يا حسافة على اللي كان ينتقد الدكتور عبدالكريم الداحول .

[مستفيض العبرات]

السلام عليكم ..

في الترم الصيفي قعدت اسبوع افكر ، هل آخذ الدولي العام عند الدكتور عبدالكريم أو لا !
لان لقيت آراء هنا من طلاب وحسسوني كأنه الجزّار الي يتصيد الدرجات ، وتصورت اني بقابل شبح فيقا مو دكتور ..



وقابلت طالب راسب عنده في القاعة وقال لي بالحرف الواحد : احذف المادة وابعد عنه نصيحة أخوية .
قلت ليه ما تحذفها انت ، قال لي ما بقا لي الا هـ المادة ومافي غيره يعطي هذي المادة .

وجرت الأيام وجاء موعد الاختبار الأول .
اختبار أقل ما يقال عنه ، أسئلة من أسهل الاسئلة .
كلها سطور واضحة وأشياء سهلة جداً ، أخذت عنده 24 من 25 .

المحاضرة الثانية لقيت الطلاب يسبّون فيه ، استغربت منهم .
سألتهم انتم مذاكرين أو لا .
واحد قال مسكت الكتاب ساعة ، والثاني قال مسكتها وانا بالجامعة في السيارة .
والثالث خير شر ما مسك الكتاب .

سبحان الله الحين يوم انك تسبه وتنتقد اسئلته السهلة ، ما فكرت شوية انك اصلا بايع امها !

الاختبار الثاني أسهل من الاختبار الأول ونفس الحالة ، ماخذ 25 من 25 والبقية من 10 و 5 و 15

وانواع الانتقاد !!


الاختبار النهائي اليوم ، كل الاسئلة والله العظيم اني انقهرت يوم جيت اجاوب ، قاعد اقول بعد هـ المذاكرة تجيني هـ الاسئلة التافهة والبسيطة ..
لا وبعد جايب سؤالين من اصل 5 من الاختبار الثاني والأول .
لا وبعد يقول حط سؤال لنفسك وجاوب عليه .





الزبدة من كلامي : لا تاخذوا على رأي أي طالب ، ترا بعضهم همهم الوحيد انه ينجح في المادة ، وبعضهم شغلهم الشاغل ان الاسئلة ما تكون مقالية ، وانا من ناحيتي اكره الاسئلة الي تجيك صح وخطأ واختيارات ، يعني يا صفر يا واحد .
اذا حبيتم تاخذون رأي الطلاب ، خذوا من الطلاب الي هم معروفين انهم يذاكروا ( دوافير + المتوسطين )

ادري غثيتكم ، بس حبيت أكتب وأعلق وأدافع عن هذا الدكتور ، والله العظيم من أروع الدكاترة الي واجهتهم في الجامعة .


قبل الختام ، لا يجي واحد ويقول لانك ماخذ صيفي وحاذف لكم كثير ويبغا يفتك ومن هـ الأمور .
الدكتور ماله سنة او سنتين بالجامعة واسئلته كانت تقريباً نفسها لاني راجعت أسئلة السنة الماضية وكانت في نفس المستوى بالضبط .



يعطيكم العافية

[تركي سليم]

الحقيقه انا درست مادتين عنده كلها ولله الحمد ممتاز زنتمنى لك التوفيق وهو من افضل الدكاتره خلقا وعلما

[زين الجامعة]

الدكتور عبدالكريم الداحول من افضل الدكاترة في القانون
الشرح بسم الله عليه والله يشرح باخلاص ويعطيك المعلومه على اصولها وتناقش معاه مواضيع هامة يجاوبك ما يقول لك هذا مش في المنهج
انا بصراحه استفدت من هذا الدكتور استفاده كبيرة في القانون الدولي اخذت منه معلومات غير موجوده بالكتاب وهي معلومات غاية في الاهمية
وانا نزلت عنده مادتين واخذت في المادتين ممتاز ولله الحمد
ولا انسى اقول ان اخلاق الدكتور لا يعلى عليها ماشاء الله غاية في الاحترام ويحترم الطالب ويعطيه حقه ومكانته

وبالنسبة لاختباراته اتحدى احد ذاكر وما نجح بامتياز وكمان اسئلة مقاليه ما فيها تعقيد واضحه وسهله ومباشره جدا

كلمة انصاف
كنت بكتب مقال نهاية الترم الماضي في الدكتور بسبب كلام بعض الطلاب عنه وكنت ساجعل من عنوان المقال التالي (قول الطلبة العدول في انصاف الدكتور الداحول)
لكن تراجعت لاني اعلم ان الدكتور ليس بحاجه مقالي عنه
وشكرا

[blue turki]

انا ماقيد درست عنده

بس اغلب الطلاب يبغو درجات بدون مذاكرة وانا منهم الصراحة وهذا عيب فينا مو في الدكاترة انا درست عند شناق والعساف وكلهم يقولوا لا تاخدو عندهم وراح ترسبو ومدري ايش بس الحمد لله نجحت بدرجات متوسطة نوعا ما ولو شديت حيلي اكثر كان ممكن اجيب درجات افضل بكل تأكيد

[abdulaziz_1990]

الدكتور عبدالكريم الداحول ، الله يوفقك يارب

[مستفيض العبرات]

مشكورين حبايبي ،،
والله يديم المحبة بيننا وبين الدكاترة ، ويبعد عننا الدكاترة يلي مزاجهم مش ولابد ..

[يانووو]

هذي المشكلة....

نبغى ناخد رأي انسان درجاته معتدله ... لان ثلاث ارباع الطلاب اذا جاب درجه حلوه رفع الدكتور فوق تحت والترم الثاني لو اخد عنده مره ثانيه وجاب درجه منخفضه سبسب فيه وماخلا له ...
عزيزي كاتب الموضوع اكن لرأيك كامل احترامي وتقديري .. لاكن حبذا لو الكل يتكلم بحياديه مو عشان الطالب جاب درجات عاليه اي كانت الطريقة ذاكر ولا له موقف مع الدكتور ولا غش او اي شي ... لازم نكون واضحين جدا مع اخواننا اللي حينزلو مواد الترم الجاي ... انا اخالفك الرأي تماما (كل واحد ورأيه) لاكن ما حبت في الموضوع كثير وراح اترك الفرصه لغيري يتكلم يمكن تتقبلو منه اكثر ...
موفقين يارب

[مستفيض العبرات]

المشاركة الأصلية كتبت بواسطة يانووو هذي المشكلة.... نبغى ناخد رأي انسان درجاته معتدله ... لان ثلاث ارباع الطلاب اذا جاب درجه حلوه رفع الدكتور فوق تحت والترم الثاني لو اخد عنده مره ثانيه وجاب درجه منخفضه سبسب فيه وماخلا له ... عزيزي كاتب الموضوع اكن لرأيك كامل احترامي وتقديري .. لاكن حبذا لو الكل يتكلم بحياديه مو عشان الطالب جاب درجات عاليه اي كانت الطريقة ذاكر ولا له موقف مع الدكتور ولا غش او اي شي ... لازم نكون واضحين جدا مع اخواننا اللي حينزلو مواد الترم الجاي ... انا اخالفك الرأي تماما (كل واحد ورأيه) لاكن ما حبت في الموضوع كثير وراح اترك الفرصه لغيري يتكلم يمكن تتقبلو منه اكثر ... موفقين يارب

حياك أخوي يانووو ..
انا ما اتكلمت عن الدكتور لانه دفني أو ساعدني بالدرجات ..
انا اتكلمت لان كثير من الطلبة واعتقد انك كنت واحد منهم كنتم تتكلمون عن الدكتور على اساس انه ديكتاتوري و اسئلته صعبة ،،
بس المشكلة يا اخي الفاضل ان الطلاب لو انهم اسستوعبو المادة ولو 70 % من المنهج راح يجيب درجات ممتازة ..
انا متأكد ان اي طالب خبص عند الدكتور عبدالكريم طبيعي جداً انه ما ذاكر ، أو انه يرتبك لما يجيه سؤال مقالي ..
صدقني اسئلته واضحة جداً جداً ما يبغالها تفكير وأكثرها رؤوس أقلام وعناوين واضحة ..

وانا اتفق معاك ان المفروض الطالب يتكلم الدكتور في شرحه واسئلته بعيد عن مستواه العلمي ..
وانا صدقني اتكلمت وشكرت الدكتور مو عشان درجتي ولا عشان اني ذاكرت او لآ ..


بس المشكلة اكثر الطلبة ماخذين ان اسئلته صعبة وانه عنهجي ، وهذا الكلام ابدا مو صحيح ..
وشكرا لك مرة أخرى

[شــ ع ــولهـ]

مشكووووووور اخ مستفيض ،،

بدل بحثي في جميع المواضيع عن الدكتور ،، قرات ردك وصممت اخذ المادة ،،

طآلبة تذآكر + نحب المقآلي + صيفي = يعني 100%

لان زي ماذكرت اخوي المقالي تاخذ راحتك افضل من صح وخطا ياصفر يااواحد

وقرات كثير عن اسئلة الدكتور كانت مجرد سهالة وتعداد ،،

وراح ارفع موضوعك بردي هذا لجميع طالبات الصيفي ،،