للطلاب .. كيف تبغوا تروحوا الدورة؟

[Feras L. Kindi]

السلام عليكم

ايها الطلاب الدكاترة .. كيف حالكم؟

اخواني الحين انا بفكر .. هل نروح الدورة اللي بشوال بأي زي ولا عشان الحماس نروح بالسكروب؟

والله انا ناوي صراحة بس مرة مايجي اروح زي الطرطور لوحدي ... الناس تقول عليه متحمس زيادة او مرة مصدق ...

أنا قلت اتكلم بدري شوية عشان اللي يبغى يشتري يلحق يشتري واللي يبغى يفصل خليه يفصل.

انا ما ححط تصويت لأن الكل راح يصوت للسكروب .. ولكن أبغى ناس معايا من المنتدى.

فإيش رأيكم؟

[aloneil]

والله بصراحة أأيدك بشدة

ومن ناحية الحماس فلا تخاف ما أظن أحد حيقول عليك متحمس زيادة لأنو بصراحة أنا متأكد إنو كلنا متحمسين وكل واحد متحمس أكتر من التاني

بس عندك فكرة من فين يشتروه أو يفصلوه ؟
وإيش أحسن أو إيش الفرق بين التفصيل والجاهز؟

[Abdullah Al-juhani]

وعليكم السلام ورحمة الله وبركاته

أهلين دكتور فراس =)

شوف أنا مع إنك تلبس سكرب ولاب كوت حتى لو أول يوم
بالعكس ياخي من حقك تتحمس وتنبسط مافيها شيء فالنهاية أنت هنا بتوفيق الله ثم بمجهود كبير بذلته
وسيبك من الناس اللي تتكلم ما عليك منهم ، لكن عني ما راح ألبس لأنه ما أحتاجه
لكن حشتريه إن شاء الله

[بترولي مآكل هوآ]

اهليين دكتور/فراس ..
سبحان الله نفس تساؤلاتي خخخخخخ ..
بالنسبة للدورة اللي بيسوونها شباب دفعة 11 الله يجزاهم خير، مايحتاج لها تخطط للبس معين،

اما بالنسبة لأول يوم دراسة..بالنسبة لي بلبس ثوب + من ثاني يوم ببدأ بالسكرب بإذن الله

[Feras L. Kindi]

حلو .. بالنسبة لأول يوم دوام بلبلس سكرب ولاب كوت بدون تفاهم

بس انا اقصد الدورة يوم الدورة هي ماهي رسمية ومو شرط اجي بالسكرب بس انتو ايش رأيكم نروح كلنا بالسكرب؟

نحس نفسنا نحضر مؤتمر طبي ولا شي

[Feras L. Kindi]

ها انتو كيف؟ ...اروح اشتري السكروب؟

[بترولي مآكل هوآ]

ياخي انا مشكلتي مشكلة .. (طويل ونحيف) يعني لو انقز ما القى سكرب مناسب ..
يبغالي تفصيل خخخخ ..
،،
ماادري احس لسا بدري ع الشرا .. لا تستعجل باقي نص شعبان + رمضان كامل

[Abdullah Al-juhani]

شوف في رمضان حتلاقي زحمة من جد
وشوف كم يأخذ وقت لو تبغى تفصل
ولو أشتريت جاهز دحين يكمن تلاقي الموديلات قليلة وممكن ما تلاقي مقاسك

عموماً أنا بنزل قريب أشوف المحلات إذا ما أشتريت تضييع طفش بس

[Feras L. Kindi]

طيب عشان كذا اخوي بترولي تفصل من دحين ... انا ابغى اعرف لو احد بيروح بالسكروب الدورة عشان اجيبه بدري بدري ....

فانتو متحمسين تروحو بالسكروب ولا لا؟

زي ماقلت ما ابغى اروح لوحدي بيه ... وبالنسبة للون حيكون ازرق ملكي .. خلينا رسميين بدل القروشة

[aloneil]

والله أنا عن نفسي إن شاء الله حروح بيه