ظــــــــــ,,ـــاهرة التزحلــــــق ع السفلت ... ((للنقـــــــــــــــــاش)) ...

[زهرة الثلج]

السلام عليكم ..

بدخل في الموضوع ع طول ...

واالله مدري وش اقول وش اخلي ... اناااا مرررا خاايفه ع اخوي ...

قبل فتـــــرة لقيت (( شبشبه الله يكركم )) كاانه متفحم .. لماا سالته صرفني واناا ماا اصريت اني

اعرف مشيت على طوول .. امس واناا اتفرج ع اليوتيوب .. الا القى مقطع يويتوب وااحد يزحلق

على السفلت وكمان جايبينه ع الـ mbc .. اناا مررا انفجعت منظررر جدااا مخيف .. السياارة سرعتها عالية وهذا قااعد يزحلق ..

اناا ع طول جااء في باالي اخويه والشبشب .. رحت ساالته وبعد نقاااااااش طوووويل قالي انو يسوي كذا ..

وقعدت ااخااصمه ودموعي في عيني ... وبعدين حلف لي انه معد يسوي الحركاات هذي .. لانه ساار له موقف ..

وقعد يحكيني ويقوول كانت السيااره سرعتها عاليه وكنت اتزحلق وضربت رجلي في حجره وطرت

كاني سوبر مان ومااباقي الا اني مااسك بااصابعي .. وانجرحت وورااني الجروح اللي في سااقه .. ويقول توبت من بعدهاا اتزحلق .. واناا اشك في ذلك ..

اناا ابغى افهم وش الحركاات هذذي وش يستفيدون منها الشبااب .. ومتى يسوونها ..

ياااشباااب ابغى افهم .. والله دخلت مقااطع يوتيوب ماااقدرت اكملهااا ..

اللي يسوي الحركات هذي ماايخااف .. والله لوا ضرب في حااجه وانفكن يدينه ليرووح لحم مفرووووم ..

وش الحل .. ؟؟

ابغى رأي الجميع وخااصة الشباب اللي يسوون الحركات هذي او شاافوا احد يسويها

,,

[دافئ الإحساس]

ما اقول الا الله يهديهم يارب

وانا اشوفها انها حركات بزورة لا اكتر ولا اقل

تقبلي مروري

[* تركي *]

/


- مآ أعتقد إنهآ ظآهرة وَ لكنهآ ضَرب من ضروب الفَضآوة وَحب التجديد وَ التغيير ، لآ تلبث إلآ وَ تلفحهآ ريآح الأيآم ، لـِ يأتونك بـِ شيء أجدد. صَعب الشَخص يقتنع بـِ الخطأ إلآ إذآ مر بـِ تجربة شَخصية. وَ دآم إن أخوك صَآر له تجربة مَع هـَ الموضوع ، فـَ احتمآلية تركه لـِ " التزلج " أكبر. متآبعة مستمرة مَع العتآب خفيف النبرة قوي المعنى ، ممكن يتركهآ نهآئياً. لَكن إذآ كآن معه أصدقآء - وَ هذآ الأكيد - فـَ رآح تصعب المهمة هنآ أكثر. خَليكِ متآبعة معه بـ استمرآر. وَ عسى ربي يهديه.



::

[زهرة الثلج]

دافئ الاحساس
و

* تركي *

مشكوررين ع المرور

والله يهدي الشباب كل شوي وطالعين بحرككة جديدة ..

,,

[bint aboha]

السلام عليكم ورحمه الله وبركاته

عارفه اني بنطرد لكن كلمه الحق تنقال اللعبه ذي جوووناااااااااان ليتني

ولد عشان اسويها ام الفله والوناسه حتى الغرب إستغربوا

كيف قدرنا نسويها مايدرون ان السر ف ( الشبشب الشرقي ) وانتوا بالكرامه

هههههههههه الله يهدي اخوكي يارب ويهدي الجميع


تقبلي مروري

[RHF]

مني فاهمة كيف يعني ؟

ما قد سمعت او شوفت احد يعمل كدا

ممكن توضحي اكتر !!

[فهد الجدعاني]

^^



هذا هو (:

[فهد الجدعاني]

الله يهدينا وياه يارب

[coOola]

المشاركة الأصلية كتبت بواسطة bint aboha السلام عليكم ورحمه الله وبركاته عارفه اني بنطرد لكن كلمه الحق تنقال اللعبه ذي جوووناااااااااان ليتني ولد عشان اسويها ام الفله والوناسه حتى الغرب إستغربوا كيف قدرنا نسويها مايدرون ان السر ف ( الشبشب الشرقي ) وانتوا بالكرامه هههههههههه الله يهدي اخوكي يارب ويهدي الجميع تقبلي مروري

ههههههههههههههههههههههههه

وربي تقريبا نفس اللي جاء فـ بالي 0

ومرة قلت لـ أخوي .. قال ما عندك تسعاوي لا أشوفك

<~ اللي ما يعرف التسعاوي هو الشرقي بس بـ لفظة أخرى

المشاركة الأصلية كتبت بواسطة rhf مني فاهمة كيف يعني ؟ ما قد سمعت او شوفت احد يعمل كدا ممكن توضحي اكتر !!

أنا أشششرح لك يا قلبي ..

الحين واحد من الشباب يتمسك فـ السيارة ورجوله ع الأرض

وخويه يسسوقها وهو مسسسسرع ..

وذاك يتزلج ..

تعرفين اللي يتمسسكونبـ حبل مربوط فـ طيارة .. ويتزلجون ع البحر


حنا ما عندنا من يعطينا وجه ويزلج شبابنا بـ الطريقة ذي ع البحر

بس عندنا زفلت أملس <~ الأماكن حصصرية

وعندنا حذاء ذو قاعدة تزحلق

ومهارات سائقين عالية

فـ خلاص نستفيد من مواردنا الطبيعية ..

..


حبيبتي راعية الموضوع أدري بـ تشوتيني مع بنت أبوها

بس الله يصصصلح لك أخوك ولا يوريكم فيه مكروه =)

[RHF]

واااااه فهد ايش دااا

اول مرة اشوف زي كدا

هههههه ما ابغا اقول الكلمة بس الصرراحة مرة ........

مممممممم بعدين لو صارلهم شي لا سمح الله

ما قد شوفت زي كدا في الحقيقة

كمان ما قد سمعت احد اتكلم عن الموضوع دا

فهد وربي المقطع ابله مرة ينرفز :@

( زهرة : نو كومينت ) !!

انا فعلن مستصيبة جدا من اللي شفتو