نهااااااااية اخر امل لنا مع عميد كلية العلوم آه بس راحت علينا

[Dr.SoOoMa]

السلام عليكم ورحمه الله وبركاته


اخواني اخواتي طلاب وطالبات جامعة الملك عبد العزيز المغلوب على امرهم


تحيه طيبه مني انا اخوكم حسام وبعد :

طبعا كلنا نعرف انه الاولاد اتحركوا من قبل بقيادة اخي الحبيب الدكتور ( عبدالله ) وكم عضوا على تقليض شباتر الاحيا

والحمدلله نحن عملنا اللى علينا والباقي على الله رغم اننا لم نوفق في تقليصها بعكس البنات

مادري ايش سوا ؟؟

الخبره تلعب دور ف الاقناع


المهم مااطور ف الموضوع البنات طبعا جمعوا تواقيع وارسلوها للمسؤلين اعتراضا على جدول الاختبارات وطبعا لم يتم الرد عليهم او رد عليهم بطريقه محيره كالعاده


واليوم قررت انا واخوي الدكتور (عبدالله ) اننا نروح ونواجه سعاده الدكتور العبيد (عميد كلية العلوم اللى الزبده عنده كلها )

ورغم انسحاب كثير من الشباب خوفا من سماع كلام يسم البدن كالعاده

المهم رحنا انا وعبدالله عند الكتور العبيد وقابلنا السكرتير الخاص به

واخبرنا انه لن يقابلنا رغم محاولاتنا التى باتت بالفشل

واخبرنا ان نتجه الى وكيل عميد كليه العلوم الذي لايقل اهميه عن الدكتور العبيد

دخلنا المكتب الخاص به وقابلنا السكرتير واخبرناه اننا نود مقابله وكيل العميد بمناسبه اعتراض الطلاب على الجدول فرحب بنا وطلب منا الانتظار

انتظرنا قرابه ربع ساعه وبعدها خرج لنا رجل طويل القامه اسمر اللون تبدو على ملامحه الطيبه والتفاهم خرج ونظر الينا ثم قال اتفضلوا عندي ف المكتب

دخلنا انا وعبدالله ظانين اننا وجدنا اخيرا الحل

سلمنا على الدكتوروالقنا عليه التحيه ثم اخبرناه بالامر

الدكتور مااقصر وفهمنا على استراتجيه الجامعه وقالنا بالنص(( نحن مانقدر نغير الجداول ولا نقدر نلعب بالمواعيد لانه هذه انظمه جامعه لانه في حاله تغير اي شي منها سوف يتغير هيكله النظام الجامعي باكمله وقال لاتنسوا مو انتم بس اللى تبوا تختبروا غيركم التاهيلي والانتساب وو....... المهم طلبنا منه انه يزود وقت الاختبار بدلا من ساعه ونص الى ساعتين او ساعتين ونص نظرا الى كثرة الاسله وقله الوقت فرحب بهذه النظيره وقال لنا انه يوجد لديهم اجتماع سوف يناقش فيه هذه المساله ووعدنا بما فيه الخير للطالب والطالبه وقال ذاكروا من دحين لانه مافي وقت .
سالنا ايش اريكم عن السنه التحضيريه اخبرناه بمساوئها وانه في مواد لم يتم شرحها الخ .
رحب بوجهة نظرنا واحترمها ثم قال : ياشباب لازم تعرفوا انه السنه التحضيريه نحن سويناها عشان نخرج الطلاب الكويسين اللى يستحقوا يدرسوا ف الجامعه ونخليهم فيها ونخرج الطلاب اللى مالهم فالدراسه ))

هذا والله اعلم

ورحب بينا ف اي وقت

المهم يابنات وياشباب اخر امل انقطع في الجامعه بس باقي امل هو من عند الله ياريت لاتقطعوه لانه لو قطعتوه راح تندموا كثير


المهم الله يوفق الجميع وينجحنا يارب والسلام عليكم ورحمه الله وبركاته