احتاج مساعدتكم ضروري لا تهملوني

[Dr.moni]

السلام عليكم ورحمة الله وبركاته

اخواتي
نزلتلي دي المواد مع بعض في الجدول

فيزيائية - تحليلية - طاقة - احياء دقيقة - تنظيم ايض

ومعمل التحليلية ومعمل احياء دقيقة في نفس اليوم ورا بعض

ابغى نصيحتكم اخد دي المواد مع بعض عادي ولا صعب مع بعض وبالنسبة للمعامل يعني ينفع اذاكرهم مع بعض زي ايام الاختبارات :)

جزاكم الله الف خير

[وتر الإحساآآس]

وعليكم السلآم ورحمة اللهـ وبركآتهـ

أشوف يآقلبي أحسن تحذفي التحليلة

وضيفي مآدة حرة أو ثقآفة أو آختيآرية =)

[Dr.moni]

بس التحليلية ب 4 ساعات
وانا باخد كل ترم مادة ب 4 ساعات

اعطيني حل تاني برايك
لانه لو غيرت الجدول وحذفت الطاقة برضو ما بيزبط الجدول عشان معمل الدقيقة والتحليلي يجو مع بعض

[وفاء جدة]

انا باقي ماوصلت لهالمواد عشان كذا ماعندي خبرة والله...
لكن أقولك انا أشوف انه مو حلو معملين ورا بعض وحتى بعدين في اختبارات المعامل
ممكن كلها تكون في نفس اليوم >> ع حسب الاستاذات..

وبالتوفيق يارب

[ترانيم الكفاح]

شوفي حياتي جدولك دسم شوي
خلي تحليلة ودقيقه وفزيائية وطاقه
احذفي تنظيم ايض
وشوفي ماده حره ولو تاخذي فلك بيكون مررره احسن ونصيحه حاولي تغيري الجدول احسه ضغط عليك
وبعدين انا جربت معملين ورى بعض بالنسبه لي واااايد حلووووووو
ويااارب يوفقك وييسرلك كل خير

[اريج العمر]

والله انا من راي بعد تحذفي تحليليه .. مو ضروري تاخذي كل سمستر ماده ب4 ساعات لانو مره ضغط
اضيفي بدالها ماده او مادتين اختياري وبعد ثقافه
وتره انا مجربه معملين ورى بعض مرره حلو .. وعادي حتى ايام الاختبارات .. اذا ماناسبك وقت معملك تقدري تحضري مع نفس استاذتك في اي شعبه ثانيه

[Dr.moni]

السلام عليكم

فكرت اني اشيل الطاقة والتحليلية واحط تطبيقية وثقافة

ايش رايكم ؟