لماذا تغيرت البرمجه 1 على أخر ترم ؟؟؟؟؟

[bint aboha]

السلام عليكم ورحمه الله وبركاته

انا بدخل ف الموضوع ع طول وكلامي إلى عماده كليه الحاسبات

سواء ف الجامعه او الفرع احنا بصراحه جانا خبر كان صدمه للجميع

ماندري كيف وليه ومتى قررتوا القرار هذا ؟؟؟؟؟؟؟؟؟؟؟؟؟؟؟؟؟؟؟

انا رسبت وبكل جداره ف البرمجه 1 و اخذته هذا الترم ع امل اني

انجح زي مانجحت قبل ف الصيفي وبB+ ولله الحمد واسلم ع يدي وجه

وقفا ولو ادتني الأستاذه درجه وحده كان أخذت A ولله الحمد والمنه

طيب ابغى افهم الهرجه ذحين ليه غيرتوا البرمجه من C إلى C#

بقولها وبكل شفافيه نفسيتي تعبانه وفكرت اكثر من مره اسحب من قهري

كيف تبغونا نفهم ماده ونختبر فيها ولمد اسبوع كامل لازم نكون فاهمين

او اقلها نستوعبها طيب وبعدين ايش بيصير ؟؟؟؟ شهر كامل مو كافل

بإننا نفهم الماده ونهضمها كمان والأستاذه مسكينه تشرح و ودها اني

تموت نفسها من القهر يعني ضغط عليها وعلينا و ف نفس الوقت مااعذرها

للأنها قالت لنا انا اقدر ارفض القرار هذا واقولهم انا مقرر عليا اشرح

c مو الc# بس قلت لمصلحتكم وين مصلحتنا بالله عليكم ؟؟؟؟؟؟؟؟

شهر كامل والله مو قادره استوعب كل مااتذكر الحاله هذه والله دموعي

ف عيوني من القهر يعني بنرسب مثلا .... ولا ايش السالفه ؟؟؟؟

وبعدين تقولون لنا انتوا مااشتكيتوا ولمن رسبتوا لمتوننا واهو اتمنى من

الكل يشهد اني منزله هالموضوع شكوى لعماده كليه الحاسبات واتمنى

انها تتصرف مع ذا القرار للأنه مو ف مصلحه الطالب واذا ع

التطور والتقدم احنا راضيين بالتأخر ومايهمونا اللي يطالبوا بالتقدم

الحمد لله وهذا اهم شي انها ماده عاديه مو دينيه فما تهمنا لو تأخرنا عن

العالم شوي والله مو داريين عننا بعدين سالفه ان الرجال دخل ونزل البرنامج

وحط برنامج انتي فايروس ( افيرا) وانه مانقدر ننسخ البرنامج من الجهاز

مباشره لليو إس بي للأن مافي setup يعني بالعاميه مانقدر ناخذ البرنامج

من الجهاز حق المعمل بس الحمد لله البنات حصلوا البرنامج ف النت

واخذته منهم طيب بالله عليكم وسألتكم بالله هذا الكلام يدخل الراس مثلا ...

رجال ماادري من وين جاء دخل البرنامج وخرج وبعدها سحبتوا اليد

وقلتوا خلاص مانقدر نرجع اللغه القديمه ؟؟؟؟؟

اتمنى ان ياخذ موضوعي ف عين الإعتبار اطالب بارجاع ال c

ومايهموني الرافضين ولا المؤيدين انا اتكلم عن نفسي وهمي اني انجح

اللي راضيه بالقرار خير وبركه والله يوفقها واللي مو راضيه الله يعيننا


آسفه ع كلامي هذا يادكاترتنا الأعزاء لكن خلاص تحملنا كثير ولازم يجي

اليوم اللي بننفجر من الصبر تقبلوا عذري فهذا والله من قهري