اش رأيكم بمؤهل جامعة الملك عبدالعزيز ؟؟؟ عطيني رأيك بموضوعي

[طـــموووح]

بسم الله الرحمن الرحيم
اتمنى في البداية أن يتم اضافة موضوعي وعدم حذفه لان هالمنتدى مشهور بالمصداقية والشفافية
والموضوع اللي بكتبه انا متأكد انه مسبب معاناة لزوجتي ولكثير زيها يعانون من نفس الوضع
الموضوع باختصار
انا زوجتي متخرجة من جامعة الملك عبدالعزيز لها أكثر من 7 سنوات بتقدير امتياز مع مرتبة الشرف ( تصدقوا ملفها بالعافيه ترفعه من كثرة شهادات التفوق وتوصيات الدكتورات )
وللأسف ماجاتها وظيفة قالوا يمكن اذا اخذت دورة حاسب تتوظف اخذت الرخصة الدولية للحاسب الآلي وبروضو ما فيه أمل ...
قدمت للتعليم العام مافيه فايدة ... قدمت إعادة في الجامعات برضو مافيه فايدة
لدرجة انها دخلها اليأس من الوظيفة ... المشكلة انها كانت طموحه وعندها حب للعمل بس مالله كتب .. لا واللي زاد القهر بالفترة الأخيرة انو زميلاتها اللي كانوا بالثانوي اغلبهم اتوضفوا مع انها كانت الأولى على الدفعة من اول ابتدائي الين ما اتخرجت من الثانوية العامة .. حتى اللي كانوا يعيدوا دور وينجحوا بالعافيه اتوظفوا ... ( سبحان الله )
انا مؤمن بالقضاء والقدر وعارف ان كل انسان بياخذ رزقه والحمد لله على كل حال ..
بس اللي يقهرني اللي صار بالفترة الاخيرة بعد قرار تعيين التربويات على الوظائف التعليمية والغير تربويات ماحد ينظر فيهن .. ( لهن الله )
السؤال اللي يتردد فبالي كثير .. لييييييييييييييييييه ؟؟؟ اش معنىىىىىىى ؟؟؟
اذا كان مؤهل جامعة الملك عبدالعزيز غير معترف فيه بالوظائف التعليمية وما يدخل في المفاضلة ... ليه يتعبون الناس ويخلوهم يدرسوا اربع سنين وخمس سنين وبالنهاية مالهم الا البيت حتى لو حصلوا على اعلى الشهادات
الااااااا
اذا كانوا يبون الناس يدرسوا دبلوم تربوي عشان الفلووووس وبسسسسسسسس
هذا شي ثاني
طيب اللي من خارج جدة اش ذنبهم يتعبو ويداوموا اربع سنين بالعافية خلصوها ... وفي النهاية يبونهم يدرسوا سنة بعد عشان التربوي حقهم ... والله حاااااااله
لااا وفيه بنات من الكليات ( تربويات !!! ) ومعدلاتهم اقل بكثير من زوجتي واللي زيها و اتوظفوا كلللله بسبب انهم تربوياااات على قولهم
طيب يا انكم ترجعوا الجامعة شهادتها تربوية والا تقفلوها احسسسسسننننن .

في النهاية ما اقول الا
حسبي الله ونعم الوكيل على كل من كان سبب في المهازل اللي جالسة تصير

والله يكتب اللي فيه الخير