يابنات ساعدوني محفظتي ضاعت اليوم

[خميسيه]

يابنات اليوم ضاعت محفظتي انا من كلية الاقتصاد المنزلي وياضاعت في الكافتريا او مكان المحاضره في مبنى الخنساء والى الان مالقيتها رحت للشؤون قالو ماوصلهم شئ وانا راح اموت من البكي مو مصدقه مرررررره وسالت الكافتريا قالو مافي ومو عارفه ايش اسوي فيها بطاقه احوالي وبطاقه الجامعه وبطاقه سامبا وبطاقه الراحجي وبطايق اخرى واشياء مهمه وفلوس مايقارب 700 ريال..
امانه الي تلاقيها تقولي لونها تركواز وكبيره بإسم الهام.. ساعدوني الله يخليكم وراح تاخدو اجر بالذات اننا في ليالي العشر من ذي الحجه..
شكرا

[حنان 90]

غريبة ؟؟هذه الايام كل شوية في الجامعة اقرأ اعلان عن محفظة ضايعة ؟؟؟
صراحة ماقد شفت اي محافظ ؟؟؟
وراجعي الشوؤن بعد كم يوم وان شاءالله تلقينها

[star9]

ان شاء الله تلقيها بس لو تحطي ورقه وتكتبي فيها مواصفات المحفظه والآشياء اللي فيها

وتوزيعيها في كل مكان انا صحبتي زيك قريب ضاعت محفظتها بس دايما تسأال عنها

وخاصة العاملات روحي اتوددي لهم الله يعينك وتطلع ان شاء الله

[مالي لقب]

اذا لقبك العنزي شفت حاطين اعلان بالشؤؤن ..
الله يجمعك بضالتك ..
ادعي ربك دائم وان شاءالله ترجع ..

[المستغفره ربها]

استودعي محفظتك الله وان شاء الله ترجع لك

[Mis$ lolo]

كمان بنت خالتي بالجامعه

وكذا قبل يومين ضاعت محفظتها فيها كل شي كل شي

والله شي يخووووووووووووووووووف ..

ان شالله تلاقوها ..

حسبي الله ونعم الوكيل

[مني يغار الورد]

لااا شي مو طبيعي مو معقوولة كذا لي سنتين ماعمرها ضاعت والحين تضيع بكل سهولة ولا احس !!!!
الموضوع فيه ان واخواتها ~_~
انـا دخلت رابيس الاقتصاد المنزلي وكان زحمة وقتها بس مااعرف هيه فقدتها هناك والا
الحمدلله مافيها الا بطاقة الصراف واليوم روحت وقفتها ماياخذ اكثر من 5 دقايق بس خذو بطاقة الجامعة
الله المستتتعان بس

[سنفورة موت]

ياعمري انا ان شاءالله تلقيها ومال الحلال مايضيع يالغلا

[بحر الحرية]

الله يعينك ياارب وتلاقيهااا..
والله أسوأ شي بطاقة الأحوال.. الله يعينك عليهاا..

وانتي الله يسعدك جاية جامعة تجيبي معاكي بطايق الدنياا =(

أقل شي بطاقة الأحوال لا تاخديهاا دايماا، وخدي منهاا الصورة لأنهاا داخل المدينة تمشي ف كل مكاان..

البطاقات الباقية لازم تبلغي عليهاا البنك..
وكمان تعملي بلاغ ع البطاقات الرسمية..

والله يسهل عليكي ياارب؛؛

[خميسيه]

الحمدلله يابنات لقيتها رحت للشؤون اطمن مع انو عندهم رقمي بس الله يهديهم مااتصلو عليا
بس مالقيت الفلوس كلها تاخدت
بس الحمدلله