::..نــداء الى الأخـــت اضـــاءات..::

عاشقة الندى · #1 05-02-2009, 02:10 AM

السلام عليكم ورحمة الله وبركاتهــ

اختي العزيزة اضاءات معليش مضطرة اكتب موضوع خاص لكي لانو خاصية الرسايل عندك ماتشتغل(( وترا لافيها ازعاج ولاحاجة ))... نقرتين لعرض الصورة في صفحة مستقلة

وماعرفت ايش اسوي غير اني اكتب الموضوع هنا..
اعذروني ياخوان ويااخوات ويامشرفين ويامشرفات انا عارفة انو الموضوع مالو علاقة بالقسم ... نقرتين لعرض الصورة في صفحة مستقلة

بس ايش اسوي ماعندي غير دا الحل وعالعموم الموضوع صار للجميع وهو يمكن تستفيدو من تجربتي..
شوفي ياستي انا اخدت الدبلوم قبل تقريبا سنتين من معهد نيوهورايزن ..
يعني دحين ايش صار بالضبط وايش اتغير عندهم ماعرف...
وردا على سؤالك نعم انا درست جميع مواد السيسكو لانها اختصاصنا ولكن الشهادة الدولية حقتها انتي تقدمي عليها بفلوس طبعا خارج عن الدبلوم واللي اعرفو انو مو اي احد يقدر ياخدها يعني يبغالها شخص فاااااهم مزبوط وعندو خبرة بالشي دا..
انا عن نفسي قدمت على شهادة +a وطبعا هيا اختبارين اول شي السوفت وير وبعدين الهارد وير
الاختبار حق السوفت وير محد نجح فيه غير وحدة يعني اختبار مو اي احد ينجح فيه بسهولة رغم انو كان نفسي اخد شهادتها لانها شهادة تقدمها ليكي شركة ميكروسوفت وفيها مميزات مرة حلوة بس نصيب...

وطبعا ياستي اول مارحت قدمت عندهم قالولي انهم بمجرد ماتخرج راح يدورولي على وظيفة او يوظفوني عندهم ودا الشي شجعني اكثر بس لما تخرجت من عندهم محد فيهم طل في وجهي رغم اني اتخرجت بمعدل جدا عالي ومرتفع .. نقرتين لعرض الصورة في صفحة مستقلة

وطبعا الشهادة حقتهم معتمدة من جامعة الملك سعود وقالولي تقدري تكملي البكالوريوس عندهم ولما تخرجت قلت يالله يابنت روحي كملي في جامعة الملك سعود اكيد راح يحسبولي شهادة الدبلوم حقتي وطبعا انسي وضعك مارضيو ولاحاجة وقالولي تدرسي من اول وجديد... نقرتين لعرض الصورة في صفحة مستقلة

امممممممممممممم بالنسبة للاسعار انا الدبلوم حقي كان 24 الف وفي تخصص شبكات بس داك سنة وحدة انا دبلومي سنتين يعني في فرق ..
بس عالعموم هما يحسبو الساعة بــ 400 يعني لو المادة كانت ساعتين حتدفعي 800 ....

وبس ياستي دا كل شي افتكرو وان شاء الله اني اكون افدتك واي سؤال انا في الخدمة... نقرتين لعرض الصورة في صفحة مستقلة

عاشقة الندى · 05-02-2009, 05:20 AM

للـــرفــــع....

ro7i Leek · 05-02-2009, 12:25 PM

استغفر الله الذي لا اله الا هوالحي القيوم واتوب اليه ..

للرفع

عاشقة الندى · 05-02-2009, 08:15 PM

مشكورة اختي هبوش....

فينك يااضاءات....

للرفع...

عاشقة الندى · 07-02-2009, 02:25 AM

للــرفــع

قطر - الندى · 07-02-2009, 10:33 AM

أرفع

مــــلاكـ · 07-02-2009, 10:41 AM

المتيهي · 07-02-2009, 02:11 PM

الله يوفقك اخت ندى ماشاء الله مجتهده

وش فيكم كاتبين للرفع ممكن افهم معناها
001002 001

عاشقة الندى · 07-02-2009, 08:44 PM

اللهم اني قد بلغت اللهم فاشهد....

اخر مرة للـــرفــع....

يلدرم · 07-02-2009, 11:51 PM

ماشاء الله كل الاعضاء جالسين يرفعو وكل واحد بكل ماقدر رفعه

على فكرة المعاهد كثيرا ماتكذب

زي معهد العالمية البعض يقول انه اخد دبلوم على اساس تعادل في جامعة الملك عبدالعزيز وللأسف الناس تصدق وماتسأل المصدر(الجامعة)

من المفترض تسألو دايما الاساس وتقرأو اي شئ يكتب لكم ولكن للاسف الكل مايقرأ حتى وقت التسجيل في الدراسة محد قرأ الشروط بس اضغط صح خلي الصفحة اللي بعدها تجي عشان نغلق ونفتك نقرتين لعرض الصورة في صفحة مستقلة

::..نــداء الى الأخـــت اضـــاءات..::

ملتقى الإنتساب للسنة التحضيرية