المناهج باللغة الانجليزية ...آآآآه

[ابتسامتي سر سعادتي]

السلام عليكم ورحمة الله
أنا طالبة ماجستير وعندي مواد تكميلية وكل شي بالانجليزي الشرح والملازم والاختبارات وش أسوي ساعدوني ماني قادره أفهم المواد والسبب الانجليزي احنا في كليتنا كان كل شي عربي يدوب بعض المصطلحات والمشكلة إني تفاجأت كنت أفكر إن الانجليزي في الماستر بس ماكنت أدري إنه البكالوريوس يدرسون كمان بالانجليزي بالله ساعدوني الله يفرج همومكم وش أسوي بالملازم أترجمها ؟ وكيف ؟ وعند من ؟ بالله أعطوني حل الله يوفقكم

[khalidyat]

:)

نفس الكلام معي
في أم القرى الشرح والمذكرات بـ العربي لكن كنت ادرس المصطلحات

لكن ما علينا إلا مضاعفة الجهد وإن شاء الله كلها كم محاضره و ندخل في المود
الترجمه النصية ماهي حل .. المفروض فقط تترجمي المصطلحات والكلمات اللي ما تفهميها
وتحفظي او تفهمي النص بـ الانجليزي لان الواجبات والحل والقاء البحوث راح يكون بـ الانجليزي
والدراسه هنا راح تفيدنا من ناحية زيادة الرصيد اللغوي خصوصاً في تخصصنا وهذا أمر مهم جداً
الله يوفقك

/



خ ـالديات

[Programmer Girl]

نصيحة لا تترجميها لانو الاختبار حيجي بالانجليزي
و صعبة انك تزاكري و كمان تحفظي كل شي ايش ترجمتو
معليه في البداية رح تتعبي بس ادعي ربنا يسهلها و جيبيلك اطلس و ترجمي الكلمات الي ما تفهميها و اكتبي الترجمة بالمرسمة فوق الكلمة الانجليزي و بعد فترة ان شاء الله رح تتعودي و على نهاية الملزمة يمكن ما حترجمي شئ لانك حتكوني خلاص عارفة معاني الكلمات
بس من جد نصييييييييييييييييحة لا تترجميها في محل زاكري من الانجليزي لانو حتضيعي في الاختبار

و ازا عندك وقت ادخلي دورات انجليزي في المساء البريتيش كونسل كويس

الله يوفقك يا رب

[عماد الحسن]

مشكلة كبيرة الله يعينكم عليها ، المهم تكون علاقتك قوية مع زميلاتك وتتعاونوا على التعايش مع الوضع الحالي وربنا يوفقكم.

[رائدة المستقبل]

السلام عليكم و رحمة الله و بركاته

أخيتي ..
لا تشيلي هم الدكتورات بيشرحوا عر بي فقط المصطلحات و بعض الجمل انجليزي و نحن علينا نحفظ هذه المصطلحات و معرفة معناها و من الواجبات اللي يعطونا هي تعرفي طريقة الأسئلة و مع الايام نتعود لكن اهم شئ ذاكري أول بأول و اذا صعب عليك شئ اسألي الدكتورة ما راح تقصر معاك
بالنسبة للمراجع انجليزي لكن اهم شئ فيها بالنسبة لمادة 424 التطبيقات اهم شئ و في راي المحاضرات اهم من المرجع و ترجعي للمرجع للتطبيقات و اذا صعب عليك شئ و ممكن تجيبي مرجع عربي و مرجع انجليزي و ما يحتاج تترجمي
و بالتوفيق

[مس أسيتون]

لاتشيلي هم كبير ان شاء تتسهل المفردات موصعبة واهم شي تعرفي المصطلحات في كل محاضرة وتحاولي تعرفيها بعدين من كثر ماتمر عليك تكوني متعودة عليها وانا نفس الشي ا انا وزميلاتي مواد تكميلية بس الحمد لله عدينا ها المشكلة بس زي ماقلتلك خلي عندك قاموس ودوني المصطلحات وبعدين في بعض المواد بالفهم يعني في الامتحان ماتكتبي كلام انجليزي كثير ...... انا فاكرة المادة اللي فيها كان يجي اسئلة شرح هي مادة312 وهي يبغالها تركيز عشان تكتبي وتشرحي بالانجليزي اما المواد الثانية مايكون بها الشكل وبالتوفيق

[حبي لذاتي قمة أولوياتي ~]

لحظة يعني من بداية هذا الترم الدراسة بالانقلش!!!

[طموحهـ ولكنـ]

المشاركة الأصلية كتبت بواسطة حبي لذاتي قمة أولوياتي ~ لحظة يعني من بداية هذا الترم الدراسة بالانقلش!!!

نفس السؤال ؟؟

معقولة من البداية انجليزي . طيب واللي متخرجين من كلية التربية وكلة كان عربي وفجاء انجليزي في المااستر ؟؟ والله صعبة ..

الله يوفقك ويسهل عليك ..

[مس أسيتون]

حسب ماعرفت من البنات اللي معايا في البكالوريس انه الكيمياء لهم 3سنوات المناهج بالانجليزي