محتار واحتاج مساعدتكم ... همتكم يا شباب

[MLR]

السلام عليكم ورحمه الله وبركاته

اخواني انا محتار في موضع التسكين ابغى احط هندسه رابغ اول شي بس مو عارف وضع السكن هناك يعني هل حلاقي محل ولا حيكون فل ولا كيف الوضع ياليت تفيدوني لانو الموضوع جدا مهم وبكره يقفل التسكين وانا لسه ما سويتو همتكم يا شباب عزوز

[حلا الحلوه]

سوري ع اللقافه

بس على فكرة التسكين يقفل ٦ رجب مو بكرة

بالتوفيق^_^

[MLR]

واااااااااا والله كنت احسب بكره :s

ثانكس حلا اجل ع كدا حتفرغ للدروس

شكرا مره ثانيه

[حلا الحلوه]

العفو ما سوينا شي

ذاكر مزبوط وشد حيلك و ان شاء الله نشوفك مهندس

[fatoom sweety]

المشاركة الأصلية كتبت بواسطة mlr السلام عليكم ورحمه الله وبركاته اخواني انا محتار في موضع التسكين ابغى احط هندسه رابغ اول شي بس مو عارف وضع السكن هناك يعني هل حلاقي محل ولا حيكون فل ولا كيف الوضع ياليت تفيدوني لانو الموضوع جدا مهم وبكره يقفل التسكين وانا لسه ما سويتو همتكم يا شباب عزوز

اووووه خوفتنا يابو الشباب صدقتك كنت احسب انو كلامك صح يقفل بكرة طرت عالاودس على طول هههههههههه بالتوفيق إن شاء الله

[Dr.Passed]

انتا تبغى رابغ اول مو؟ اولويتك رابغ؟

لاتشيل هم السكن دحين...السكن يدبر..والتسكين لسا باقي عليه

[جنــ أمي ــون]

|||

اسفه ,, بس عندي معلومه حابه اقولك اياها .. جامعه الملك عبد العزيز الي ف رابغ

بتصير بعد كم سنه جامعه ررابغ يعني الشهاده الي تاخذها شهاده رابغ مو عزوز

والله هذا الي سمعته من مدير جامعه رابغ اما عن هذي الكم سنه والله مدري 2 4 10

سنوات ماعندي علم .. وإذا ع السكن .. الي فيها ساكنين عند اهاليهم ومقد افيدك عن السكن

هــــــذا والله أعــــــــلم


||||

[ولد حلال]

قدامك فترة طويلة

بس لما قريت همتكم يا شباب

حسيت انو عندك مكيف تبا تشيلو هههههههههههه

[ahmed 19]

المشاركة الأصلية كتبت بواسطة جنــ أمي ــون ||| اسفه ,, بس عندي معلومه حابه اقولك اياها .. جامعه الملك عبد العزيز الي ف رابغ بتصير بعد كم سنه جامعه ررابغ يعني الشهاده الي تاخذها شهاده رابغ مو عزوز والله هذا الي سمعته من مدير جامعه رابغ اما عن هذي الكم سنه والله مدري 2 4 10 سنوات ماعندي علم .. وإذا ع السكن .. الي فيها ساكنين عند اهاليهم ومقد افيدك عن السكن هــــــذا والله أعــــــــلم ||||

متأكدة انتي ؟؟

عميد كلية الهندسة في رابغ قلنا كلها وحدا

وبخصوص الشهادة الي في رابغ انها بدون abeat

قال لأنو لسا ما احد تخرج منها لكن منهج الجامعة حقت رابغ نفس منهج عزوز

[ولد حلال]

احمد ترى اللي يتخرج من فرع رابغ او شمال جدة ما ياخذ شهادة اعتماد << هذا كلام عميد القبول والتسجيل بمنتدى الجامعة الرسمي

قال ان الاعتماد للكلية الاساسية بالجامعة مو للفروع كمان

ونفس الشي للطب المعتمد عالميا هوا كلية الطب بالفرع الرئيسي