تجمع المتقدمات على وظيفة معيد (دراسات اسلامية ) فرع شمال جده

[د/طموح]

السلام عليكم ورحمة الله وبركاته


هذا تجمع خاص بالمتقدمات على وظيفة معيدة تخصص دراسات اسلامية بجامعة الملك عبدالعزيز فرع شمال جده =عسفان

نسلي نفسنا بهالتجمع الى حين صدور قرار التعين بحول الله وقوته


كل وحده تدخل تقولنا هل اجتازت التوفل او بديله او زي حالتي قدمت وماعندي توفل او بديله

بس ناويه اختبر بشهر 4 ان شاء الله


وللمعلومية اول ايام التقديم ماكانو يستلمو الملفات بدون التوفل اوبديله لكن كما قال الموظف لمحرمي انه اليومين الاخيرة من التقديم بدأوا يستلمو الملفات حتى اللي مافيها توفل اوبديله مع العلم انه اللي عندها توفل تزيد بنسبة 10% على اللي ماعندها

الرزق اولا واخرا بيد الواحد الاحد
الذي أسأله ان يرزقنا رزقا حلالا ويجعلنا في هذه الوظائف اوفر الحظ والنصيب

وحياكن الله في هالتجمع ..

[طموحهـ ولكنـ]

وعليكم السلام ..

انا مش درسات ..

ماشالله اخذو ملفك بدون توفل .. ماشالله بداية خير ..

حرام انضلموا اللي مااخذوا ملفاتهم في البداية . اتوقع يمكن محد جاهم ..

الله يجعلها من نصيبك .

[أنا وبس]

بداية خير ماشاء الله
موفقين يارفاق

[شوكولاين جدة]

ماأبغى أكسر مجاديفك ياأختي...

صحبتي الدراسات كل اخوانها ماشاءالله تبارك الله مسؤلين بالجامعة قالوا لها كل الملفات اللي بدون التوفل مستبعدة حتى لو استلموها..عشان كده هي ماقدمت..

بس الواحد مايدري النصيب فين...الله ييسر لي ولكم جميعا

[طموحهـ ولكنـ]

8 8 8 8 8

والله شرط التوفل كفيلة بكسر المجاديف .

[د/طموح]

ايواا مستبعده بس لما شافو الجد انه محد قدم وعنده توفل

قالو خلاص استلمو الملفات

هذا الكلام من عند الاخ نواف الغامدي سكرتير د/حمدان الزهراني

قال محد قدم دراسات ومعاه توفل او بديله فاضطروا يغيروا الشرط ويستلمو الملفات
عموما

هو قال للوالد اذا صار ترشيح على حسب اعلى معدل
بيرسلون لهم بوجوب احضار بديل التوفل

انا عارفه انه فينا فينا

بس بادرة خير انه استلمو ملفاتنا
والقادم اجمل باذن الله

نختبر في شهر 4 ونحاول نوصل الدرجة للجامعة او ننتظر لولنا نصيب يقولو تم ترشيحكم ولابد من احضار درجة اللغة

والله كريم المسلم دائما بين الخوف والرجاء

لااله الاانت سبحانك اني كنت من الظالمين

[د/طموح]

اذا صاحبتك ياشوكولاين اخوانها مسؤلين بالجامعة ليش مايتوسطو لها وهي تستحق مدام انها الاولى

اعرف وحدة توظفت معيدة وتقديرها جيد وعمرها 32 سنة
توظفت في جامعة الملك عبدالعزيز بواسطة واحد يشتغل في الجامعة موظف بسيط وشهادته ثانوي !!!

[طموحهـ ولكنـ]

8 8 8 8 8

سبحان الله هذا نصيبها ..

الله يزقنا الوظيفة .

[د/طموح]

المشاركة الأصلية كتبت بواسطة طموحهـ ولكنـ وعليكم السلام .. انا مش درسات .. ماشالله اخذو ملفك بدون توفل .. ماشالله بداية خير .. حرام انضلموا اللي مااخذوا ملفاتهم في البداية . اتوقع يمكن محد جاهم .. الله يجعلها من نصيبك .

آآآآآمين الله يرفع قدرك زي مارفعتي من معنوياتي

والله يجعلي ويجعلك ولكل من تطمح ان تكون معيده نصيب في الوظائف

[شوكولاين جدة]

أختي طموح هي حتتعين بس تقول ماأبغى بالواسطة وأحس إني أقل من غيري وانا معدلي عالي فعشان كده ماتبغى أحد يتوسط لها لأنو الواسطة حتخليها كانها بجدي أو جيد جدا..

بعدين هي ماتبغى لافي عسفان ولافي رابغ هي تبغى في الكلية أو الجامعة ...

الله ييسر للجميع

دعواتكم بإذن الله قريبا أبشركم بتعييني وتعيينها...