بنات الكيمياء الحيوي ...ممكن تساعدوني بخبراتكم..ضروري

[sarona11]

السلام عليكم كيفكم بنات مع الاختبارات....!؟

حبيت استفسرمنكم بما إنو عندكم خبرة....
أنا دحين ع الترم هادا اللي جاي أن شاء الله حأدخل كيمياء حيوي

أبغى أعرف :
1/ كم سنة ياخذ...؟
2/ماهو الأفضل ...يعني اسجل كم مادة 5 أو 6 أو 7 ...؟ وماهي المواد اللي أقدر اختارها من الأصعب إلى الأسهل...؟
3/ ماهو الافضل لترتيب الجدول ..أنا أقصد العملي أفضل 3 أيام في الأسبوع أو 2 في الأسبوع...؟



وجزاكم الله خيرا ... ومعليش على الإطالة

[*hope*]

ان شاءالله يا عسل نرد عليكي بعد اختباراتنا تعرفي يا دوووب نلحق ع المذاكره

[نقآء..!]

^ نفسس سؤالها وابعررف ايش تدرسون فيه وايش يفررق عن تخصص الكيمياء الثاني

[NoNa al7ellwa]

كل بنت و قدراتها .. بالنسبة للعملي عن نفسي انا ما احب انزل اكثر من 3 معامل في الترم .. في بنات ينزلو 5 معامل عادي ..
تقريبا نزلي 5 او 6 مواد هذا المعيار المتوسط << طبعا على حسب عدد الساعات احسن شيء تنزلي 15 او 16 ساعة عشان ما تتاخري مره على التخرج ..
اكثر بنات الكيمياء الحيوي الي ما درسو صيفي يتخرجو في 4 سنين و ترم .. و لكي الحق بالمكافأة 4 سنين و ترم ..
التخصص يبغالو وحده تحفظ .. اذا انتي مجتهدة تعرفي تمسكي كتاب و تحفظي ادخلي كيماء حيوي ..
اكثر المواد الاجبارية الي بــ 4 ساعات صعبة بالاضافة لمادة غير عضوي الي هيا من ساعتين و كمان صعبة ..
مواد الثلاث ساعات و الساعتين الباقية سهله ..

المواد الاختيارية بعدين اسألي عنها لما تخلصي المستوى الخامس ..

بس هذي فكرة عامة كدا عن التخصص ..

[رفيعة الذوق]

المشاركة الأصلية كتبت بواسطة sarona11 السلام عليكم كيفكم بنات مع الاختبارات....!؟ حبيت استفسرمنكم بما إنو عندكم خبرة.... أنا دحين ع الترم هادا اللي جاي أن شاء الله حأدخل كيمياء حيوي أبغى أعرف : 1/ كم سنة ياخذ...؟ 2/ماهو الأفضل ...يعني اسجل كم مادة 5 أو 6 أو 7 ...؟ وماهي المواد اللي أقدر اختارها من الأصعب إلى الأسهل...؟ 3/ ماهو الافضل لترتيب الجدول ..أنا أقصد العملي أفضل 3 أيام في الأسبوع أو 2 في الأسبوع...؟ وجزاكم الله خيرا ... ومعليش على الإطالة

اهلييين وسهلييين
شوفي ي عزيزتي انا من وجهة نظري اشوف ان البايوك يعتبر افضل قسم في العلوم مع انه فيه شي من الصعوبه ونفس الوقت قسم رااااائع .. واذا انتي من الي يحفظ اكثر باذن الله راح تقدرين تمشين خصوصا ان دكتورات القسم اغلبهم كويييسين
1/ غالبا البنات ياخذوه في 4سنوات وترم ولو مشيتي على الخطه(راح تضغطي نفسك) او اخذت صيفي راح تاخذيه ان شاء الله في4 سنوات
2/ ع حسب صعوبة المواد وعدد المعامل راح تسوين جدولك وغالبا يكون 15- 16 ساعة تقريبا من 5-6 مواد. وطبيعي في اي قسم فيه مواد صعبه وسهله وتعتمد صعوبة الماده على الدكتوره واغلب المواد ب4 ساعات غالبا ما تكون صعبه مثل طبيه وتحليليه وتقدري تشوفي من موقع القسم كل المواد وعن ايش تتكلم بالضبط
3/انا اشوف انه اكثر شي تقدري عليه في الجدول 4 معامل في الاسبوع وممكن اقل لانه اغلب المواد لها معامل
اتمنى اني اكون ساعدتك واستفدتي واســـــفـــــــه ع الاطاله والله يوفقك وييسرلك

[NoNa al7ellwa]

رفيعة الذوق .. انتي مسجلة بالمنتدى بس عشان تعيدي كلامي ؟؟!!
عموما حياكي في المنتدى يا أختي :d

[رفيعة الذوق]

[QUOTE=NoNa al7ellwa;5193745]رفيعة الذوق .. انتي مسجلة بالمنتدى بس عشان تعيدي كلامي ؟؟!!
عموما حياكي في المنتدى يا أختي :d

مرحبا بايوكمستري
اصلا انا ماانتبهت لردك للموضوع وبعدين شكل المنتدى عينك مشرفه تراقبين ردود غيرك

وتجمعنا في المنتدى للفايده منك او من غيرك مو للانتقادااااااااات
تشـــــــــــــــــــــــــــــــرفت بمعرفتك

[NoNa al7ellwa]

حسيت اني احرجتك سوري ... و حياكي مره ثانية

[fofi <3]

كلام نوني ورفيعة صح 3 معامل تكفي او اربع ولا تمشي على الخطة لانو كذا ضغط كثيييييير والله يوفقك ياقلبي

[قلبي مملكه]

المشاركة الأصلية كتبت بواسطة نقآء..! ^ نفسس سؤالها وابعررف ايش تدرسون فيه وايش يفررق عن تخصص الكيمياء الثاني

اذا كنتي قدها وشطورة احسن شي تمشي على الخطة
لان المواد بتكون مرتبة بطريقة معينة بحيث تمر عليك معلومات في مادة ثانية تكوني اخذتيها الترم الي قبلة مثلا
فعشان كذا الافضل امشي على الخطة بس راااح تنظغطي
التخصص اغلبة اذا مو كله يتكلم عن اشياء في جسم الانسان
بوجهة نظري يختلف اختلاف كبييييييييير عن الكيمياء العام
تاخذي من تخصص الكيمياء العام كورسين بس بالاضافة لكورس كيمياء التحضيري ومعمل 281 راح تستفيدي منها في معرفة المركبات والتفاعلات لما تجي تدرسيها في العمليات داخل الجسم
طبعا تشوفي اش يحصل جوات جسمك من عمليات ايضية ومكنيكيات معينة ولو حصل خلل اش الامراض الي بتنتج عنة واشياء زي كذا
وباعيد لك المعلومة الي كل مرة نقولها
الكيمياء حيوي احد فروع الطب
وهذا شرف لكلية الطب



ان شاء الله راح تحبي التخصص كثير
لانك بتشوفي عظمت الخالق في خلق الانسان
نعم كثير مو حاسين فيها
الحمدلله