اللي درس عند هذولا الدكتورين يقول رأيو لو سمحتو

[جاك سبايرو]

السلام عليكم ورحمة الله

انا منزل مادة مبادئ محاسبة 117 وابا اعرف احسن دكتور يدرسها وكيف يدف درجات ولا لا

خالد سعيد باشنيني ولا محمد علي عبدالحميد الماليزي ؟

[جاك سبايرو]

up up

[جاك سبايرو]

ياهو يا جماعة محد درس عند ذول قبل كذا ولا اش

[جاك سبايرو]

ترا اللي يرد له عشااا

[7toom]

لا مادام فيها عشا بجاوبك

شوف ياغالي انا درست عند خالد باشنيني والصراحة مرااا قلق! يعني مثلا شعرك كثير يقولك حلقه في ثانوي قاعدين! ماتلبس كاب واشيا اخرى نجي للشرح صراحة نص المحاضرة تروح وهوا شغال تحطيم في الطلاب انتو ماعندكم طموح وماني عارف ايش شرحه سرريع والدرجات كانو يدفعها من جيبه!

بالنسبة للماليزي يقولوا مرراا مزبوط ويساعد كثير بالدرجات ويفهمك ويقولك ايش اللي تذاكرو بالاختبار ويعطيك مسائل كلها تجي بالاختبار



يالله فين نتقابل عشان العشا!!

[tofe2000]

هلا بالطيبين
وعليكم السلام ورحمة الله وبركاته
انا درست مع محمد صراحة دكتور لا يعلى عليه من ناحية الدرجات والطيبة يعني واخلاق لابعد حدود بس لازم تكون عارف انجليزي شويتين عشان تفهم معاه وادا مش فاهم تقدر ترحلو ويستقبلك بصدر رحب

اما خالد درسنا اسبوع صراحة اول مادخل قالنا الشعر والكاب مافي تشيله ولازم تلبس شماغ لو شعرك طويل او تحلقه وجلس يدخلنا في المجتمع السعودي وانه احنا الوحيدين الي عندنا عالم بتاخد 99 ازيد من الشعر بيت ... اتاخرت 10 دقائق على المحاضرة انت مغيب يعني المحاضرة 10 ودخلت 10 و10 تعتبر غايب ولا كانك حضرت
بالنسبالي الماليزي ناسبني بس شوية انجليزي يكون عندك واي شي مش فاهمه اول باول رحله


ها ايش العشى؟؟؟؟؟ هههههههههه

[اسامة كردي]

انا درست ترم كامل عند باشنيني
صحيح هوا متشدد في حكاية الشعر والتاخير

لكن بصراحة مبدع ومن افضل الدكاترة اللي عدو عليا في الشرح

لكن لو انتا من النوع اللي يدور نجاح او زيادة درجات بدون اي حق ... ماينفعلك باشنيني ... لانو حقاني واسئلتو صعبة

لكنو في نهاية الترم يزيد تقريبا كم درجة

اذا نزلت عندو لازم تكون منضبط معاه ... لكن صدقني حتتعلم منو اشياء جدا كتيرة

[اسامة كردي]

وبصراحة اللي يقول انو متشدد والشعر وما كاننا الا في الثانوي
بصراحة معاه حق ... يعني احنا طلاب جامعة وكبرنا خلاص ... يعني المفروض نبطل حركات المراهقين دي
وبالنسبة للتاخير ... بصراحة حركتو جدا ممتازة .. بعد 10 دقايق تدخل بس تستفيد من الدرس لكن تعتبر غايب ... ايش تبغا احس من كدا .. في دكاترة تدخلهم بعد 5 دقايق يجلس يهزئك ويفشلك قدام الطلاب وفي النهاية مايدخلك كمان

اسمع نصيحتي ... وخد عندو

[tofe2000]

بصراحة التشديد على الشعر شي حلو بس للي مطولين شعرهم بزياده او مش مهتمين بيه اما شعرك نظيف وتتروش وتهتم بنظافته وحلو ليه يقول حلق!!!! هوا بيتكلم مع ناس كباااار مش مع ابتدائية وبخصوص ال10 الدقائق وليه؟؟ خلاص يخليك تدخل وفي الاخير يحضر يعني انا اضرب مشوار من البيت لمن الجامعة عشان احصل نفسي غايب!!! وكل واحد وظروفه
وحركة تدخل متاخر لا سلام ولا كلام حلوة
وبس
بخصوص شرحه درجات والله مادري اسبوع واحد درسنا

[جاك سبايرو]

يعطيكم العافية وما قصرتو والله العشا جاب فايدة