المنتديــات حياه اصعـــــــــــب

[المحقق كونان]

فكرة المنتديات فكره بسيطه وجدت لأجل الحوار والبحث عن المعلومه والخبر والفائده بشكل عام
ولكننا لو شفنا واقع المنتديات العربيه ما نلقى هذا الشي ابدا ، ادخل منتديات اجنبيه والاحظ انهم غير معقدين وبسيطين في كل شي ، حتى استايل المنتدى غالباً مايكون هو الاستايل الافتراضي وإن عدلو عليه تلقى تصميمه بسيط جداً .
لكن عندنا اعوذ بالله جميع الألوان تحصلها موجوده ونقش وزخارف وتموجات وتدرجات كنهم مفصلين فستان زفاف . وكل سنه يغير استايل المنتدى .

تبحث بقوقل تبي برنامج يدلك على منتدى ما ، تطلع لك الرساله الغبيه : عفواً انت غير مسجل لدينا
وكأن هالبرنامج حصري عندهم ماهو سايب في كل مكان
ولا بعضهم بعد ماتسجل الا يبيك تحط 200 مشاركه حتى تقدر تحمل .

تخيلو إن موقع YouTube عربي
أتحداكم إذا شفتو مقطع فيديو واحد إلا بعد ماتسجل وتشارك 10000 مشاركه


نجي للأعضاء ومشاركاتهم في المنتديات الغربيه الاحظ انهم مايهتمون بالتوقيع ابد ولا بالمسميات ولا بتعدد الأسماء الاداريه ، وحنا هنا يحطون اربع صور وبيت شعر وعبارة حكمه ويصفهم ورى بعض ، وكل شهر لازم يغير ويعدل ويبدل . وتنافس في عددد المشاركات وفي التميز ومسميات إداريه مدري وش تبي مشرف مراقب عام كبير المراقبين وكبير المشرفين ونائب المراقب العام ونائب المشرف العام
وفريق تطوير وفريق استشاره ولجنه استشاريه ، ولجنة تقصي حقائق خخخخ << هذي من عندي
وكل إسم من هالأسماء له لون يميزه .


برأيكم ليش معقدينها مع ان الله مسهلها عليهم ؟