سوال عن التحويل للانتظام

[MrAlHijaz]

السلام عليكم


كيفكم ؟ ان شاء الله بخير ، حبايبي الله يوفقكم يا رب و يدخلكم الجنه في الفردوس الاعلى


ممكن تساعدوني والله ما اعرف شي انا انتساب سنة تحضيريه دفعة 2010 خلصت السنه و ابغى


احول انتظام لاداره و اقتصاد ايش اسوي ؟


تكفى طلبتكم تساعدوني ضروري والله يوفقكم جميعا و يقبل دعواتكم في ليلة القدر

[Super Linux]

وعليكم السلام ورحمة الله وبركاته

عال العال الحمد لله :)

اللهم امين حبيبي وياك ياحلو

نساعدك ليه لا << المزاج رايق اليوم

الموضوع سهل يابطل تدخل الاودس وتلاقي ايقونة التحويل من انتساب الى انتظام اضغط عليها وسوي طلب التحويل

وجبت لك صوره عشان تعرف محل الايقونه << القافيه جات صح

[MrAlHijaz]

الله يديك العافيه يا حلو

خلاص سويت اللي قلت عليه لكن في حاجه لازم املي الرغبات و السته الرغبات كلها فيها خيار واحد

اللي هوا اقتصاد و اداره طيب و بعدين متى اعرف اني انقبلت في اروح من الموقع يا غالي ؟

[Super Linux]

ايه لازم تملي كل الرغبات السته

اذا انقبلت ان شاء الله تجيك رساله ع الجوال او يتصلو عليك

النتائج ان شاء الله 16/10

والله يوفقكم

[MrAlHijaz]

حبيبي اكيد النتائج 16 / 10 ؟ امانه اتاكد و قلي من فين اتاكدت يا غالي

[انجلينا]

يرسلو رساله وكمان في نفس الصفحه الا قدمت منها

واكيد 16/10

[Super Linux]

المشاركة الأصلية كتبت بواسطة طالب منتسب 10 حبيبي اكيد النتائج 16 / 10 ؟ امانه اتاكد و قلي من فين اتاكدت يا غالي

تأكد بنفسك

http://admission.kau.edu.sa/AccessPa...www.kau.edu.sa

اتوقع النتائج بعد 16/10

اسف ياخوي

براجع حساباتي واردلكم

[MrAlHijaz]

شكرا لكم جميعا

[.زهرة الأقحوان.]

السلام عليكم و رحمة الله
انا نفس الشي ابي احول انتظام ,,,, سجلت في كلية الاداب علشان الانجليزي بس شروطهم تعجيزية معدلي 3.85 ..و الحمد لله و هم طالبين 4 ....ياله الله كرررريم

دخلت على رابط التحول وشفت كل الرغبات الست كلية الاداب ..
انا ما ابيها ابي كلية ثانية ايش اسوي

[MrAlHijaz]

يا جماعة الخير امس دخلت على صفحتي في موقع الجامعه و رحت عند الرغبات انا طلبت تحويل من 2 / 9 / 2010 و لمن دخلت القى انو الطلب اتلغى لحالو والله قهر يا جماعه دحين ايش الحل خلاص اروح الجامعه بنفسي ؟
و ادا رحت فين اروح اي مبنى و كم المعدل المطلوب للتحويل للانتظام في الاقتصاد و الاداره ؟


شكرا لكم على تعاونكم معي و انتظر جوابكم