الغريق يتعلق بقشة......

[ayman ahmad]

طبعا العنوان غريب بس والله هاذا الي حاصل ,اليوم رحت اختبار التحليل الكمي وانا والله من جنبها بس قلت يالله لاينقصو الطلاب ولا احد يمكن يفتقدني ويقلق عليا ......المهم وصلت الفصل اخر واحد طبعا كان ودي اي احد يطردني ولا يقلي ارجع بيتكم بس صراحة ماكان في ذاك الشهم ,جلست على الكرسي بهدووء وبرودة اعصاب وليش ازعل نفسي وانا اصلا ماادري ايش الطبخة كل الي حوليني يقولو شوفو الدافور وبصراحة شكلي يأهل اني دافور كبير هههههههههههههههه.المهم اول مابدا الاختبار طالعت في الورقة وانسدت نفسي حتى وانا ماني فاهم شي وصرت الون الدوائر بنظام شختك بختك العالمي وبعد يمكن نصف ساعة خلصت التلوين (حتى التلوين ياخذ وقت)الا نص الفصل يقولون تكفى وكل شوية واحد يسالني عن اجابة سؤال وانا اقلهم ترى اجاباتي غلط ولكن عنوان الموضوع يكفي ووالله من كثر مايسالوني جاني مدرس المادة ويبغى ياخذ الورقة ويقول لو اتكلمت مرة ثانية بطلعك برا ,المهم كل شوية ااشرلهم ان اجابتي غلط ولكن ...........لا وبعد الي ورايا وانا اراجع جالس ينقل التلوين الي مسويه على ورقة الاجابة وبعد ماخلص قام ينقل الفصل وطبعا حوالي عشرة اذا مو اكثر راااااااااااااااااااااااااااااااااااااااااسبين والله لايحملني ذنبهم لاني نصحت ,وانا ماقلت ذا الموضوع الا وهو منتشر انتشار رهيب بين الطلبة فلا يجي واحد يضيع مجهوده ويكسب ذنب على كلام فاضي وترى مااقول الا من غشنا فليس منا والله يهدينا ويهدي الجميع واسف على الاطالة بس صراحة زعلت على الشباب ويالله نقابلهم في نفس المادة الترم الجاي اذا الله اراد .