:/ اليوم رحت الجامعه وعدت ب......

[ابو زياد الهذلي]

السلام عليكم ورحمه الله وبركاته

اليوم سرحت من صباح ربي وانا اتل موتري و اوجهه نحو جده وانطلق يحذوني الامل بالفوز باحدى الحسنيين اما تعديل درجات اللغه الانقليزيه والرياضيات التي سلب الاف مني فرحه النجاح فيها واما ان احصل على اعفاء من الرسوم التي اثقلت كاهلي المهم نرجع نكمل بالعامي احسن ههههههههه
مالكم بالطوال وصلت الجامعه ولا تسال عن الف والدوران بالسياره وبالرجل في البدايه وجدت مبنى اللغه الانقليزيه ورحت لدكتور البارقي مالقيته قال لي واحد تعال الساعه عشره تلاقيه موجود قلت خليني اروح كليه المجتمع اقدم اعفاء واحوس كل اليوم يالله اني لقيتها المشكله كل شوي موقف طالب وين كليه المجتمع الي يقول مادري والي يقول والله اظنها هنا ويطلع ماعنده سالفه والي يقول مافيه خيارات على باله مسابقه هههههههه المهم لقيتها بعد جهد جهيد ورحت الاستقبال اعطاني الشروط واذا فيها تعريف بالراتب حكيت صلعتي عندهم شوي وقلت راتبي طيب بس مديون ومفلس قالوا انت قدم وشوف قلت طيب انتم وخلصنا منكم باقي الرياضيات جلست اسال وين مبنى الرياضيات احسبها زي الانقليزي مكتوب مبنى اللغه الانقليزيه المهم ماحد عرف يدلني وانا اطرد في الخلق وسط الجامعه اخيرا جا واحد قال تلاقيها في كليه العوم واخذت ابحث حتى لقيت الكليه ونا اروح الاستقبال ويوجهوني الى وكيل الكليه والقى السكرتير واقدم طلب وقال اما تجينا يوم الاثنين او تتصل طبعا مابرد حرتي لاني حسيت انها تصريفه وانه قالها لالف واحد قبلي بس وشو اسوى امري لله قلت خلنا نلحق الدكتور البارقي حق الانقلش وهاتك جري حصلت الدكتور ووجهني الي مصري في مكتب ثاني قال المصري عايز تعرف درقتك ولا عايز تراقعها قلت عايز التنين قال درقتك 38 وبائي لك 22 درقه يعني وضعك مستحيل قلت يمكن غلطانين بلي جنبي ابي اراجعها قال طيب عبي النموزق دا واطالع الا حاطين شروط تعسفيه للمراجعه اذكر منها في حاله ان درجتك طلعت صحيحه تحرم من حق مراجعه اي ماده لمده ثلاثه فصول دراسيه
وكمان اذا طلع الخطا في التظليل لايحق لك المطالبه بتغيير درجتك المهم يبونك تقول هونت لكن قلت والله ماجي جده واعود مضحوك علي وقعت على القرار واعطيته قال حنا براجعها ونتصل بك الي قهرني اني ما اثق بان ذاك المصري بيراجعها وخاصه انه صكني قرار يكسر الظهر
المهم مالكم بالطوال رحت متفائل ورجعت بخفي حنين زي مايقول المثل