فيزيآء اشرف بركآت..( تم تعديله )

[تووتـــــــــة]

سؤاآآآآآل يطرح نفسو !!؟
انا والله طرطعت خلآص دحين الدكتورة صباح القرني قالتنا لاتذاكروا من ملخص اشرف بركات ولا غيره واكتفوا باللي اكتبه في المحاضرة وانه السنين الي راحت بنات ذاكروا من اشرف ودرجاتهم طايحه والي ذاكروا من محاضرتها فوق !
طيب انا مثلا مخي متنح في الفيزيا وماجبت درجه عدله قلت يمكن الغلط مني او تقصير او اي شي في الحياة غلط مني ويمكن انا صح مافحطت مزبوط فيه وذاكرته من قلبي اوك ..
البنات التانين وربي شفتهم بأم عيني << يفحطوا تفحيط اليييييم في الفيزيا ورغم كدا ماجابوا حتى ال20 !
فييييين المشكلة طيب ابا افهم ؟
ودحين قلتوا هنا كلكم افهموا من طلعت وحلوا من اشرف هادا الكلام كمان للفيزيا ولا بس الماث
طيب ويوسف زويل وجمال السعدي ؟؟؟
ابا اعرف دحين اشرف وطلعت وجمال ويوسف كلهم للفيزيا والرياضيات ؟؟؟؟؟؟؟
<< بدأت الوسوسه من دحين
ومين احسن بالذاااااات للفيزيا بليييييييييييييييييييييييييييييييييييييييييييز بليزووووووووه افيدوني للفيزيا خصوصا

[Y.S]

انا الترم الماضي ذاكرت من اشرف بركات ,,واخذت a+

[saud888]

بسم الله
من وجهة نظري كطالب درس من ملخصات اشرف بركات وجاب درجه عاليه في ماده الفيزياء انصحك ان تدرسي منها في الفيزياء اما بخصوص الراياضيات برضه درست من ملخصات اشرف بس جبت درجات ماترضيني فمااقدر افيدك في الراضيات والله يوفق الجميع

[مراسي الشوق]

انا ذاكرت من ملخصات يوسف الزويل درجتي مرا مرا حلوه طبعا الفيزياء

[мαѕooяy]

لا تعصبي ولاشيء ... اللي يدرس من آشرف ماتعتبر درآسه وانا آقولها علناً هع ... معليه اذا انك مووفاهمه الفيزيياء اصلا وماتبي تمسكي الكتاب اذا اخذتي بس آشرف ... مارح تفهمي شيء اشرف مجرد آمثله لااكثر ... ومو كل الامثله اللي باشرف حتيجي بالاختبار لو جات من برا ايش حتسوي لكن افكارها حلوه ممكن تسويها كمراجعه بعد ماتدرسي وكذا ... اذا فاهمه من استااذتك واكتفيتي خلص ساعتها راجعي من اشرف لكن اذا تبي تفهمي ومو فاهمه منهاا خذي طلعت للشرح وللفهم وراجعي من اشرف ... وانا مثلك شفففت كثيرر بنات والله العظيم غلطوا مامسكوا الكتاب ولاشيء غير اشرف ودرجاتهم ناااازله وبنات مامسكووا غير الكتاب درجاتهم 99 والله العظيم يعني النجاح مو بالامثلة النجاح بالفهم اولا ً بعدين امثلة ونماذج اختبارات طبعا جداااا مهممممه انتى امسكي اذا تبي تفهمي طلعت وخذي اشرف كمان لانوا امثلتوا حلوه .... السعدي للماث .. برضه حلوو بس اذا فاهمه الكتاب .. ماتبي كتاب خذي معه طلعت نفس الكلام ... هذي دراستي وانتي شوفي ايش ترتاحي له

[khalid-77]

بسم الله
تووتة اتمنى لك كل التوفيق والنجاح انا صراحة رسبت في مادتين السنة الي راحة وهي الرياضيات والفزياء وكانت مذاكرتي كلها من ملخصات اشرف بركات وما كنت احضر المحاضرات كلها للضروف خاصة وكان كل اعتمادي بعد الله على اشرف بركات ولاكن للاسف مانجحت والحمد لله على كل حال انا حاليا من احسن مايكون جبة في الفيزياء 27 وكانت مذاكرتي من يوسف زويل وفي الرياضيات انصحكي بجمال السعدي الباندكس والملخصات وهذي نصيحة واحد مجرب القرف هذا كلة وطبعا القرار راجعلك وبالتوفيق للجميع

[sultanooh]

انا أنصحك بملخصات أحمد العربي

وذلك لانها مرتبة وكثيييير كلام عربي عكس الملخصات الأخرى الكلام العربي قليل

انا انتظر العربي ينزل ملخص شابتر 4

[*Sonador*]

انا صرااااااااااااحة ذاكرت اول شيء من ملخص الاستااااذة حقتي
بعديييييييييييين راااجعت من ملخص طلعت سااااالم
والحمدلله درجتي حلوة
يعني حاولوا تعرفوا انتوا ايش ينفعكم لانو كل شخص يختلف عن التاااااااني
وبالتوفيق

[:(@:(@]

ف الفيزياء الكتاب وبس انا فوق 25

[ink 76]

بصراحة انا ذاكرت من الكتاب وملخصات أشرف بركات في الفيزياء ودرجتي مراا حلوة وبالنسبة للرياضيات ماانصحك في اشرف الصراحة خذي جمال السعدي مرااا كويس
وشوفي اللي ريحك هوا كل واحد وحسب اللي يفهم منو انتي يمكن ماترتاحي للملخصات اللي قلتها شوفي اللي يريحك انتي وطبعا لاتهملي الكتاب والاسئلة حقت السنين اللي فاتت مرااا مهمة
وربي يوفقك ان شاء الله