~ دلـوعة الغيـــم ... الطــآئف

[د.كيــف]

تعن القصايد ( للهدا ) والحمـام اسـراب

تعداه شـرق يجـاذب الريـح مسحوبـه

سألته عن الطايف وشاور كـذا وارتـاب

تردد وجـاوب تحـت الاضـلاع مكتوبـه

تسولف عن اسرار الهوى والمطر بإعجاب

على العشب يا هـي فتنـةٍ مالهـا توبـه

وانا في ( الشفا ) راقبتها بعد طول غياب

وتو .. الندى ينفض نعاس الفجـر دوبـه

صحت مثل طفله تفتـن الـورد والعنـاب

عشقها الربيع المبتسـم وسرقـت ثوبـه

تهادت لباب المدرسـة والسحـاب كتـاب

تفلـه وتقـرا فيـه والشمـس محجوبـه

خطبها القصيد ورددت له بصـوت عتـاب

انا مـن قديـم الوقـت للغيـم مخطوبـه

ديارٍ كتبها المجـد فـي عالـي المرقـاب

لها النجم والقرنـاس والبـرق مجذوبـه

اهلها عصابة راسها ما تحسـب حسـاب

ليا ثار عـج الخيـل والخيـل مرعوبـه

عليها من انفاس الهبايب سـلام احبـاب

تجيها بلهفـة شـوق وتـروح مغصوبـه

يقولون يالطايف يجي الحب دون اسبـاب

وانا اقول فيـه اسبـاب خلتـك محبوبـه