سالفة صارت اليوم للطالب اللي بجنبي

[ســـعـود]

ياشباب مايصير الواحد يعتمد على الغش أو يعتمد على اسألة العام الماضي لازم تذاكر لو على الأقل مانقول الكتاب الملخص..

اليوم من يوم دخلت القاعة عشان اختبار مهارات التفكير إلا وذاك الطالب اللي يرحب بي ويقول تفضل جنبي وأنا والله اروح له قلت يمكن مشبه أو يعرفني بس تبين لي انه مافيه سابق معرفه قال مذاكر قلت إن شاء الله ربك ييسرها قال تكفى إذا خلصت من حل الورقة نقلني قلت أبشر ولما بدأ الإختبار وبنص الوقت جاء المراقب وقال عينك بورقتك قال ياخوي أنا مالفيت جسمي قال المراقب بس عيونك على ورقت اللي جنبك قال ماهو ذنبي أهم شيء مالفيت جسمي أما عيوني مالك حق تراقبها @أم التصريف شعب أهم شيء مايعترف وأقرب مخرج@ " المفروض التصريفة ذي تدخل موسوعة جينس"" وبالنهاية طلع الطالب وهو ماهو عارف الصح من الغلط على البركة وتحطمت معقولة أربع مواد عاجز الواحد يذاكرها في ترم كامل مايصير حرام الواحد

يضيع وقته وماله على الفاضي وشكراً تقبلوا نصيحتي