مراكزلتعلم اللغه الانجليزيه

[اسيرة الحزن]

السلام عليكم ورحمة الله وربركاته.......

صراحه ماعرف وين اكتب موضوعي بس عندي سوال واتمنى تفيدوني

ابغا ادرس لغه انجليزيه وابغاكم تقولون لي ايش افضل معهد او مركز لتعليم اللغه في جدة؟؟؟

[اسيرة الحزن]

معقوووووووووووووول ولااااااااااااا رددددد

ليش كذا؟؟؟؟؟؟؟؟؟؟؟؟؟؟

[محمد العائض]

اهلين اسيرة بجدة فيه مراكز ومعاهد متوفرة جدا بس اكيد فيه احد من زميلاتك اواقاربك
دخل دورات ويعرف ويدلك وبأذن الله تتوفقي

[MesSsk]

يجي مين يفيدنا .........

[فندام]

من المعاهد الي بجدة ياأسيرة الحزن
معهد Direct English الي بشارع الروضة بالقرب من الكوبري المربع
مركز التريب والتنمية (الشرق الأوسط سابقا) بشارع فلسطين التابع للخطوط السعودية
مركز الخليج لتعلم اللغة الانجليزية المعروفة اختصارا ب (ELS Centers) الي بشارع الستين
مراكز نيو هورايزن ومعاهد وول استريت الي بشارع الروضه أيضا وتراالاثنين جنب بعض
المركز الثقافي البريطاني الي بعمارة الفارسي بشارع حايل على ما اذكر
هذي المعاهد الي اذكرها وفي غيرها طبعا بس اعتقد انو هذي هي الأفضل
وشخصيا انصحك بواحد من اثنين اما مركز التدريب والتنمية التابع للخطوط السعودية أو معهد Direct English وبرضو لاتستعجلي انتظري ردود بقية الزملاء بالمنتدى يمكن تكون فيه معاهد أخرى أفضل

[اسيرة الحزن]

اشكركم ع الرد بس انا ابغا اعرف الافضل من خلال التجربه

[فندام]

المشاركة الأصلية كتبت بواسطة اسيرة الحزن اشكركم ع الرد بس انا ابغا اعرف الافضل من خلال التجربه

أنا قد اخدت دورة بمعهد ELS Center وكمان أخذت دورة تدريبية بمركز التدريب والتنمية التابع للخطوط السعودية واقدر اقلك انو مركز التدريب والتنمية أفضل بكثبر من معهد Els Center لأنو دوراتهم مكثفة المستوى الواحد مدته شهر ونص والدراسة من السبت للأريعاء بمعدل أربعة ساعات ونص يوميا ويوم الأربعاء من كل أسبوع مخصص لإجراء اختبار شامل بكل المواضيع الي درسها المتدرب خلال الاسبوع يتضمن هذا الاختبار مختلف مهارات اللغة الأربعة وهدا حيخلي المتدرب جاد بالدراسة لأنو لو ماحقق درجات جيدة ماحيقدر يختاز الدورة بنجاح بالإضافة لأنو عندهم مدربين مؤهلين وحاصلين على شهادات هامة بتخصص اللغة الانجليزية اما معهد ELS Center فالبرغم من انو كل المدربيمن فيه من جنوب افريقيا وكندا الا انو الفائدة الي اخذها من الدورة التدريبية عندهم كانت محدودة وهدا كان راي كل الشباب الي درسو معايا بالدورة وانت كمان ياأسيرة الحزن استفسري من زملائك ومعارفك عشان تسجلي بالمعهد الأفضل ولا تستعجلي لأنو ورطة لو سجلتي بأي معهد وبعد التسجيل اكتشفتي انو دون المستوى المطلوب وبالتوفيق

[بدر المرواني]

شكراا على جهودكم وتفاعلكم

[اسيرة الحزن]

شكررررا"لكل الا رد عليه انا المشكله جديده بجده وماعرف احد عشان اسئله والاحولي اغلبهم اخذوا الانجليزي برا الا باستراليا والا نيوزيلندا والا بريطانيا وكثير انا ظروفي ماتسمح لي اطلع برا زوجي رافض يطلع برا فكرت اقطع شوط من الانجليزي هنا واروح برا كم شهر وادخل ماستر بس ماعرف افضل معهد لذلك سالت والجامعه هنا ماقبلتني ماستر لان نسبتي ناقصه نص نسبه عن النسبه المطلوبه

المعذره ادوشتكم بس والله من قهري

[فندام]

شوفي ياأسيرة الحزن ادا كنتي حتبدأي بدراسة اللغة الانجليزية من المستوى الأول فأشوف انو مركز التدريب والتنمية هو الأنسب لكي لأنو عنهم مدربين مأهلينوعلى مستوى عالي وكل مدرب تلاقيه موضوع لتدريس المستوى المناسب له ولمؤهلاته بالتضافة لانو شهادتهم قوية ومعتمدة وطريقة تدريسهم حتساعدك على الاستيعاب والفهم فأتوكلي على الله وسجلي عندهم