إداره عامه تعالوا رجاءاً

[سومريه]

السلام عليكم ورحمة الله وبركاته

أنا طالبة تعليم عن بعد خلصت السنه التحضيريه والحمدلله

والان بيفتح التخصص بعد النتايج وناويه أدخل إداره عامه

بس ماعندي فكره عن المواد ولا الكتب ياليت تعطوني فكره عن أول سنه في هذا التخصص

كيف المواد وكيف أختار مواد الحذف والاضافه وأنا ماعندي فكره عنها

ياليت تعطوني اسماء المواد السهله بالنسبه لكم والصعبه

ماأحب الماث ولا الاحصاء هل فيه مواد مثلها

وكم أكثر عدد مواد أقدر أخذها في الترم وكم أقل شي

أفكر أخذ أربعه مواد فقط في الترم فهل تنصحون بهذا

وكيف كانت اختباراتكم سهله

هل كلها اختياري ولا مقاليه

شاكره لكم أرجو الرد

[عـ,,,ـل]

اهلين سومريه

المواد العلميه مو كتير عندك المحاسبه والمحاسبه الحكوميه وماتعتبر علميه مره زي الرياضيات والاحصاء

وعندك بحوث عمليات فيها شويه حسابات بس

بالنسبه للحزف والاضافه امشي عالخطه احسن

وانتبهي انتبهي انتبهي تحزفي ماده زي ماده الاداره العامه لانها متطلب للمواد اللي في الترم اللي بعدها

اكتر عدد ساعات تقدري تاخدي 18 ساعه

لو تبغي تاخدي اربعه مواد كل ترم حتتاخري في التخرج وهادا شي راجعلك

اختباراتنا كلها صح وخطا واختياري قليييييييييييييل لو جا مقالي انا دحين مستوى سادس عمرو ما مر عليا اختبار في سؤال مقالي

وبس ربي يوفقك :)

[عيوني حزينه]

ما ازيد على كلام الاخت عسل كفت ووفت ... بالتوفيق

[سومريه]

تسلمون حبيباتي طمنتوني كثير

يعني 18 ساعه كم ماده في الترم يوصل 6

مره احسه ضغط ماحسيتوا كذا

[عـ,,,ـل]

ايوا 18 ساعه يعني 6 مواد

انتي ممكن تاخدي 15ساعه يعني 5 مواد

ولو كانت المواد سهله خدي 18 ساعه عشان تخلصي