عندي سؤال بالاحصاء اي دافوره تنقذني عشان اكمل مذاكره

[حياتي فراغ]

هاي كيفكم ان شاء الله بخير يارب

المهم انا عندي سؤال محيرني

بالباب الثاني صفحة 41 مثال(2-3) على البيانات الكميه المتصله اللي ابغى اعرفه ومدوخني
كيف جبنا الفئات ليه قلنا 10 و20 و30 و40 .....الخ
وكيف جبنا قيمة التكرار اللي هي 3 اتمنى اللي عارفه تفهمني عشان اقدر اكمل لانه لي ساعتين ولافهمت على شرح الاستاذه
وبس

[ياسمين..]

اول شي يا حلوة مو عندك فوك الجدول 1-المدى 2-عدد الفئات 3-طول الفئه
وانتي طلعتيهم كلهم
طيب اخر شي طول الفئه طلعتيها بناء على المدى وعدد الفئات صح
وطلع الناتج 10
طيب حتكون الفئات اللي هيا c بين كل وحدة والتانيه 10 زي ماطلعتلك نتيجه طول الفئه
يعني طول الفئه الوحده 10وبعدها ب10 تبد
االفئه التانيه اللي هيا 20
إن شاء الله تكوني فهمتي لاني مرا ما اعرف افهم بس احاول هع هع
وال3
انتي شوفي الجدول اللي ببدايه الصفحه وطلعي منه الاعداد اللي من 10 الى19 وحطيها ضمن الفئه 10 واللي بعدها مو 6 برضه تطلعي الاعداد اللي من 20 الى 29
ها يا عسل يارب اكون افدتك واانا مو جوده ادا ما فهمتي هع هع

[حياتي فراغ]

مشكوووووووووووره
تسلميلي احس اني فهمت شوي بس يا انا يا هي اليوم بقلبها مضاربه هههههه
معليش تعبتك ربي يسعدك

[ياسمين..]

لا تعب ولاشي إن شاء الله الفلللللللل مارك يارب يوفقك
ادعيلي ودا اهم شي عندي هع هع هع

[حياتي فراغ]

الله يوفقك يارب

[حياتي فراغ]

ياسمين اللي مو عارفته عدد الفئات كيف اوجد عددها وكيف اعرف طول الفئه لان القوانين مو مفهومه اول مره اشوفها بحياتي لاني ادبي

[جنوني بنفسجي]

اهلاًً يا حلوة ..

لآن كتبنا جديده بس هو بالكتب القديمه يعطينا من السؤال عدد الفئات ..

لما كانت الاستاذه تعطينا المحاضرة في عرض البوربونت عندها المسأله من السوال مكتوب : علماً بأن عدد الفئات 7

صح حتى انا ماعرفت شلون تطلع عدد الفئات موجود القانون تبعه بس ماحد شرحه لنا !!

خلينا نروح بالساعات المكتبيه ونسأل ونفهم ..

بس اللي افهمه انه عدد الفئات موجوده من السؤال بسس لان كتبنا طبعه جديده ما اظن تجينا ..


ربي يوفقنا ..

[حياتي فراغ]

مشكووووووووره جنوني الله يسعدك يارب شكله لازم من الساعات المكتبيه بس انا لانه كنت احسب لما ارجع للمحاضره مره ثانيه يمكن افهم بس للاسف هي ماقالت اصلا انه في قانون على طول شرحت عالجدول ولما نسئلها تقول مو معقوله ماتعرفون تحسبنا عباقره الله يعين بس