موضوع مهم عندي

[اذكروالله]

السلام عليكم ورحمه الله وبركاته
بعد مراجعه الاسئله لماده التفكير تبين لي ان اجاباتي لا يمكن ان تنجحنى ولكن ممكن ان تقرب من النجاح مع احتساب الفقره بدرجتين ممكن اجيب 56 من 100
ممكن الدكتور ينجحنى ويكمل الدرجه لستين او لا
ارجوا الاجابه حسب الخبره اذا احد عند اجابه او جرب قبل كذا ولكم جزيل الشكر

[اذكروالله]

ابي اجابه الله يسعدكم

[إبرآهيم]

يا جدي لا تفكر باللي راح .. ونصيحـة مني لا تراجـع اجوبتـك بعـد الاختبـار .. لانك ما راح تستفيـد الا وجـع الراس

ما اقول الا ان شاء الله يكـون حسابك خطـأ .. وتكـون درجتـك 80 على الأقل بدون منـّة الدكتـور

خـذ بنصحيـتي ولا توجع راسـك بالمراجعـة بعـد الاختبـار لانها لا تودي ولا تجيـب .. الا بعـد الاختبـار اطلع وانبسـط وطلع نفسك من جو الاختبارات :)

[كارزيما]

ممكن يساعدون الطلبة ب5 درجات

بس نصيحتي لك لاتنظر ورائك ابدا

[المحزوون]

يارجال انا الترم الي راح توقعت اجيب العيد في اللغة العربية وجبت 96

لاتراجع وتتعب نفسك اذا انت حاس انك بترسب انا متاكد ان درجتك فوق الـ 80 وتذكر كلامي

فلها وربك يحلها ..

المـحزوون

[براك]

يالغالي لا تفكر اللي راح راح وخليك في اللي جاي حتى لو نقصت منك درجة ولا قدر الله رسبك ترا لا انت اول ولا اخر واحد انا اتذكر مدرس مادة الانجليزي في الثاني ثانوي رسبني سنة كامله علشان درجتين ....!!! تخيل سنه كامله ولكن هل يعني هذا اني اقف لا كملت

اذا لا قدر الله رسبت لا تندم وانما اكمل المسيره وقل الحمدلله على كل حال واذا ان شاء الله نجحت ايضا قل الحمدلله واكمل المسيرة

والله يوفقك ويوفق الجميع

[اذكروالله]

الله يعطيكم العافيه هونتوا عليه
واتمنى لنا ولكم التوفيق