أبآ أعرس..}..~

[قلبي أماراتي]

السلام عليكم ورحمة الله وبركاته شحالكم عرب عزوز؟ صباحكم فرحه مآتفآرقْ مڷآمحڪمْ ◦ • ◦ •ۈضح ـڪة قڷبْ تڷۈٍنْ مسآمعڪمْ ◦ • ويت ويت ويت .. لآتفهموني غلط أنآ هب فآتحه الموضوع أدور ريل ..~ don't misunderstand me plz .. (( أبأ أعرس )) .. مآ تلآحظون إنآ قمنآ نسمع هآلكلمة وآيد في الفتره الأخيره .. وآيد قمنآ نسمعهآ من " الآنسآت " اللي بعدهن في الاعدآدي والثآنوي ..! عيل شو خلن حق بنآت الجآمعة اللي تخرجن وخلصن ، ويترين {عريس المستقبل} ! على أحر من الجمر .. عسب مآ يفوتهن قطآر الزوآج ..~<<أمحق هييهآآه على أيآم أول .. مآكنآ نسمع هآلسوآلف أبد .. لأنهآ كآنت "منقود" يعني يآدوب نسمعهآ عند البنآت اللي يعتبرن جريئآت ..~ أمآ اليوم .. فصآرت سوآلف العرس والأحلآم الورديه .. تنقآل وتعتبر عآديه ..~ ..{ يقولج شي معرس غآوي عنده نيسآن فتك}<< يالبى الفتك بس .. الحين وين مآنسير نسمع هآلجملة .. في ممرآت الجآمعه والمدآرس أو على الطآولآت في الكفتريآت .. أو الكلآس .. الخ ..~ وحتى فيه من البنآت اللي تعيبهن هآلسوآلف .. لآحظوآ انه آخر كلآمهم تنهيده طويله من قلب ( يآرب ارزقني بريل حلو عآجلآ أم آجلآ يآرب ) ..~ ويردن عليهآ البآجي بصوت عآلي .. آآآآآآآآمين .. يعني عل هآلدعوه تستجآب حآلآ ..~ / \ / ● برآيكم ليشْ استوت " ابَآ اعرس " ظآهره بعدْ مآكآنت " منقوود " ؟ ! وشُو هي اسبَآبهَآ ودوَفعهَآ ؟ ! ● هل القنوآتْ الفضَآئية والافْلآم الرومَآنسية . . هي السببْ الرئيسي ؟ ! ● هلْ الانْفتَآح علىَ الانْترنتْ . . ودخُول موَقع الثقَآفة الزوجِية هي اللي حركتْ المشَآعرْ والعوَآطف ؟ ! ● هلْ تفتقدْ البنتْ الى حضنْ امهَآ وابوهآ واهْتمَآمهمْ فيهَآ . . وتشوفْ ( انْ العرسْ ) هو اللّي بيعَوضهَآ عنْ هَالنّقصْ ؟ ! / \ / يعني بدل مآ تضيع وقتهآ بهآلاحلآم الورديه والتفكير و بـ [ عريسْ الغفَله ] وشقى بيكون شكله .. حلو .. خسف .. أبيض .. أسمر .. طويل .. قصير .. خل تروح تتعلم لهآ فنون الحيآة .. وكيف تتعآمل مع ريلهآ وبيتهآ وعيآلهآ .. عسب تكون عروس { لُقطَه } ايّونهَآ الخطّآب منْ كل صوب . . فـ هآلزمن الريآل يبآ حرمته تكون .. حرمه تعرف كيف اتدير بيتهآ .. وتربي عيآلهآ .. ويبآ أخلآقهآ عآليه ومآ عليهآ سوآبق ورمسآت . وأسلوبهآ رآقي فآلتعآمل .. عسب يفتخر فيهآ جدآم هله ..~ ويشوف إنه لو لف الدنيآ كلهآ مآبيحصل شرآتهآ ..~ نصيحة لكل من [ تبغي تعرسْ ] . . تعلمي واتقني مهآرآت اليوم .. ينفعج بآجر .. والزوآج ترآ هب لعبه .. ومثل مآ انتوآ متخيليين |[ مهندْ & ونور ]| ولّآ |[ لميسْ ويحيى ]|!! ولا ( ميـُـًرنا وخليـــل ) *..* لآآآآآ .. . . الزوَآج مسْؤووليَة . . احْترآم . . تضحيَه . . اخْلآص . . وفَآء . . حبْ متْبآدل بينْ الطرفينْ .. . . اتمنى انّ الكلْ يتفَآعل وينَآقش ويآيـــه *..* اختكم قلبي إماراتي

[al-nido0o0]

الله يادار زايد كيف محلاها
ياناس حلوة وقلبي مغرمن فيها .......>>أهداء لك
لاقريت أسمك أتذكر الأغنية
لي باك بعد ماأشوف الردود......

[صوت الفجر]

هلا والله اختي امارتيه وحشتينا و وحشتنا مواضيعك يالغلا

شوفي طبعا من ناحية البنات وانهم ملهوفات على الارتباط انا ما صدقت لين شفتي بعيني

بنات بالمتوسطه اذا شافوا شاب قعدوا يشقهوا من شكله ولا توصفه قدامك بعد والله قمة الوقاحة

اتوقع هذي ما جنته المسلسلات والقنوات والمواقع الهابطة اللي تروج لهذي الحاجات

الله يحمي بناتنا ،،

تقبلي مروري اختي

.
.
.

[rude.d]

اهنيكي على فـكرك وموضوعك

صـراحه
مافي شي ينقال اكثر من



تعلمي واتقني مهآرآت اليوم .. ينفعج بآجر ..
والزوآج ترآ هب لعبه ..
ومثل مآ انتوآ متخيليين |[ مهندْ & ونور ]| ولّآ |[ لميسْ ويحيى ]|!! ولا ( ميـُـًرنا وخليـــل ) *..*

لآآآآآ ..




. . الزوَآج مسْؤووليَة . . احْترآم . . تضحيَه . . اخْلآص . .
وفَآء . . حبْ متْبآدل بينْ الطرفينْ ..


الى ماتفــهم الكلام دا..يعني لسه ( طفولـيه )
ونتظرها حتى تكــبر ونفهمهاا


تــقــبل مروري اخــتي

واستــمري في طرحك المبدع

[مصره على قراري]

هلابك اختي الغاليه
اتوقع ان كل العوامل الي ذكرتيها تلعب دور كبير
في ظهور هذه الكلمه على السطح
وتداولها بين البنات
وبصراحه هذا الشي ظاهر وبكثره
وفي تزايد مستمر
ياخي زوجوهم وريحوهم وريحونا<<ههههههه
الغريب انوا لو جاء للبنت عريس
تقعد تتشرط وتطلب واذا طفش تزعل
بما انك تبين الزواج تنازلي عن طلباتك شوي
والامور تمشي^^
شكرا لك عزيزتي على الطرح المميز

[m!Ss.7lawa]

أعتقد أكثر سبب جعل البنات كذآ ..
أول شي المسلسلآت وخاصة التركية منهآ ..
الروايات الرومانسية ومآأدراك ماالروايات سايرة الوحدة بس لو قرت البداية مآعآد تقدر تفكهآ لي ماتخلصهآ ..
وكلهآ ميب واقعية .. فتعيش الوحدة خيال رومانسي جذاب < أهم شي ..

فتكون خلآص همهآ إنهآ تتزوج عشان تعيش هالجو ومي حاطة ببالهآ مسؤلية الزواج ..

تسسسلمي قلبي إمآرآتي عالطرح ..

[Hamsa }~]

قسم بالله موضوعك خطير ..

ذكرتيني ..

عندي صـآحبة يـآربي طول النهار والليل وهي متى أتزوج متى أتزوج لآ وكل حركة عندها قصة تربطها بالزواج وبأولادها اللي لسه ماجآو.."خخخخخخخخخخخخ" << الله يزوجه’ـآ ان شاء الله ..

برأيي هذي آخرة اللي يسمعوآ الأغاني الرومانسية مرررة كثييير والمسلسلات التركية ومهند ونور زي ماقلتي ..

مشكورة ع الموضوع (قلبي إمـآرآتي )..

دمت بحفظ الكريم ..

[بيو كيميائية ^_^]

فيه ناس يبون يعرسون عشان أهاليهمـ معيشينهمـ في جحيمـ

وفيه ناس بسبب المسلسلات

تلاقينها تبي تعرس وهي حتى أبيخ طبخة ماتعرف تعملها

وبس تتزوج تقومـ تقول ياريت ماعرست

[Super Linux]

اذا السحالي يقولو كذا

فمبالك بالتماسيح

اخر خطوه في الحياه الزواج فطبيعي اي واحد يتمناه

يعني بالمختصر المفيد التعب والمذاكره والتخرج والوظيفه والقروض وقصد السياره وبنك التسليف كلها عشان الزواج

شوفي اي واحد مهما ملك من مقومات فلوس ووناسه وطلعات ونزلات في النهاية يتزوج لانه الواحد لاتزوج خلاص معد يفكر <<هههههه

يعني كيف اوصل المعلومه اقصد بعد الزواج التفكير كله وناسه وطلعات وحياه حلوه وتجيب لك وحده صغنونه كذا وتدلعها دلع بختصار حياتك تسير كلها فله في فله معد تفكر في المستقبل

معد تقول متى اتخرج متى اتزوج متى اتوظف متى اجمع قرنقش <<<

يسير التفكير كله وين نطلع في الصيف ياحياتي لندن ولاباريس << زين اذا ماكانت ابها ولا الطائف هههههههههههه

بالله كلامي مو معقول ؟؟ بصراحه ياجماعة فكرو في ردي والله يمكن الكل ينتخبني <<

وإن شاء الله كلها سنتين واتخرج واتوظف وبعدها ع طول اروح لاأمي الحبيبه اقلها شوفيلي اقرب سحليه عشان ناوي اعرس ياامي الحبيبه تعرفين ولدك حليوه وبنات الحاره خاقين عليه فطبيعي كلن يموتون علي هههههههههههههههههه

وانا أطالب من منبري هذا ان البنات يراعون العيال في المهور لابارك الله فيها من مهورن تكسر الظهر
وان يخففن في المبالغه بشراء فستان العرس (( يعني هالله هالله بالايجار )) هههههههه

وياليت الزواج يكون في السطوح << برأأأأأأأ :):):)

ومالكم ومال موضي (وتنكس) (وباعني وحب غيري بسبت بلاك بيري) ههههههه 30 الف ريال عشان تغني كم ساعه تضرب هي وفرقتها

وعليكم بالمنشدين عشان ربي يبارك لكم في العرس

ومالكم ومال الزفه تلعنكم الملائكه



هذا وصلى الله على نبينا محمد

اسف ع الاطاله بس صراحه قمت اهذر وانا مدري

عارف الموضوع خاص لاأخواتنا لكن لامانع من دخول الرياجيل لبى قلوبهم ااحم يلا يلا هههههه


شكرا قلبي إمراتي

قواك الله

تشأأأأأأأأأأأأأأأأأو

[عندما يتكلم الصمت]

بالنسبة لبنات المتوسط مثل ماذكرتي أتوقع بسبب مُجريات الأمور إللي تغيرت والحداثة اللي بتتقدم متجاهلة السنين
يعني الفترة الزمنية للجيل صارت قليلة جدا ً فطبيعي عمر البنت صار أكبر بسبب المستحدثات رغم صغر سنهــا ..

مثال / البنت في المتوسط صار عندها جوال وصارت تدخل نت و تسمع قصص وتعيش مواقف وأقسم أنها تدرك من الأمور مالم أدركه أنا بنت الجامعة ..

هههههه كان أكبر همي في المتوسط ألعب مع بنات خالتي أيام الإجازة وآشتري آيس كريم

هذا لا يدل على عدم النضج بل بالعكس حلو الواحد يعيش سنه في كل شئ ..

والله يحمي الجميع ..

تقبلي مُشاركتي ..

صمت ..