مو عيب نغلط بس العيب نكرر الغلط

[روح انسانه]

أنا في هذا الموضوع أحب اننا نعرف اخطائنا في الأترام السابقة ونحاول بكل جد نتفاداها قبل ما يفوت الاوان واول شي احب انبه نفسي عليه وبعد كذا انبهكم هو أن ماراح أقول: "شخص ظلمني" رغم اني متأكدة وموقنة بوجود الظلم بس لو انظلمت في مادة يمكن الباقي يكون في تقصير مني ولو قعت اعلق أخطائي على ظهر غيري ماراح يتضررأحد غيري لأن مستحيل يقال دكتور أو دكتورة من منصبها ووظيفتها بسبب شكوى مني لكن ما راح اقعد ابكي معدلي ودرجاتي وأعيد الدراما كل نهاية فصل دراسي أنا ولله الحمد معدلي كان نازل ورفعته والأن بدأ ينحدر فبديت مع نفسي احدد موقع الخلل وما ابغى ارمي اللوم على أحد غير على تصرفاتي اللي أقد اقول عليها مستهترة فأتمنى كل (أخ/أخت) تكتب تقصيرها بكل صدق وايش ناوية تعالج في نفسها عشان تتفادى التقصير في الترم الجاي وما نبغى نقول "ماعد ينفع" لسى الوقت في يدنا وننسى اللي راح بس لو بدينا نعيد الغلط نرجع الذكرى ونتعلم من اللي راح وخلونا نبدأ نقوي بعض ونسند في بعض لحد ما نوصل لمراتب الشرف مع بعض ومافي شي مستحيل دام قدرة الله فوق كل شي

[nooofe]

شكرا

بارك الله فيك

[سنيوره جده]

موضووووووووووع جداااااااااااااااااااا جميل

يعطيك العافيه ياروح انسانه


انا غلطي كان اني احل وفي المراجعه اتراجع عن بعض الاجابات

وبعد مااخرج من القاعه اكتشف انو حلي الاول غلط

وانقهرررررررررررررررررررررررررررر


وان شاء الله احاول اني مااعيد ذي المشكله

لا نه غلط والغلط الاكبر اني استمررررر فيه

وشكرااا للمره الاخرى على الموضوع الرائع

^_^

[روح انسانه]

أنا أول وحدة أحب أعترف بغلطي عشان تستفيدوا أنا أهلي سافروا ورغم صعوبة المواد وقد ما إنها تحتاج تركيزوكان وقت دورتنا التأهيلية فضلت أروح معاهم بحجة أغير جو وأرجع بنفسية متحمسة أكتر وطبعا أخذت معايا كتابين وما فتحتها ابداً لأن المذاكرة محتاجة تركيز وإستقرار رجعت اخذت اسبوع راحة ومالي خلق افتح كتاب و بجد الكسل ولد إهمال وبعد كدا لا موبالاة ولما تزل الجدول قمت أدورعلى عمري ولقيت الوقت ما يسعفي وقلت ياليت اللي جرى ما كان...

والأن ناوية بإذن الله أحدد المواد اللي راح أخدها واللي تتناسب مع بعضها واقسم وقتي من بدايت الترم وأخلي وقت لكل مادة حسب ماتحتاج واراعي مرونة الجدول عشان اكون واقعية وما أضغط على نفسي وبنفس الوقت ما أحملها فوق طاقتها ووقت الدراسة لا روحة ولا جية ومافي مجاملة على حساب مستقبلي كل شي لاحقة علية بس براس مرفوعة ونتيجة حلوة

[مس عزوز]

اول ترم درستوا في الجامعة كنت متلخبطة وبصراحة جبت الكتب قبل الاختبار بشهرين بس ما ذاكرت بجدية الا قبل الامتحان بسبوعين وعديت بمعدل 2.75 ورسوب في مادة
الترم الثاني بديت اعمل جدول قبل الامتحان بشهرين وكانت النتيجة ارتفع معدلي 3.56
والترم دا كمان بديت قبل الامتحان ب 3 شهور ودرجات المواد اللي نزلت كلها تمام عدا المحاسبة ظلمت فيها يمكن انخصم منها على الاقل 15 درجة لاني كنت فاهمة المادة تمام ولكن هذا نصيبي ولله الحمد
اتوقع يرتفع معدلي لـ 3.80

[روح انسانه]

Nooofe

العفو
ويبارك فيك أخوي

[روح انسانه]

سنيورة جدة

بالفعل نفس الشي اللي يصير معانا كلنا بس أنا لقيت الشي هذا ما يكون الا في الأجزاء اللي ما وقفت عليها في المذاكرة كتير يعني ماني واثقة من نفسي فيها أو تكون الأستاذة حاطتها عشان نجاوب عليها ب"خطأ" نقوم احنا نصدر الفرضيات عشان مش واثقين من مذاكرتنا
أشكر تفاعلك مع موضوعي بصراحة بديت أحس أنكم معايا ويارب الأخوات والأخوان يفيدونا بتجاربهم ونتعلم من بعض الله يعطيك العافية ياغالية

[صقر الشمال]

المشاركة الأصلية كتبت بواسطة روح انسانه nooofe العفو ويبارك فيك أخوي

روح انساانه
يعطيك العافيه ع الموضوع صحيح كلاامك جداا في محله
لاكن
في اخطاء فادحه من قبل الدكاتره تخيلي نموذج في غلط احمل نفسي ولا احمل الدكتور وش ذنبي انا طيب اذ تكلمت او حملت الخطاء الدكتور مو من حق مشروع لي بشي هذا
ثانيا انا اشوف شي غريب جدااااا وممكن اكثر الزملاء يواافقوني الراي
الماده الي احس اني مره ممتاز فيها تطلع العكس احصل درجتي فيها اقل والعكس صحيح ؟؟
سر مابعرفووو خاالص00000000000؟
شكر ع الموضوع مره اخري

[Tamim]

الله يبارك فيك و يوفقك ، هذا النماذج من الناس اللي الواحد يحب يشوفها في الجامعه وفي اي مكان ...

بشكل عام الواحد لابد انه يبدأ بمحاسبة نفسه قبل ما يحاسب الاخرين ، والتغيير للافضل ينطلق من تغيير الذات اولآ ...

بالنسبه لي من الاخطاء والمشاكل اللي ارتكبتها في بداية مسيرتي بالجامعه واثرت على تحصيلي الدراسي وعلى المعدل التراكمي ، هي مشكلة الاعتماد على الملخصات والاسئله المحلوله الجاهزه لدرجة اني ما اذاكر الا اذا وصلت جده وقبل الاختبار بيوميين او ثلاثة ايام بالكثير وكنت اشتري الملخص من اقرب مكتبه في حي الجامعه بدون التاكد اذا كان الملخص شامل المنهج او لا و ماعرف اذا كان الملخص قديم او جديد ، والنتيجه كانت اني ادخل الاختبار واحس بصعوبة الاسئله واعتقد انها جائت من خارج المنهج او ان الدكتور وضعها من بين السطور وطبعآ الدرجات كانت سيئه جدآ جدآ ، واعتقد ان كثير من الطلاب كانوا مثلي والبعض منهم لازال على نفس المنوال الى الان ...

لكن من الترم الخامس تقريبآ راجعت نفسي و غيرت من اسلوب مذاكرتي وبدأت بالاعتماد على الكتب والمنهج المقرر المعتمد من الجامعه وحسب مفردات المواد في المذاكره والحمد لله النتائج كانت تحسن للافضل وبمراحل عديده في نتائج الاختبارات واصبحت اشوف اسئلة الاختبارات اكثر سهوله لأني مذاكر من المنهج الاساسي اللي نادرآ ما تخرج عنه الاسئله ...

وآسف على الاطاله وبالتوفيق للجميع ...

[روح انسانه]

مس عزوز
ما شاء الله عليك بجد اهم شي قوة الإرادة لما حطيتي في راسك انك ترفعي معدلك قدرتي وبصورة_ تبارك الرحمن_ جداً رائعة لأنك لحقتي على نفسك من بدري وأشوف أنا أهم شي التخطيط واني امشي على الخُطة اللي رسمتها وأحط هدفي قدامي وكل ما احس اني تعبت اذكر لما افتح الأوديس آخر الترم ..الله يعطيك العافية يا أحلى مس