سؤال مهم وابغى الافادة

[مجموعة إنسان 1405]

السلام عليكم ورحمة الله وبركاته

وكل عام وانتم بصحة وعافية

اللحين انا اشوف بعض الطلاب يسألون عن دكتور المادة ويبغون ينزل المادة عن الدكتور فلان والدكتور فلان ابغى اعرف وش الفايدة من هذا التصرف واحنا انتساب نحضر الاختبار وبس هل اختيار الدكتور في الانتساب مهم وانا مدري اتمنى الافادة

[بسووومة]

الفائدة يا اخي العزيز إن بعض الدكاترة معقد بعض الشي يعني؟؟؟
بعض الدكاترة والدكتورات يسهل لنا الاسئله ويراعي ظروف الطلاب والبعض الآخر للأسف يعقدها ،،،
فالكل يسئل عن الدكتور او الدكتورة عشان ما يوقع في مطب دكتور او دكتوره معقدين ،،،فهمت .........

[مجموعة إنسان 1405]

13 مشاهدة ومايرد الا وحدة

عالعموم شكرا ياأختي انك رديتي لكن حتى لو نزلت المادة عند دكتور معقد وش بيسوي ليه

يعني ماراح يضرني بشي انا انتساب والاسئلة تكتبها لجنة يعني ماتفرق معي يمكن مع الانتظام بس الانتساب ابغى اعرف وش الفايدة

[مهاوي2008]

اخوي كل دكتور تختلف اسئلته عن الثاني حتى بوضع الدرجات في اللي يساعد وفي اللي لا طبعا

عشان كذا نختار افضل الدكاتره وفي دكاتره ممكن يحذفو لك ودكاتره لا

فمهت عشان كذا نختارر الدكتور الافضل

[نواف الرياض]

مجموعة انسان

انا الآن في المستوى السابع

ولله الحمد ما قد حملت ولا مادة ومعدلي الحمد لله طيب

وآخر إهتماماتي إسم الدكتور

ما أذكر إني إخترت مادة علشان دكتور

كل ترم أنزل مادة فهم .. وباقي المواد من مواد الحفظ

وأجيب مدرس لمادة الفهم

والحمد لله أموري طيبة

يعني الواحد يجتهد ويذاكر و الباقي على الله

تحياتي لك

[مجموعة إنسان 1405]

المشاركة الأصلية كتبت بواسطة مهاوي2008 اخوي كل دكتور تختلف اسئلته عن الثاني حتى بوضع الدرجات في اللي يساعد وفي اللي لا طبعا عشان كذا نختار افضل الدكاتره وفي دكاتره ممكن يحذفو لك ودكاتره لا فمهت عشان كذا نختارر الدكتور الافضل

كيف الاسئلة تختلف من دكتور لدكتور وهي اصلا موحدة لنا

انا ماني فاهم الفكرة لحد الآن لكن خلاص كيف نختار دكتور المادة

تنزل المادة بدون دكتور واحنا نختار الدكتور والا كيف ارجوك فهموني؟

[فهد العنزان]

بنسبة لطلاب بالمستوى الثالث من يضع الاسئلة " لجنة من القسم " وليس هناك دخل للدكتور إطلاقاً

أبحث أو أهتم عن الدكتور بمواد التخصص من المستوى الرابع وحتى الثامن ولو أن كلام أخوي " نواف الرياض"

وافي وكافي بارك الله فيه

ويا هلا بك

[مجموعة إنسان 1405]

للرفع