخور المنطقة وتجارب تسويها تعرف ذا الشي من التجارب تعرف نوع الاساس الي تستخدمه واذا التربة تتحمل المبنى ولا لازم تحسن قدرتها ع التحمل

هندسة الإنشاءات
تدرس فيه كيف تبني خطوة بخطوة من الاساس الى التشطيب

هندسة موارد المياه
يتعلق يالمياه الجوفية استخراجها وتصريفها وتوزيعها عن طريق الشبكات تتعلم كيف ترسمها ووتصريف السيول لمياه الامطار والتحلية وذي الاشياء ويدخل فيها تصميم فيها الموانئ

هندسة البيئة
تدرس انك الشي الي تصممه لازم يكون مناسب للبيئة الي انت فيها باردة او حارة وكله يفرق وكماان وسائل السلامة المتوفرة في المبني ويدخل فيه تحسين تلوث التربة والشواطئ و موضوع الصرف الصحي تنقيته واعادة استعماله

هندسة النقل والمساحة
تصمم فيها الطرق والجسور والكباري في المدن والجبال وكيف توزنها وترسمها صح وتدير مشاريعها وهندسة المرور وتنظيمه

قبل ذا كله انت بتدرس اول سنة في الهندسة مواد عامة من كل قسم مادة الى مادتين وبتعرف تميزك وين واستخير قبل كل شي وبالنسبة للرسم مافيها شي كلها مستطيلات ودوائر واغلب المواد فيها جزء حفظ والاكثر تكون مسائل مافيها اي تعقيد وتحس انها ممتعة وتنفهم مافيها شي صعب

ان شاء الله يكون القسم عجبك واي سؤال منك اومن غيرك حاضرين