نزلت معايا نتيجة التسكين..كيف أختار التخصص..؟!

[sarona11]

بنات ...نزلي نتيجة التسكين والحمدالله قبلوني في كلية العلوم
بس مانزل الأقسام مشان أختار كيمياء حيوي

إيش أسوي ؟ أروح الجامعة بكرة أو أنتظر إلى ما ينزلو في الأودس الأقسام؟

أنتم كيف سويتو عند أختياركم للأقسام....!

و جزاكم الله خير

[ward al lolo]

انا كمان نفس الشي زيك
ما ادري كيف حيكون الوضع كمان ابغى كيمياء حيوي

[الشيمآء]

السلام عليكم ~

احنا نزلت خانة لاختيار التخصص ع الأودس, و رتبنا فيها رغباتنا .

من رأيي لو تروح لهم من بكرهـ تعملوا طلب تخصيص أفضل,
لإنكم ما ح تقدروا تحزفوا أو تضيفوا إلا بعد مرور 24 ساعة من اعتماد تخصصكم :) .

في كل الأحوال, شيكوا قائمة الشعب الآن و رتبوا جداولكم..
يسير سواءً الشؤون ح يضيفوا لكم ولا ح تضيفوا بنفسكم .. الشعب و المواد اللي تبوها جاهزة و مرتبة ;) .

* مرفق الخظة الدراسية للكيمياء الحيوية .

بالتوفيق لكم يارب ~

[ward al lolo]

بس كيف ننزل مواد واحنا مو محدد وين تخصصنا بالزبط

اذا رحنا العمادة بكرا حيكونو موجودين ؟؟؟
هذي الايام اجازة يعني ما حيكون في حد بالجامعة

[هديل محمد]

انا كمان نفس الشي زيكم
ما ادري كيف حيكون الوضع كمان ابغى كيمياء حيوي
بليز الي يعرف كيف نحدد التخصص يقولنا

[الشيمآء]

ward al lolo
مو العمادة, شؤون كلية العلوم ..
بس مني متأكدة إزا مداومين أو لأ !!
انتو روحوا جربوا, و شوفوا حظكم .

بس أنا قصدي إنكم انتو تكونوا مرتبين نفسكم , بدل ما تقعدوا تستنوا تخصصكم و بعدها تبدؤوا تحوسوا بالمواد و الشعب !!
و قدو غالبًا ح تنقبلوا ع أول رغبة
فـ رتبوا جداولكم ع التخصصات اللي تبوها.

و اي مساعدة حاضرين :) .

[خيال الثلج]

لو مدوامين الدكاتره قولو عشان نشوف ايش نسوي ؟

[عروقي شماليه]

روحوا للجامعة في أولْ يوم دوآم عندَ شؤؤن كلية العلوم في مبنى العلوم الدور الثاني وإستفسرواَ
وباقي 3 أيآم يمكن خلال هالأيامَ ينزل لكم شيء ع الأودسَ

موفقينَ

[OSHA]

بنات كيف جاكم القبول على كلية العلوم ؟؟ و كم معدل الي انقبلت انا لسة ما جاني شي :(

[OSHA]

الي اتقبلت .. السنة الي فاتت كانت تخصص ولا سنة تحضيرية ؟؟ امااانة ابغى جواااب