الخطه (أ) شبااااب للمعلوميه فقط ومن باب ساعد اخوك المسلم الضايع هههه

[مــــــطنوخ "]

السلام عليكمورحمة الله وبركاته

ياشبا11ب لاتقولون وين الناس قولو الغايب عذره معاه
المهم
انا جايكم بخدمه كلكم اي احد عنده معلومه
انا والله منشغل مره لدرجة اني لين الان ماشريت الكتب ولا ادري وش علينا وش معنا
ابي منكم تقولولي بالتفصيل الممل المخذوف من المقررات
وأعذروني لني قاطعكم بس الله لايشغلنا الا بطاعته وربي وفق الجميع
وعلى فكره الاختبارات متى تبدا ؟؟؟؟؟حسيت انه الوقت ضاع علي
ولكم جزيل الشكر

أخـــوكم / مـــــــــطنوخ

[بـحــر]

مطنوخ
بحاول انصحك با فتراض لو اني مكانك وش بسوي ..


الخطوه الأولى

اقرا المواضيع المثبته في ملتقى السنه التحضيريه


الخطوه الثانيه

لا تتأخر وأرسل جدولك لمكتبة خوارزم واطلب كتبك ترا المواد دسمه شوي
وبعد اطلاعي عليها بشكل سريع ( أتوقع اللي فعلا بينظم وقته وبيخصص وقت للمذاكره إن شاء الله بينجح )
مثلاً كل أسبوع مادهـ يذاكر درس أو اثنين يومياً . الخميس فله والجمعه مراجعة ماسبق دراسته خلال هذ الأسبوع



الخطوه الثالثه

كثف اطلاعك على المواضيع اللي تخص الملخصات وَ مواضيع ماحصل في الدوره التأهيليه ..


الخطوهـ الرابعه

خلال هذي الأيام اللي مرت وانت تجمع معلومات وملخصات بتكون كتبك إن شاء الله وصلت ..
طبعاً تابعها مع المكتبه من أول ما ترسل فاتورة السداد والجدول وغثهم باتصلاتك لين يفيدونك انها طلعت للبريد ويعطونك رقم البوليصه ..

الآن يأتي دورك في زيادة غثاثتك الضروريه جداً مع فرع الدي اتش ال .. (بعدها راح تعرف كل تفاصيل شحنتك. مثل : متى حركت الشاحنه؟متى توصل؟ليش السواق تأخر؟ طيب وش اسم السواق؟ مين رئيس قسمكم)؟..إلخ

أول يومين كنت في غاية الإحترام ومحد عبرني

مرت 6 أيام

بعدين شبيت فيهم وماصدقوا توصل شحنتي عشان يفتكون .. (هنا فايدة الغثاثه)

ولهذا جرت نصيحتي انك تكون غثيث , وليس ( غير محترم )

( بصراحه فيها متعه تحس انك مديرهم )

الخطوه الخامسه

اطلع على الكتب واحد واحد .. لاتذاكرها .. أول شئ اقرأ فهرس المواضيع والمقدمه والأهداف لكل مادهـ بعدين اقرأ خمس دقايق في الباب الأول بعدين عشر دقايق الباب الثالث مثلاً عشان يكون عندك المام بعناوين المواضيع ومدى ترابط المنهج في الدروس وفكره عامه عن الماده.
وغير كذا تأشر على الابواب والمواضيع المحذوفه ..


كـــذا أتوقــــع تــكــــون أنتهيت من الأســاســيات

يبقى



الخطوه السادسه والأخيره ( اكمال ما أسسته )

ابدأ بتطبيق خطتك في المذاكرهـ وبدون تهاون

خصوصاً إذا كنت خطه ( أ ) لأن مواد السنه التحضيريه الصعبه معظمها نزل فيها ..

يعني شد حيلك الحين عشان المعدل وتهون عليك شوي الفصل الثاني ..


أتمنى لك التوفيق وآسف إذا قصرت وصدقني حسيت بظروفك من ناحية الوقت


تحياتي لك

[مــــــطنوخ "]

مشكوووور يابحر جدهـ بس انا ابي اعرف وشو المحذوف عشان ماجلس اذاكره وصراحه خططك رائعه بس مشوار وانا انسان انشغل مدري متى القى الوقت للمذاكره والله يعين وبالتوفيق يارب

[بـحــر]

الله يوفقك ويسهل عليك

بالنسبه للمحذوف وعلى حد علمي جميع المقرراتمطلوبه من الجلدهـ للجلدهـ .. ما عدا الرياضيات

ادخل على هذا الرابطاضغط هنا

وموضوع ثاني اضغط هنا

[مــــــطنوخ "]

مساء الخير اخي بحر .........معليش على الاطاله ولاكن والله انك ماقصرت وابيض وجه ومشكور على المساعده ..،،،،،وربي يوفقك