سؤال للمعيدين بجامعة الملك عبدالعزيز

[a.2mjed.a]

السلام عليكم

كيفكم اخواني واخواتي..؟؟
ان شاء الله بخير وطيبين

اول شي السموحة من الادارة لأني ماعرفت فين اكتب الموضوع او السؤال
وبعد فرفرة في اقسام المنتدى وجدت ان هذا هو القسم المناسب
اذا انتوا تشوفوا العكس فحولوهـ للقسم الي انتوا تشوفوه مناسب

ثاني شي
انا قضيتي فردية وليست جماعية ولا تخص الجامعة ابداً

كل الي ابغى اعرفه هو
هل المعيدين في جامعة الملك عبدالعزيز عندهم دورة او محاضرة او تدريب....الخ
مع الدكتور علي العطية نائب وزير التعليم العالي...؟؟

ياريت احد المعيدين يقولي اذا ايوا او لأ
وابغى جواب اكييد الله يخليكم ويوفقكم في دراستكم وشغلكم


منتظر ردكم
اخوكم امجد

[a.2mjed.a]

محد يعرف اي شي...؟؟

مو معقولة

ياريت احد يجاوبني

[ǁ غــلأآإ ، رٍوٍحــي ǁ]

^^
مآفهمت سؤآلك / ممكن توضح ؟!

[a.2mjed.a]

اهلاً اختي غلا روحي

انا طلعت لندن سنة 2009 من شهر مارس اليين جانيوري 2010
وقدمت طلب الحاق وكل شي واوراقي كاملة من إلى
لكن مارسلوا ملفي للوزارة لأنهم اقفلوا الحاق طلاب بكالوريوس لأنهم كثيييييرين
قالوا للطلاب ياتكملوا ومافي بعثة او كل واحد يشيل عفشه لدولة ثانية

انا ماكان بإمكاني اروح دولة ثانية فأضطريت اني اكمل في لندن واكسب اللغة فقط
رجعت جدة واتصلت ع وزارة التعليم العالي عشان اشوف الدكتور علي العطية متى يداوم ومتى اقدر اقابله
قالولي تعال سبت واحد هو يقابل الطلاب من الساعة 9 الصباح الى 12 الظهر
طلعتله وشرحتله الوضع كلله في خلال 5 دقايق وممكن اقل لأنه مررررة مايعطي للواحد يتكلم براحته
واعطيته كل الاوراق الي تثبت اني درست في لندن
وقالي انتظر برا
انتظرت برا مع مجموعة من الشباب بعدين جا واحد وقالنا راجعوا فرع حي الغدير << تصريفة محترمة :/

بعدها بفترة اكتشفت ان الدكتور علي في جدة وواحد الله يجزاهـ خير دبرلي رقم سكرتيرهـ
اتصلت عليه وشرحتله وضعي من إلى
وقالي قابلني في طريق الملك واعطيني كل الاوراق وان شاء الله حكلم الدكتور واوصيك كمان
قابلته واعطيته كل شي وقالي انتظر شهرين واردلك !!!
مدري شهرين عشان يقولي اوك او لأ..؟؟!!
انا قلتله طييب انتظر ونشوف ايش يصير
وللأسف كل ما اتصل مشغول او مقفل او مافي شبكة

قبل كم يوم اتصلت ع الوزارة وكلمت السكرتير وقلتله انا امجد الي قابلتك و...الخ
قالي الدكتور مشغول ومو فاضي << برضوا تصريفة

المهم

قبل كم يوم جاني خبر ان المعيدين في جامعة الملك عبدالعزيز عندهم اذا ماخاب ظني مشروع مع الدكتور علي العطية
واخوي قابل واحد من المعيدين وشرحله وضعي وقاله راح يكلم الدكتور
ومن بعدها الولد ساحب علينا

مدري هو الولد صادق ولا كذاب مدري
عشان كذا بأستفسر

هل المعيدين لهم مشروع او بحث او اي شي مع الدكتور علي العطية..؟؟