ابغا ارائكم ياريت تفيدوووني :(

[Bella LuLu]

اهلين حبايبي انا عندي استفسار

انا دحين عندي ترم صيفي بس المشكلة انو معدلي نازل وعارفة اني ماراح اتخصص في التخصص اللي ابغاه .. انا قررت اني اقدم منحة على جامعة خاصة والتقديم بعد تقريبا اسبوعين بس من الشروط حقت التقديم انو لازم اكون سجلت في الجامعة اللي ابغاها .. ومن شروط التسجيل في الجامعة اني مااكون مسجلة في اي جامعة تانية يعني دحين لازم اسحب ملفي من عبدالعزيز ؟ طيب ايش الاجراءات؟؟ ولا ايش اسوي ماابغا اتسرع ؟؟ انا خايفة كمان مانقبل في المنحة مع انو معدلي عالي في الثانوية وفي القدرات وماابغا كل شي يروح عليا يعني على الاقل لو ماانقبلت في المنحة حكون في عبدالعزيز في اسوأ الحالات .. والله ماني عارفة اسأل مين ولاايش اسوي ... ياريت لو احد يقدر يفيدني

[Dr.Passed]

حبيبتي شوفي step one ريلاكس بليز ....اطمني وارتاحي كلي شي ليلو حل مهي مصيبه نحل الموضوع مو مشكله...اساعدك في حبه حبه ولايهمك افيدك بكل الي عندي

اول حاجه انتي نفسك تتخصصي ايش بالزبط؟

[Bella LuLu]

انا نفسي اتخصص موارد بشرية او محاسبة او اي شئ اداري في اسوء الحالات

[Dr.Passed]

المشاركة الأصلية كتبت بواسطة bella lulu انا نفسي اتخصص موارد بشرية او محاسبة او اي شئ اداري في اسوء الحالات

الخطوة التانيه انك حتروحي بكره الحامعه الي تبغيها ( البترجي- ابن سينا- عفت-دار الحكمه-...الي نفسك في) حتروحي ومعاكي...شهاده حسن السيرة و السلوك- الثانويه العامه ( صورتين معاكي لكل وحده) 4 صور شمسيه تلاته في اربعه...وحتروحي تاخدي كشف الدرجات ( للمواد الي درستيها) كمان صوريها

الى الان اوكي؟

[hadeel a]

طيب أول شي انت حددي اش الجامعة اللي تبغيها ؟؟
وإن شاء الله انا و Dr.Passed بنساعدك

[Dr.Passed]

بستناكي من اول فينك؟

[Bella LuLu]

dr passed ايوا انا معاكي .. يعني بكرا اخد معايا الاشياء اللي قولتيها واسجل عندهم طيب وايش الاجراءات اللي حسويها في عبدالعزيز

هديل تسلمي حبيبتي ماتقصروو والله

[Dr.Passed]

طيب ما تسحبي من عبد العزيز هادي اخر خطوه تسويها ومو دحين

بعد ما تسوي الي قلتلك عليه....تستنيي رمضان ( عشان هادا وقت البعثات) تفتحي الموقع وتسجلي...اول ما تسجلي.....يكون شغلك دحين اكتمل الى الان....تدفعي للجامعه الجديده وأول ماتجيكي البعثه يرجعولك المبلغ....فهمتي كيف؟ و انصحك تاخدي معاكي 2000 احتياط بكره.....اتمنى اكون افدتك...ولاتشدي على نفسك بليز...محيسير الا الشي الي يرضيكي بإذن الله لاتخافي و انا معاكي كيف اقدر اخدمك اكتر بس قولي

[Bella LuLu]

dr passed الله يريح قلبك ياشيخة زي ماريحتي قلبي .. حطمنك بكرا إن شاء الله ايش يصير معايا ... ومرا تسلمي ياقلبي

[Dr.Passed]

امين اجمعين كلنا...
و عادي حبيبتي اهم شي انك اطمنتي و إن شاء الله بكره تفرحي وتتطمني اكتر وتنحل مشكلتك بإذن الله
انتي بس لاتشيلي هم...كلو ينحل إن شاء الله افرحي