طلب مسااعده عاجله.....هلموا هلموا

[wael.h.a]

السلام عليكم

كيفكم ياشباب؟؟؟ان شاء الله يارب كلكم بخيررر

ومبروك للشباب كلهم الي انقبلوا...الله يوفقنا ياررررب

الله يخليكم انا طالب منكم مساااعده وارجوا انكم تساعدوني

انا حسئلكم وياريت الي يعرف يجاوبني الله يخليكم في اسرع وقت

واول سؤال واهم شي عندي

انا ابغا علمي وللاسف نسبه وحده كانت فارقه وحطوني اداري؟؟فكيف اقدر احول من المسار الاداري للمسار العلمي؟؟؟حتى لو بعد السنه التحضريه؟؟؟

تاني شي

دخلت على ملفي وحصلت المواد بس مني عارف كيف نظام جدولي ولاشي؟؟؟فياريت تعلموني كيف اعرف ولا كيف ازبطو؟؟؟وايش الهرجا بالزبط

تالت شي

بخصوص السكن كيف الواحد يقدم اوراقه وكيف السكن بصفه عامه؟؟؟؟

رابع شي

لو لا قدر الله ماقدرت احول على العلمي..ايش التخصصات الي حتكون مفتوحه ليا بعد السنه التحضريه؟؟؟

خامس شي

بالنسبه للمكافئه كيف حيكون نظامها؟؟نعطيهم رقم الحساب ولاكيف؟؟


الله يخليكم ساعدوني ترى مره ضايع انا:(:(

وعارف انو اسئلتي كاني في ابتدائي خخخخ لكن بلاشي اتفلسف واتورط

بنتظاركم وارجوكم لاتتاخروا قلبي على نارررررررر

أخوكم
وائل

[MNMO0ONA]

المشاركة الأصلية كتبت بواسطة wael.h.a السلام عليكم كيفكم ياشباب؟؟؟ان شاء الله يارب كلكم بخيررر ومبروك للشباب كلهم الي انقبلوا...الله يوفقنا ياررررب الله يخليكم انا طالب منكم مساااعده وارجوا انكم تساعدوني انا حسئلكم وياريت الي يعرف يجاوبني الله يخليكم في اسرع وقت واول سؤال واهم شي عندي انا ابغا علمي وللاسف نسبه وحده كانت فارقه وحطوني اداري؟؟فكيف اقدر احول من المسار الاداري للمسار العلمي؟؟؟حتى لو بعد السنه التحضريه؟؟؟ انا اعرف انو تقدر تحول من علمي لاداري بس راجع العماده ممكن يحطوك انتقالي او تاهيلي بعد السنه التحضيريه حتكون مرحله التخصصات فحتدخل التخصصات المفتوحه في مسارك بس يقولو ممكن تدخل تخصص اداري وبعدها بترم تحول لاي كليه علميه تاني شي دخلت على ملفي وحصلت المواد بس مني عارف كيف نظام جدولي ولاشي؟؟؟فياريت تعلموني كيف اعرف ولا كيف ازبطو؟؟؟وايش الهرجا بالزبط s.m.w سبت واتنين واربعاء .s.t. احد وثلاثاء واذا مافهمت نزل صوره من الجدول وارتبلك هوا تالت شي بخصوص السكن كيف الواحد يقدم اوراقه وكيف السكن بصفه عامه؟؟؟؟ السكن راجع الجامعه دحين او اول اسبوع في الدراسه عشان تحجزلك غرفه رابع شي لو لا قدر الله ماقدرت احول على العلمي..ايش التخصصات الي حتكون مفتوحه ليا بعد السنه التحضريه؟؟؟ دحين اجبلك رابط التخصصات خامس شي بالنسبه للمكافئه كيف حيكون نظامها؟؟نعطيهم رقم الحساب ولاكيف؟؟ على شهر 11 راح يدو مواعيد على حسب الارقام الجامعيه وتشوف متى موعدك وتراجع بنك سامبا اللي في الجامعه ومايحتاج تديهم رقم حساب الله يخليكم ساعدوني ترى مره ضايع انا:(:( وعارف انو اسئلتي كاني في ابتدائي خخخخ لكن بلاشي اتفلسف واتورط بنتظاركم وارجوكم لاتتاخروا قلبي على نارررررررر أخوكم وائل

موفق اخ وائل

[MNMO0ONA]

دا رابط التخصصات

http://founyear.kau.edu.sa/Pages-الم...www.kau.edu.sa

[MNMO0ONA]

اخ وائل وانا اتصفح في المنتدى
لقيت دا الرابط بخصوص التسجيل في السكن

http://www.skaau.com/vb/showthread.php?t=234597

[wael.h.a]

أول شي

الله يعطيكي الف عافيه ياررب ويريح قلبك ياشيخا زي ماريحتني

بخصوص..السكن ياعني دحين لازم اسوي طلب وأرسلوو وهما يردوا عليا

بس يقولو ممكن تدخل تخصص اداري وبعدها بترم تحول لاي كليه علميه

ياعني مثلاً انا لو دخلت اداره واقتصاد أقعد ترم ولو معدلي عالي احول ع الهندسه؟؟

وهل ينفع بعد السنه التحضريه لو كان معدلي عالي أحول ع الهندسه؟؟

وبخصوص الجدول هادي صوره الجدول..ياريت تفهمني كيف نظامو وكيف المواعيد وكل يوم ايش فيلوا

وهل اقدر اغير فيلوا؟؟؟

">


بنتظارك..والله يعطيكي الف عافيه يارررررب معليش تعبتك وفي ميزان حسناتك ياررررب

[wael.h.a]

ياشبابببببببب

دحين ارسلوا ليا ع الجوال ازا بدي اخش تأهيلي

التأهيلي كيف في الصباح ولا ليل؟؟ولو مامشيت ايش حيكون مصيري؟؟

الرجاء الرد في اسرع وقت لانو موعدي بكره لو بدي احول على علمي

[wael.h.a]

؟؟؟؟؟

تقريباً خلاص حتوكل علله وحاروح بكره واخش التأهيلي

اعطوني ارائكم ونصائحكم بالله

[a7mad..~]

التأهيلي مسائي

وعادي اذا تركتهم اداري تجلس

مثلي انا رسلولي الحين تأهيلي ومدري ممكن اكمل اداري
لان العلمي كله انقلش وانا ووين والانقلش وين

[نانو بيبي]

المشاركة الأصلية كتبت بواسطة wael.h.a ؟؟؟؟؟ تقريباً خلاص حتوكل علله وحاروح بكره واخش التأهيلي اعطوني ارائكم ونصائحكم بالله

على ما اعتقد التأهيلي يكون مو في الصباح ...صحباتي تأهيلي مدري انتقالي كانوا يجو الجامعه 12 الظهر ويخلصوا مره 3 مره 4 مره 7 ....يعني كل يوم غير ...وبدون مكافئه..

لازم تستنى احد من الاعضاء يأكد كلامي عن التأهيلي..

وبالنسبه لرأيي استخير ربك وخلي امك تدعيلك انا كونت علمي ودخلت اداري لكن الواحد ما يعرف فين الخير له ...والعلمي ترى يبغاله شدة حيل لو انت عندك هدف تدخل طب او هندسه او حاسب وناوي بجد تشد حيلك عشان تحقق هدفك ان شاء الله تمشي...واغلب التخصصات مفتوحه للعلمي..لازم تراجع رابط التخصصات وتشوف ايش التخصصات المتاحه لكل مسار عشان تكون على يقين..

والاداري بصراحه سهاله في الدراسه لكن التخصصات اللي مفتوحه له بس الاداب والاقتصاد والاداره وبالنسبه للبنات زياده الاقتصاد المنزلي..

يعني اخيييرا اقولك انت تعرف نفسك ومستواك اكتر مني وتقدر تحدد اذا تقدر تكمل في العلمي وتجيب معدل حلو اولا ...؟؟ جاوب على نفسك...واتوكل على ربك واستخيره ..وحتلاقي الخير قدامك
ولا تنسى لما تروح بكرا اسألهم عن كل فتفوته ايش التاهيلي وهل تعطوني مكافئه بعد السنه الاولى وووووووو....استفسر

ربنا معاك ..طولت الهرجه ..لكن ان شاء الله تستفيد وربي يعينك ويوفقك...انا كونت زيك العام محتاره وحالتي صعبه واخترت المسار الاداري وانا ابكي ههههههه لكن اكيد خير ليا ...عشني لعابه شوي هههههه.....وانا وقفوا على نسبتي بالبوينت يعني باقيلي بعد الفاصله كم رقم وادخل علمي لكن ربي ما اراد ..سبحان الله

موفق

[نانو بيبي]

ايوا صح نسيت كلية الاقتصاد والاداره موكل الاقسام اللي فيها طلاب وطالبات المسار الاداري يقدروا يدخلوا فيها ابتدءا من دفعتكم السنه الجيه....والتخصصات الحلوه اللي فيها كلها للعلمي...

يعني اغلب التخصصات للمسار العلمي..وبعضها للاداري

مثلا المحاسبه متاحه للعلمي فقط ..