ابغى رايكم

[بنوتة هلالية]

السلااام عليكم






كيفكم؟؟


انا طالبة انتظام معدلي 4.82 تخصصي دراسات اعتذرت الترم اللي فات عشان احول

لكلية العلووم
وقدمت تحويل وجلست طول الاجاازة انتظر التحويل ولكن لم احول <<عشان
مساري اداري

اصلا الترم اللي قبلو في بنات حولو بس دحيناا صاار يركزو ف المساار ايش اسوي حظي نحس

يالله الحمدالله المهم حولت لعلم النفس بعد تفكير اقتنعت فيلو وقلت حلو اطلع زي د. ميسرة
بس دايم اقول مررا قهر كونت في الثانوي علمي وكنت شااطرة واخر شي ادخل علم نفس

دايم يجيني هادا التفكير

مادري هادا التفكير صح والا لا

واحس كدا انو اخواني مو مقتنعين فيلو

بس اختي تقول حلوو تحمسني شوياا

سوري طولت عليكم

يلا قولولي رايكم ؟؟

وكماان قولولي لما اتخرج في ايش اتوظف ؟؟ هل لة مستقبل

واللي تخرجوا قبل توظفووا

استنى ردكم

[بدر العسيري]

وعليكم السلام

أهم شي تدخلين القسم عن رغبة شخصية عشان تقدرين تواصلين فيه وماتغيرين قسم ثالث مره

القسم حلو وومتع وسهل الى متوسط مافيه الصعوووبه الزايده

اما بخصوص التعيينات والوظايف فالعالم عند الله ومحد يأخذ الا نصيبة

وانا بعد بالثانوووي كنت قسم علوم طبيعيه ودخلت علم نفس ههههه

[شدندن]

والله بحكيلك عن نفسي
انا ندمانه لان امنيتي اتوظف
كانو مخيريني ياتاريخ يا دراسات اسلاميه يا عربي يا علم نفس ياعلم اجتماع
اصلا انا كنت ابغى انجلش رغبتي ورغبت امي بس معدلي ماامداني كان معدلي 3,31
وهم يبغوا 4 وبعدين ما كنت ادري ان في اختبار للمعدلهم مو 4 بس ماكنت ادري واخترت علم نفس هو سهل صح بس
اعتقد اللي نفسها تتوظف بعد التخرج ويكون في امل ماتدخله لويرجع الزمن لوراء كان اخترت دراسات اسلاميه لان خاطري اتوظف ....
بس للي يحبه ومو شرط يتوظف عادي يدخله ميول
هذا راي شكرا خليتيني افضفض شوي

[جنوني محليني]

بس دايم اقول مررا قهر كونت في الثانوي علمي وكنت شااطرة واخر شي ادخل علم نفس

دايم يجيني هادا التفكير

مادري هادا التفكير صح والا لا

الله يكون بعونك ويوفقك يارب وتكونين احسن من دكتور ميسره بعد
دااايم انا بعد يجيني هذا التفكير لاني بالثانوي علمي وكنت شاطره بعد .
بس ان شاء الله مانندم وخيره لنا يارب

[بنوتة هلالية]

طيب قولولي ايش وظايفة ؟؟

وايش اضيف مواد يوم السبت

[بنوتة هلالية]

ليش كدا توقعت يكون ف ردود اكتررر

[بنوتة هلالية]

uuuuuuuuuuup

[بنوتة هلالية]

فينكم؟؟

[FLOOOWER]

اهم حاجه ادخلي حاجه تحبينها وترتاحين فيها عشان تبدعين وتتميزين فيها انسي العلمي والادبي ولا يكون لك عاىق لك في حياتك شوفي نفسك ووين تلقينها مبدعه فيه

[gh-28]

السلام عليكم

عزيزتي
سوف اتحدث بك بكل صراااااحة وشفافية
واتمنى اتمنى ان لاتأخذي كلامي بحساسية

حضرت تفضلتي وقلتي

اصلا الترم اللي قبلو في بنات حولو بس دحيناا صاار يركزو ف المساار ايش اسوي حظي نحس

طيب ياعزيزتي من دفعة (09)او 2009 اصبحت الجامعة تدقق جدا في المسار اي من ســــــــــــابع المستحيلات تدخلي علوم وانت مسارك اداري وصحباتك الا حولو يمكن فعلا مسارهم علمي او انهم قبل دفعة 09

ايم يجيني هادا التفكير مادري هادا التفكير صح والا لا واحس كدا انو اخواني مو مقتنعين فيلو بس اختي تقول حلوو تحمسني شوياا سوري طولت عليكم يلا قولولي رايكم ؟؟ وكماان قولولي لما اتخرج في ايش اتوظف ؟؟ هل لة مستقبل واللي تخرجوا قبل توظفووا استنى ردكم

عزيتي
لاحظت اغلب الاعضاء يركز ع الوظيييييفة
ياجماعة هذه ارزاق من عند الله كتبت من الالاف السنين
((وفي السماء رزقكم وماتوعدون))
لو معاكي دكتوراه وربنا مو كاتب انك تتوظفي ماراح تتوظفي <<انا بأقلك كدا ليه مو قصدي اخليكي تتشائمي بس قصدي اتوكلي ع الله واحسني الظن بالله
ربنا قال في حديث قدسي ((انا عند ظن عبدي بي..)) والله احسنتي الظن بالله وظنيتي بالله خير فصدقيييييييييييييني راح تلاقي الخير اول ماتفكري بسلبية راح تلاقي السلبية دي واذا فكرتي بايجابية راح تلاقيها
بعدين اتوكلي ع الله فوضي امرك ع الحي القيوم
وعليكي بالدعاء تبغي تتوظفي ابدئي ادعي من الان ربنا يسرلك الوظفية وصدقييييييني قبل ماراح تلاقي الوظيفة واستجابة الله لدعائك راح انت تلاحظي ع نفسك الطمئنية

وبعدين قال الرسول صلى الله عليه وسلم يوماً فقال "يا غلام , إني أعلمك كلمات : احفظ الله يحفظك , احفظ الله تجده تجاهك , إذا سألت فاسأل الله وإذا استعنت فاستعن بالله , واعلم أن الأمةلو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعواعلى أن يضروك بشيء لم يضروك إلا بشيء قد كتبه الله عليك , رفعت الأقلام وجفتالصحف "
اتمعني الحديث دا تمااااااااااااااااااااااام وبجد راح تلاقي راحة
قربي من الله اكثر الجئي لو بالدعاء بالوظيفة صدقييييييني احسن من كل شي
ومحد ياخد غير نصيبو في الحياة

نجي للتخصص
عندي قاعدة دائما دائما اكررها
((نحن لانسطيع ان نفعل اي شي دون حب))
اذا كنتي مقتنعة عزيزتي فلا تتأثري باي احد
التخصص رااااااااااااااااااائع جدا وممتع للغاية

واتأكدي اذا انتي حبيتيه صدقيييييييييييييني الصعب راح يهون عليكي واساسا راح تشوفي سلبياتو متعة ..
تبغي تسيري زي د.ميسرة ليه لاء ماااااافي شي بعيييييييييييييييد عن الله

كل شي ممكن يسير اذا انت تبغيه يسر واصريتي ع هدفك مشيتي لو بخطى واثقة

صلي اسخارة انتي والله يختار الا في الخير
اما ع الوظائف ماتعرفي منها ليييييييين لما تتخرجي ايش راح يسير ممكن تكون ع ايامك في وظايف نازلة محتاجين التخصص صدقيييييني الوحد مايعرف من هنا لبكرا ايش راح يسر فيه

وبعدين في شي مهم
((عسى ان تكرهوا شئ وهو خير لكم ))
سبحان الله ربنا مايختار غيييييييييييييير الخير يمكن صدقييييييييييني انت ماتعرفي الخير فين بس ممكن في المستقبل تعرفي طيب اقلك شي ماشاء الله عليكي شطووورة
طيب لنفترض <<مجرد افتراض دخلتي مسار علمي مين يدري يمكن ماكنتي تقدري تجيبي المعدل يمكن لو تدخلتي مش راح تكوني مبسووطة او مستمتعة ....وقيسي ع كدا


اجلسي بينك وبين نفسك نفكري في ايجابيات الاحداث الا سارت معاكي سواء التخصص المسار واستحاااااااااااااااااالة تقولي مافي ولا شئ ايجابي صدقيني راح تلاقي اشياء كتييييييييييييييييييييييييير عينك كانت مغمضة عليها


استمتعي بالا بتتدرسي ودايما خليكي متحمسة وشغوفة للعلم لانك يوم من الايام راح تكوني انسانة ليكي اسمك وبصمتك في الحياة
لاتفتكري بسلبية وخليكي ايجابية
في قدامك اشيااااااااااااااء كتير حلوة تستناكي

مراااااااااااااا اسفة طولت عليكي
واتمنى ماتزعلي من كلامي
^_^
الله يوفقك ويسرلك وخترلك الخير