انا اليوم اتمرمطت =(

[طآلبهـ نآيس]

السلآم عليكم

انا اليوم اتمرمطت حسبي الله عليهم
اول مآرحت عمادة القبول قلتلهم ابغى احول من كلية الاداب لكلية اداره واقتصاد
على طول سدت نفسي قالت مافي !! قلتلها كيف مآفي والكل قآعد يحول ؟ قالت مين قاللك كذا
قلتلها انا داخله النت وشايفه كلام البنآت قالت همآ دقو علينآ قآلو مآفي دآ الترم وقفوه ..
قلتلها طيب فين مبنى اداره واقتصاد قالتلي مبنى 2 رحت ودخلت غرفه والله من القهر اللي فيني
ماانتبهت ايش دي الغرفه قلتلهم انا بحول وكذا قآلتلي روحي المكتبه واطبعي كشف الدرجآت
ولما تجيبيه تكتبي رقمك واحنا نشوف ,,
رحت على اساس اطبع قآلولي مآفي كشف درجآت عشآنك مو مسدده
والله العظيم سدولي نفسي عن كل شي حرآم عليهم يسوو فينآ كذا
احنآ دآفعين فلوس مآندرس ببلاش ليش المرمطه دي كلهآ !!!!! انا مو عآرفه ايش اسوي انا ابغى احول يعني غيري يحول بسهوله وانا لمآ اجي اطلب تحويل كذا يسوو , والله شككوني بحظي اني منحووسه !!
وفوق دآ كلو أضطريت اني اكذب على ابويا عشان لايهزئني ويقولي وديتك ع الفاضي قلتلو عبيت اوراق وكذا بس قآلولي اذا في اماكن وكمان لما تسددي حنرسلك ع الجوال ,
انا رآح آرسلهم معآمله وبطلب فيهآ التحويل ورآح اطفشهم وفوق دآ كلو رآح اتحسب عليهم في كل معآمله برسلهآ لهم يمكن يحسو على دمهم ..
سوري طولت عليكم بس حبيت أقولكم معآنآتي

[هوآزن المطيريِ]

وعليكم السلام ورحمةة الله وبركاته

الله يسهلك انا بآقي تحضيري بس قلت بخفف عنك شوي

ما تدري يمكن خيره لك من ربي ، والله يكتب لك الي فيه الخير أختي ،

[طآلبهـ نآيس]

المشاركة الأصلية كتبت بواسطة ريآنه وعليكم السلام ورحمةة الله وبركاته الله يسهلك انا بآقي تحظيري بس قلت بخفف عنك شوي ما تدري يمكن خيره لك من ربي ، والله يكتب لك الي فيه الخير أختي ،

آمييين يآآآرب
مشكورره ربي يسعدك =)

[علامة]

الله يفرج همك آمين

[طآلبهـ نآيس]

المشاركة الأصلية كتبت بواسطة علامة الله يفرج همك آمين

آمييين يآآرب مشكوره يآلغلآ =)

[بنت اهلي]

عزيزتي انا الترم اللي فات وقت التسكين رحت الجامعة عشان احول التخصص نقلت من كلية اداب الى كلية اقتصاد
كل اللي سويته رحت عند مبنى العمادة عند الشبابيك وقلتلهم بحول
طالعة معدلي ونقلتني
بعدها قالت لي روحي كلية الاقتصاد عند مكتب اظن الانتساب او التحويل او شي زي كدا
قامت اللي هناك قالتلي في ورقة برا الغرفة محطوطه على الاستناد عبيها وتعالي عبيتها ورحت عطيتها اخترت المسار اللي بدي
ورحت البيت ولقيت نفسي كاني من جديد اختار التخصصات
للمعلومية انا وقتها ماسددت ولا شي ومااهتمو الا لمعدل

[بقايا أنسان]

ياعسوله روحي دايركت على كليه الاقتصاد والاداره

وقولى لها انك ح تحولى

فى اوراق برا تاخذيها وتعبيها

وقت التحويل ماطلبت مني كشف درجات ولا شيء

كل الاطلبته اني اعبي ورقه من برا واحذف الجدول من مبني العماده

وخلصت الشغله ورجعت البيت

ولقيت كل شيء معدل

(( شكلك من النوع النظامي روحي ومافى خلاص ترجعي ))

هم يبغالهم كلمتين حلوه وتزبط امورك (( كلمتين حلوه مو يعني سب )) انتبهى

وبعدين الا بكليه الاقتصاد (قسم الانتساب ) عسولات بالتعامل ويحبوا يساعدوا

ارجعي مرا ثانيه
واذا معدلك يسمح حولى بدون تاخير

[m az]

شوفي أنا أقلك شيء في الجامعة بحكم خبرتي الطويلة فيها
عشان تسوي اي إجراءات زي كذا لازم زن كل يوم على راسهم ما تفكي
زي كدا أنا اسوي لمن يكرهوني من قلبهم لأنه جربت الذوق ما نفع
في كل شيء أبغى أسويه يطلعولي عراقيل الدنيا و تصريف على كيفك
و قسم البنات في الجامعة أشد تصريفا من الأولاد حسب ما سمعت
و الله يعينك عليهم..

[abslolo]

عسى أن تكرهوا شيئ وهو خير لكم


دائما
غذا عك معاكي الشيء سيبيه ولا عاد تحاولي دائما قلب المؤمن دليله

[نوسو]

حسبي الله عليهم
هذا حالهم دايم تصريف وكذب الله ياخذ حقنا منهم