الى جميع اعضاء منتدانا الحبيب .... ياريــــت تتفضلو

[عاشقة الندى]

السلام عليكم ورحمة الله وبركاتهــــ
بصراحة كدا انا بدخل بالموضوع على طول عشان عارفة مافي وقت ....
واصلا موضوعي جا في وقت مرا غلط بس ايش اسوي ماباليد حيلة......
انا اخويا عرض عليا اني اروح ادرس معاه في بريطانيا يعني بعثة هو وزوجته .....
ولازم اعطيلو كلمتي في اليومين دي يعني اذا كنت موافقة يصير يبدأ في الاجراءات لانو مافي وقت ...
وهو اسبوعين وحيروح خلاص ...
والله ياجماعة اني مخي وقف والله العظيم ليا دحين ساعة ماسكة كتاب الحاسب مو قادرة اذاكر كلمة
مو عارفة اوافق ولا لا وهادا الشي يتوقف عليه مستقبلي ...
انا طالبة منكم تشورو عليا ايش رايكم اروح واسيب الجامعة ولا اقعد هنا احسنلي واكمل دراستي ....
المشكلة مافي وقت اني افكر لازم اقرر دحين خلالالالالالالالالالالالالاص تفكيري انشل وفكرة تروح وفكرة تجي وقلت مالي غيركم اسألكم يمكن تنصحوني بشي ...
يعني ماكنت اتوقع اني ممكن اترك الجامعة وخاصة اني بالزور يالله قدرت ادخلها ولو سبتها طبعا مستحيل حقدر ارجع تاني....
شورو عليا الله يخليكم لو عندكم رأي لاتبخلو عليا بليييييز...

[عاشقة الندى]

يالله مافي احد يبغى يشور عليا !!!!!!!!!!

[أسيرة الورد]

صباحك خير ورضا من الرحمن

مافي أحد يقدر يحدد مستقبلك غيرك

عشان كدا إستخيري ووكلي أمرك لله

وشوفي اللي يريحك بعد الإستخاره

بس لا تستعجلي في إتخاذ القرار

أتمنى أكون أفدتك لو بالقليل

الله ييسرلك اللي فيه الخير

//

[دربـ وفا ـي]

ههههههههههههههههه

من جد مو وقتك .. داخله عرض

روحي ذاكري وخلي عنك النت ...

صراحه ذي مايبغلها رد على طول لازم تعرفي هناك وش رح تدرسي .. وهل افضل من هنا .. اكيد افضل بس اصعب " مدري يمكن " وجهة نظر ..

بس انا من رأي الدراسه برا روعـــــــــــــــــــــه بس احسها موت صعبه .. والله اعلم ..

توكلي على الله في امرك واستخيري .. وإن شاء الله بيسههلها عليكي ....."

[عاشقة الندى]

تسلمي ياعسل على ردك وانا اكيد بستخير...
بس انا كان قصدي اذا احد مثلا يعرف احد درس برا او عندو خلفية عن الدراسة برا كيف وكيف الوضع ...
يعني ماخاب من استشار...
والله يوفقك الجميع يارب....

[عاشقة الندى]

ااااااااه يادربي والله نفسي اسيب النت بس مو قادرة اركز تفكيري جدا مشغول...
وكل مامسكت ابغى اذاكر سرحت وجلست افكر شكلي كدا بجيب العيد اليوم... الله يســـــــــــــــــــــــتر...

[أسيرة الورد]

ياعسل أخواني يدرسوا برا

الدراسه أصعب من هنا بس مستقبلها أفضل بكثييييييييييييير

والغربه هيا أصعب مافي الموضوع بس تهون مادام معاكِ أخوكِ

بس إنتي بعد الإستخاره قرري

ربنا يقدم لك اللي فيه الطيب والخير إن شاءالله

::

[سـامـي]

انا اقولك .. كملي هالسنه هنا بما انك بدأتي

وفي الصيف خلينا نكتب الكتاب ونتزوج ونطلع سياحه مو دراسه

ايش قلتي

[عاشقة الندى]

معليش اخويا بس انا جادة في كلامي ومو متحملة احد يتريق عليا اتمنى اللي ماعندو نصيحة او كلمة طيبة يقولها......
لا يتمسخر فيا.........

[jessica]

يؤيؤيؤ
الموضوع جد والله

عاشقه انا اشوف ان الدراسه لما تكون كل يوم افضل من أنك تجي
تحفظي وتمتحني نهاية السنه ولو جينا للجد مافيه دراسة سهله
وإذا في راسك مجال معين تبغي تدرسية شوفي وش يناسبك وتوكلي ,,
وإذا ع الغربه فلا تهمك مرة بقد مايهمك انك تجيبي معاك نتيجة الغربه
شي يرضيك ويرضي اهلك
وعلى فكره/ أنا حالياً مغتربة واكيد حاسه بشوق بس
اللي يخفف علي اختي وقريباتي معي
وانتي معاك اللي يخفف عنك
فلاتفوتي هالفرصه من يدك لأنها ماراح تتكرر وعلى قولتهم

*الفرص لاتطرق الابواب*
وفي النهاية ماراح تآخذي إلا نصيبك

اتمنى أكون خففت عنك القلق ..وصدقيني كل شي يهون