اخوي بيسجل انتساب بس فيه شرط ..!!

[رنوو^_^]

السلام عليكم

كل عــآم وانتم بخير

لو سمحتو بسألكم الحين أخوي بيسجل انتساب

وهو موظف ومن الشرروط

أن يحصل على موافقة جهة عمله إذا كان يعمل

طيب الموافقه ممكن تطوول وممكن ينتهي عليه التسجيل

وش يسووي ..؟

ومشكووورين مقدمما

[عبدالله الفقير]

وعليكم السلام ورحمة الله وبركاته

وأنتي بخير وجميع المسلمين , أول شيء خلي أخوك يسأل عمله
هل راح يعطونه الموافقة بالدراسة ؟
إذا قالوا له نعم , خليه يسجل ويرسل أوراقه وينتظر خطاب موافقة جهة العمل
هذا هو الحل الوحيد

[*ام حمودي*]

المشاركة الأصلية كتبت بواسطة عبدالله الفقير وعليكم السلام ورحمة الله وبركاته وأنتي بخير وجميع المسلمين , أول شيء خلي أخوك يسأل عمله هل راح يعطونه الموافقة بالدراسة ؟ إذا قالوا له نعم , خليه يسجل ويرسل أوراقه وينتظر خطاب موافقة جهة العمل هذا هو الحل الوحيد

واذا ما قدر عنده الترم الثاني خليه يسجل فيه قبل نهاية الترم الاول وفهذيك الفتره خليه يجهز الاوراق المطلوبه والرسوم وموفقين ان شاء الله..

[ابومـشاري]

ترا تسجيل الانتساب تم تمديده الى 15 رمضان , يقدر يطلع موافقة العمل بعد مايطلع الورقة حقت الموافقة يروح يسجل

[المنتشري 24]

اختي العزيزه انا موظف حكومي وتقدمت للجامعه باوراقي وقبلت اوراقي ولله الحمد وماجبت معايه موافقه من جهة العمل لان الموافقه بعد التقديم والموافقه من الجامعه لانه الهدف من موافقة جهة العمل يسمح له بحضور الاختبار فيروح يقدم اوراقه ويخلص كل شي اذا جات الموافقه وسدد على مهله يجيب الموافقه وبالتوفيق ان شالله

[adol213]

المنتشري

[فتى الخرج]

انا عسكري وقدمت على الجامعه وتم قبولي ولله الحمد

ولم احضر اى خطاب حتى الان ولا اعتقد انه اساسى

اذا جاء وقت الاختبارات اطبع الجدول وعطه العمل وهم يفكونه اجازه مدة الاختبارات وبعد الاختبارات ياخذ شهادته ان شاء الله ويعطيها العمل انه حضر فترة الاختبارات وانتهى

[مرشده]

يقدم أوراقة أحسن بعدين يحلها ألف حلال كثير ناس تدرس وتشتغل عادي بالتوفيق

[طالب ثانوية صناعية]

خيتو

شرط الجامعة الوحيد ان اخوك عنده ثلاث الاف اذا كان متوفر فيه هذا الشرط

خليه يقدم اوراقه حتى لو مافيها ورقة من العمل راح ينقبل ويتخرج وهم ماطلبو

موافقة العمل هذي جامعة ام ثلاث الاف ماتعرفينها

[هلالي ورأس عالي]

يااختي انا موظف لاكن ماجبت موافقة من العمل كملت الاوراق الا الموافقة من العمل ماجبتها والحمد الله اموري مامشية في الجامعة وانا الان في السنة الثانية خلي اخوك ايروح وتوكل على الله