حلو ولا وععع ,, سهل ولا صعب

[جنون أطفال]

السلام عليكم

أنا طالبة السنه هادي بخلص الثانوي وفبالي أخش علم نفس إن شاء الله
بس كتيير خوفوني منو وقالولي حتجيكي حالة نفسيه وحتهلوسي ومدري إيه ..
بس أنا هادا كلو ما همني لأنو أنا أعرف كيف أتحكم فنفسي إزا كان كلامهم هاد صح ..
بس البروبلم إنو أنا خايفة يطلع القسم صعب ومو حلو وماقدر أمشي فيه ,,
عشان كدا حبيت أسألكم وأبغاكم توضحولي كيف هوا القسم وكيف طبيعة الدراسة فيه ..

ومشكووووورين مقدما حبايبي ,,

^_^

[ادو~.~]

ياعسوله القسم حلو اتوقع اي طالبه في علم نفس لازم احد قالها نفس هذي الكلمه قبل ماتدخلوا
بس للاسف كلهم ندموا عشان كلهم الحين محتاجينا زي مانتي شايفه كل واحد مخنوق معصب طفشان
تعبان نفسين مو صح ههههههه القسم حلو ومافيه شي سهل اي قسم في صعوباته انا راح اتخرج هذا الترم
مو تعبانه نفسيا ولا شي هههههههههه بس دعواتك اجيب معدل عالي وراح اخلي مكاني لكي الله يوفقك
ويكتب لكي الخير ~.~

[جنون أطفال]

منجد طفشوني وخلوني أخاف من القسم

بس كلامك طمني شويا ,,

ومشكوورة ياقلبي ,, وربنا يوفقك إن شاء الله ويسهلك إختباراتك ..

[جنون أطفال]

أفااا بس رد واحد ,,

أبغاكم توصفولي كيف القسم وطبيعة الدراسه فيه ,,

وربي اتوقعت ردود أكثر ,,

[..!! Dano0o !!..]

والله بصرآآآحه القسم مررررره روعة هذا لو انتي دخلتيه وحابته

ونصيحه مني لا تسمعي كلام احد يخوفك من القسم لانه كثييييير صار لهم زي ما صارلك وفي الاخر غيروا ودحين ندمانين ونفسهم يدخلوا قسمنا

مره حلو القسم وزي ماقالتلك الاخت قبل كل قسم وفيه صعوبات بس مهي كثير

ربي يوفقك ان شاء الله

[beautifulgirl]

بصراحة القسم جدا رائع وحلو مع إني ما دخلته
ولكن إنتي ماعليك من اللي يخوفوكي اتوكلي على الله وربي يسهلك ويسهلنا
وزي ماقالت ادو~.~ القسم مرة مهم ونحتاجه كثير في حياتنا
أتمنى لك التوفيق ودعواتك

[سمر آل احمد]

مره انتبهي تصيرين مجنونه وكذا عرفتي شلون خخخخ

ياخي تعبنا من خرافاتكم طيب اكيد دامه قسمنا بنقول لتس جنا مجنن

واذا بتدخلين تخصص ولا مابتدخلينه عشان كلام الناس هذي مصيبه

الناس مايخلون حد بحاله
\


والتخصصص مررررررررره صعببببب انصحك لاتقربين منه

[طهر الطفولة]

كيان :(
حررررام عليكي حطمتي البنت كذا !!
ماعليكي وربي القسم مررررة حلووو و روووعة انا اشوف
الي تبي يكون لأولاده مستقبل حلو و تفهمهم
و تفهم الي حوله تتخصص قسمنا والله احلى قسم بالجامعة حلو و مافي شي سهل بهالوقت
تبين الشي ثابري عشان تآخذينه و الي يمشي ورا كلام الناس عمره
ماراح ينتج بحياته و لا يتقدم مو خطوة ثلث الخطوة
ارمي كلآم الناس ورا ظهرك ترى كلامهم يدوش على خير سنع
و مايقهرررررني إلا إنهم يفتون بكل شي و هم ماعندهم اي خبرة فيه!!
مدري لمتى بتكون هالعينة من الناس متوفرة بحياتنا
لكن لو تبين التخصص و انتي نفسك فيه سوي الي تبينه
انتي الي بتدرسين و تتعبين مو هم و انتي الي بتآخذين الشهادة
وبعدين اقهريهم بالشهادة قولي عديت الحمدلله و اثبت وجودي
ونصييييحححححححححححححححة استخيري قبل كل شي
اختكي طهر الطفولة

[أم سما]

اذا تبغي تعرفي عن القسم ومواده ادخلي قسم الملخصات وحملي منها واقرأيها وشوفي\
بس صراحة القسم روعة لما تذاكري تحسية يتكلم عن حياتك وحياة اللي حولك \ليه الواحد يعصب \ليه احنا مو زي بعض\كيف كنت وانتي في بطن امك ولما كبرت ايش تغير فيك وكمان يعطيك فكرة عن تطور العلم يعني زمان كانوا بيعتقدوا ان التفكير في القلب وتبريد الدم في الدماغ وفي اشياء كثييييييييييير روعة
بس علم النفس بما انه نتاج علوم الفلسفة ففيه مغالطات واخطاء شرعية مثل اللي يقول ان الانسان اصله من قرد او الانسان يولد وكله خير ومافيه شر ومن هذي الاشياء \

اسمعي لطارق الحبيب وميسرة طاهر وراح تعرفي ليه علم النفس حلو وممتع ومفيد؟؟


وربي يوفقك صراحة افخر لما اشوف الوحدة من بدري تخطط لمستقبلها مو اذا خلصت سنة تحضيري تحتار مو عارف ايش تختار؟؟

[شوشو ..]

حبيبتي بصرإحه انا كان نفسي فيه القسم من اول ويوم دخلت الجامعه خوفوني ونفسس الكلام اللي قالوه لك بتصيرين مجنونه وو ... الخ

المهم استخرت الحمدلله وكملت فيه وبجد الحمدلله مبسوووطه لاني ماسمعت كلام احد ودخلت الشي اللي انا ابيه :)

استخيري حبيبتي قبل كل شيء ، ولاتسمعين لكلام الناس