عطل في الجهاز الاداري لكلية رابغ ... اللى يعرف ميكانيكي لا يبخل علينا !!!

[M I L A N O]

شي غريب !!

*
كلية ماتدري وش خطتها الدراسية !!
خطتها الدراسية لترم واحد فقط .. والترم الجاي يحلها ربك ..
اول مرة اشوف طلاب مو عارفين وش خطتهم الدراسية .. واللى ضحكني اكثر موضوع للأخ صهيب قبل فترة يطالب جميع الطلاب عشان يتوقعون للمواد الدراسية للترم الجاي .... هزلت !!

*
نسمع بالتخصص ولا جربناه للحين ..
طبعا اول مرة في حياتي اعرف ان التخصص يجي في الترم الخامس

سألني واحد يدرس في البترول والمعادن عن كم باقيلي واتخرج قلتلة سنتين تقريبا ومع شدة الحيل سنة ونص قال مشاء الله طيب وش تخصصك .. قلت هااه
تخصصي ادارة اعمال قالة اية ادارة اعمال وشو .. قلت للحين ماتخصصت .. قال ايييية

طبعا هو شك في معلوماتي واني قاعد اكذب علية ...
عشان اخلية يصدق طبعا خليتة يدخل المنتدى .. ووقتها قال زين والله اذا تخصصتوا بالترم الخامس توقعتهم بيعطونكم ورقه اسمها تخصص مع وثيقة التخرج لووووووووول

*
كلية تدرسنا معنى الادارة وكيف تصير اداري ناجح طبعا زي مادة التسويق ومادة مقدمة في ادارة الاعمال موارد بشرية ... بس بالمقابل هم مو عارفين ابجديات الادارة في كليتهم ... قمة التناقض..

*
كلية نتايجها تطلع بالقطارة .. وتنحرق اعصابك لين تطلع وتفتك من همها اللى يلازمك وقت نومك وكل ماتقوم .. طبعا كلكم زيي اقوم الصباح اول شيء اسوية قبل ما اغسل وجهي اشيك على النظام العبقري الاوديوس وبعد ما اشيك علية يصير وجهي كذا >>

اعتقد بتطلع نتايج طلاب الثانوية قبل درجات الثقافة الاسلامية والتحرير الكتابي << اسم المادة مو عاجبني حسيت اني ادرس كتاب الخط اللى برابع ابتدائي

*
المصيبة العضمى طبعا واللى لا جدال فيها .. قضية تصحيح اوراق الاجابة

انا ما ادري ليش حطوا التصحيح عن طريق المصحح الالكتروني او الالي .. لان الفكرة الاساسية من هذا التطور العجيب في عالم تصحيح الاختبارات اللى انتهجتها كليتنا الموقرة هي السرعة في التصحيح نظرا لكثرة طلاب الانتساب وطبعا لانهم مو فاضين لنا من الاخر ..

لكن نتفاجأ ان اختبار اساسيات الادارة المالية اللى يتم تصحيحها يدوياُ طلعت نتايجها قبل الثقافة ..

وهذا يجرنا الى سوال جوهري حقيقي ذات اصول اغريقية ( وش السالفة يا كليتنا )؟؟؟

انا اعتقد لو كل طالب راجع كلية رابغ لتصحيح ورقة اجابتة مع دكتور المادة كان خلصنا من اسبوعين

*
اول مرة اشوف في حياتي طالب لا يستطيع مراجعة ورقة اجابتة .. وذلك لانة طالب انتساب ينثبر في بيتة ولا عاد يتعودها ( هكذا وصلتنا الرسالة يا دكاترة كليتنا الحبيبة )

*
انا بصراحة عاجبتني الكلية بشكل منقطع النظير .. احس اننا في طاش ماطاش مسلسل واقعي وملموس وحنا كومبارس والدكاترة هم الابطال... كل يوم شيء جديد .. واحلى مافيها كمية المفاجأت الرهيبة التي ننسى كف احدها بمجرد وصول كف الاخرى


واخير اقول لكي يا كليتنا الموقرة .. واصلي والله معاكي .. واصلي والله يحميكي


طالبك المجتهد \ ابي شهادة بس البسطويسي