ماده البحث وتدريب عام الدكتور حامد الدوعان

[تركي الشمال]

السلام عليكم ورحمة الله وبركاته
اخواني اسعد الله اوقاتكم بالخير والمسرات واسال الله لنا ولكم التوفيق والنجاح لاطيل عليكم انا اضفت مادة البحث عند الدكتور حامد الدوعان pad496 وانا خارج السعودية وحاولت الاتصال عدة مرات على الدكتور ولكن لا حياه لم تنادي ومتوهق الحين مادري وش المطلوب بالبحث والمشكله خريج هذا الترم ولااقدر احذف المادة وراجع لسعودية قبل الاختبارات باسبوع
لـــــــــــــــــــــــــــــذا ارجووو افادتي عن المطلوب وكيفه طريقه البحث وهل هناك مناقشه ام لا ومتى تسليم البحث وهل الدكتوور متساهل ام لا شبااب الي قدر يكلم الدكتور ارجوو منه الافاده
واخيرا اسال الله التوفيق للجميع وشكر خاص لكل من يرد على موضوعي هذا

[وليد الجبيل]

مسيك بالخير اخووي تركي الشمال
انا معك في مادة البحث وقد عانيت كثير من عدم تفاعل قروب عند الدكتور حامد الدوعان وعدم التعاون بس حبيت اضيف لك معلومه اخي موجود في المنتدى طلابات الدكتور وهي عبارة عن اختيار مقالتين علميتين ونقدها وبعد كذا ترسلها للدكتور وبعدين هو يحددلك موضوع البحث وانا كلمت الدكتور يو الثلاثاء على جواله وقلتله لدكتور انا احد طلابك وقالي انا مشغول في اجتماع وماني فاضي لمدة اسبوعين وقالي ليش مااتصلت على تلفون المكتب علشان اشوفك عندي ومتى سجلت وبعدين انت متاخر كثير ويمكن مايمديك قلت يادكتور انا نقد المقالات بحثت عنها ويالله حصلتها وانا جاهز الان لكي ابدا بالنقد للمقالتين قال خلاص مو مشكلة ابعثها لي في ملف مافهمت قصده شلون ملف او على الايميل ان كنت لاتستطيع والله يعنى عليك وقلتله طيب وش موضوع البحث صار الجوال يقطع بيني وبينه وما فهمت شي من كلامه وما بغيت اكرر السوال لانه حسيت انه مو متقبل المكالمه ومعصب مع العلم اني الى الان ماارسلت لسه شي له وماادري متى اخر وقت لتسليم
وفقك الله

[تركي الشمال]

الله يعطيك العافيه ويوفقك اخوي وليد ماقصرت
والله مادري وش اسوي اقسم بالله اني محتار المشكله انا برا السعودية في اوربا ولا اقدر اجي الا قبل الاختبارات باسبوع وعلى كذا انا حاجز بس مادري كيف انقد المقاعلات وكيف ارسلها له الله يعن شكل مابه تخرج هالترمم
اسال الله انه يسهل الامر

[تركي الشمال]

هههههههههههههههههههههههه حلوووه المقاعلات اقصد المقالات

[تركي الشمال]

وليد وش الحل برايك وانت وش ناوووووي تسووووي

[وليد الجبيل]

مرحبا اخوي تركي
والله اخوي بالنسبة لي جبت مقالتين بس ماني فاهم وش يبي بالضبط لكن قاعد ابحث عن شخص يساعدني وتقريبا حصلت ،،،،،،،،
بس حاول اخووي تركي تستعجل في نقد المقالات على الاقل مدري يمدينى وله لا الدكتور حامد شكله مو متفهم لوضعنا والصعوبات الي تواجهنا بما اننا طلاب انتساب
وفقك الله.

[تركي الشمال]

خلاص مليت من كثر مادق على الدكتور ولا يرد علي قررت احذف الماده الله يعيين بس كنت متامل اتخرج هذا الترم ولكن الشكوى لله