ابغا اسحب ملفي من وين ومتى وكيف ؟

[بسمة قمر]

السلام عليكم ~
كيفك !
ان شاء الله كلكم بخير
اعزائي ابغا اسحب ملفي من الجامعه
علما انو انا سنه تحضيري علمي بس ابغا اسحب ملفي لاني مقدمه بجامعه تانيه وداومت فيها ولازم اسحب ملفي من عبدالعزيز
بس مو عارفه كيف اسحب ومن وين ومتى وكيف !!!!!!
اي احد يعرف يقولي
الله يسعدكم ويوفقكم
وشكرا جزيلا مقدما ^^

[abdullah.al-hazmy]

بسيطة
روحي عمادة القبول والتسجيل واطلب سحب ملف

روحي بكرة عادي

[OMNIA AL-Mofeed]

عماده القبول والتسجيل

وادخلي من البوابه الغربيه2 اقرب شي

موفقه

[بسمة قمر]

السلام عليكم
جزاكم الله خير ع المعلومه
للأسف رحت اليوم الصباح من قبل مااشوف ردودكم ><
بس رحت العماده بس وربي طلعت روحي الين ماخلصت الاجراءات
من جد وربي كرهت حالي هناك ممممره مافيه اسلوب في التعامل
اول مارحت كلمت وحده من الموظفات قلت لها ابغا اسحب ملفي وماامداني اكمل كلامي الا اشرت لي على ورق قالت خدي ورقه وعبيها وراحت تكمل شغلها
ورحت عبيت الورقه ولفيت على اقسام كثيييييييييره عشان اعبي الورقه وخبصت ممممره ومابقيت مكان الا رحتو
وفي النهايه لما كان بس باقيلي بس الختم مسكت سرى في طابور مافيه اطول منه حتى مو طابور الا طابورين عشان ندخل
ولما دخلت على اساس بس بتختم لي وقعدت اتكلم معاها وقلت لها انو انا لسا مستجده مادرست طالعت فيا !!!!!!!!!
قالت لي مو هاذي الورقه اللي المفروض تعبيها ><
ورحت مسكت سرى مره ثانيه عشان اخد ورقه مره ثانيه
وفي الاخير الحمد لله خلصت 3 ساعات ونص وانا الف والحر ذبحني اش هذا مره جامعه مو حلوه
اكثر شي قهرني انو لما اجي اتكلم مع اي موظفه مايميدين اخلص سؤالي الا تجاوب وبصوت عالي وتروح
طيب يختي استني اسمعيني للنهايه وشوفي اش ابغا وبعد كذا تكلمي !!!
يعني هاذي اللي قالت لي خدي ورقه من هناك لو كان استنتني اخلص وسمعت اني طالبه مستجده كان مابهدلتني كل هاذي البهدله
ماابغا ادعلي عليها بس الله يسامحها )":