راجعت اليوم ورقة الاجابه حقتي باللغه العربيه ..

[طفشني المنتدى]

مرحبا ..
طبعا انا كاتبه تجربتي بهالموضوع يمكن تنفع احد
.
انا كنت متردده بروحة جده علشان اراجع الجامعه بخصوص العربي
والسبب الرئيسي الاحباط اللى لقيته بسبب المواضيع اللى تنزل بالمنتدى
عن التعامل السيئ اللى يلاقيه الطلاب من المسئولين بالجامعه ..


لكن ..
رحت الجامعه ودخلتها ووو..
صحيح تكسرت رجليني وانا رايحه مبنى الجوهره وراجعه مبنى ثمانيه >>لايطلع بس الاسم خطأ خخخ
المهم رحت لسكرتارية قسم اللغه العربيه اللى بمبنى الجوهره
طبعا هذي قالت لى اروح مبنى ثمانيه لاستاذه مومهم اسمها لانها استاذتي
.
بكتب لكم بالتفصيل لازم تملوا او تستفيدوا او على الاقل تتعبوا معاي لين تعرفوا وش صار وتتحمسوا مثلي وانا بالجامعه ومتشوقه للحلقه الاخيره خخخ
المهم
دورتها لين تعبت ومالقيتها ومن مكتب لمكتب وبعد مالقيتها افففف..
رجعت للسكرتاريه قالت لى روحي لمكتب في الدور الثاني بالمبنى الثامن >> هذا مكتب مكتوب عليه انه للمواد العامه ( بس وشو مكتوب بالضبط نسيت .. )
قالت لى ادوراستاذه صباح باعامر >> هي وش تطلع ماادري بس الاقرب انها الرأس الكبيره خخخ
رحت لها وقالت لى اروح لغرفة المواد العامه وأعبي ورقه >>قلت لها استاذه انا جايه من الشرقيه ووو .>>قبل مااكمل كلامي قالت لى لاتخافي الحين براجع معاك ورقتك ؟؟>>انا انصدمت بهذي السهوله خخ
رجعت عبيت الورقه ورجعت لها ورحت معى استاذه ثانيه
نسخت لى اجاباتي (الحروف اللى اخترتها بورقة التظليل فقط لاغير ) وبجنبها الاجابه النموذجيه
.
صحيح انا ماشفت ورقتي ويمكن للحين مو مقتنعه بال f
بس هذا مو مهم ووالله من كثر ماكانت ذوق استحيت اقول اي شي زياده.. وماعندي مشكله اعيد الماده لان اصلا هي ماده سهله وماراح احمل همها ..>>لايصدقوا الجامعه وكل يوم احمل ماده خخخ
.
اهم مابالموضوع انى كتبت هالموضوع علشان
اللى وده يراجع يروح ويعرف ان في ناس ذوق ومحترمين
ممكن يستقبلوه ويراجعوا معاه ورقته
واذا له حق بيأخذه
.
ملاحظه ..
في استاذات احرجوني بذوقهم .. محترمين لابعد الحدووود تخليك تحترميها غصب عنك مثل الاستاذه صباح باعامر
.
.

تدروا عاد وش اللى لفت انتباهي اكثر ؟؟؟
الطالبات .. وش اقول عن الطالبات .. قلة ذوق ماهي طبيعيه 98 بالمئه منهم
مايعرفون وش يعني ذوق واحترام .. شوفة حال ماهي طبيعيه
تسئليهم كأنك تشحذين منهم .. هذا وانا حلوه خخخخ (امزح لااحد يطلع لى فيها تراني اشين وحده بالدنيا خخخ )>> اذا هذا حالهم طبيعي الاستاذات بيعاملوهم بنفس اسلوبهم
والله انى صرت اعتمد على حالي وانا امشي وادور المباني او اعتمد على عاملات النظافه >>لانهم اكثر ناس عندهم اخلاق بهالجامعه
.
مايمنع ان ال2 بالمئه موجودين وينحطوا على الجرح يبرا
.
وتوته توته .. خلصت الحدوته خخخ