حاسب ولا اطلع امريكا بليز مساعدتكم

[واوواو]

السلام عليكم ورحمة الله وبركاته صراحه بغيت اشوف رايكم واستشيركم في موضوع محيرني هو اني الحمد لله غلقت السنة التحضريه بخيرها وبشرها وإن شاء الله يجي تخصص حلو بس سوالي( اذا جاني تخصص حاسب وش اقسامه ووش افضلها وهل افضله على اني اطلع امريكا ولا لا )وشكرا

[ريتشارد]

اهلا اخوي ،
طبعا اقسام الحاسب هي 3 :

* تقنية المعلومات
http://ar.wikipedia.org/wiki/%D8%AA%...85%D8%A7%D8%AA

* نظم المعلومات
http://ar.wikipedia.org/wiki/%D9%86%...85%D8%A7%D8%AA

* علوم الحاسبات
http://ar.wikipedia.org/wiki/%D8%B9%...B3%D9%88%D8%A8

كلها تخصصات حلوة بس لاحظ طلاب الحاسب ما يتوظفوا منهم الا الممتازين ، اللي بجد تعبوا على انفسهم
لان الشركات تتسابق عليهم وعشان ما افتي لك بكل شيء
اللي اعرفه بجد تخصص نظم المعلومات لأنه تخصص اخوي
شغلهم حلو والشركة ابتعثتهم مؤتمرات وتدريبات
واخذوا عضويات بجمعية الحاسبات السعودية وجمعية الحاسبات الامريكية
اما دراستهم الجامعية كانت في الملك فهد
يعني عن نفسي ما اشوف فرق تدرس البكالوريوس هِنا ولا برا
وما تنسى قبل شهر تقريبا رجعوا قرابة الـ 6000 طالب من امريكا ومُستقبلهم مو مضمون

لا يغرك ..

[Sweet Dreamz]

^

+100000000000

بالضبط زي ماقال اخوي ريتشارد

لا يغرك امريكا والسفره والفله من جد كثير ناس رجّعوهم .. وكثير جايين من امريكا ماخذين المجاستير عاطلين
مو بكالوريوس ! ماجستيييييير

المقصد اخوي .. امريكا زيّها زي هنا ماتفرق اهم شي الاجتهاد والتوفيق من الله تعالى

ومن رأيي تخصص الحاسب حلو ومطلوب كثير لأن لا غنى عنه في كل مكان
مدارس .. شركات .. مصانع .. الخ
هذا كله يحتاج حاسب

الأهم من ذا كله .. صلي استخاره واتوكل على رب العالمين بس خذ كلامنا بعين الإعتبار

والله يوفقك يارب

[Abdullah Al-juhani]

الله يوفقك اين ما كنت

ما عندي معلومات عن كلية الحاسبات ان شاء يكون افادك ريتشارد
لكن نصيحة يا اخوي لا تبتعث قبل ما تتزوج لأسباب كثيرة
لي زملاء كثير برا وعارف الوضع

والله يكتب لك اللي فيه خير

[عزجهينة1]

لاتكفى لاتروح امريكا هههه امزح شوف يالغالي استخير ربك وشوف اذا عندك قدرة على الغربة ومتقن اللغة الانجليزية ولو بسيطة شويتين توكل على ربك وروح شهادتك بتكون اقوى طبعا من عزوز

[قاهر الاحزان]

والله ياخوي المتربي بيبقى متربي في أي مكان يروحه !

ونصيحتي لك انك تطلع لامريكا , لكن بشرط !! انك تروح جامعه متميزة وتصنيفها عالي

اما اذا ما راح تقدر تلقى قبول بجامعه قوية هناك , ما انصحك تروح (:

[المستندات]

أفادك الاخ ريتشارد والحمدلله

لكن إنت استخير ومايصرلك الا الخير إن شاء الله

وأنا بقولك حاجة ، الشهادة من هنا أو الشهادة من هناك

بكالوريوس أو حتى ماجستير .. الخ

بالنهاية الرزق على الرزاق
إنت توكل على الله في كل خطوة تعملها وإن شاء الله خير

[Anas Alharbe]

حياك اخوي
اول شي اخوي انا ماني مع وجهة نظر بعض الاخوان اللي فادوك قبلي , عموما انت خذ وجهة النظر من جميع النواحي وفكر فيهم .
اول شي يخوي موضوع اتزوج قبل ما تطلع ومن العلوم هاذي لا تعطيها بال , والمثل يقول ارسل الذيب ولا توصيه .
ياما في ناس صغار سن ومهم متزوجين واعقل من كبار سن ومتزوجين سواء هنا او برا .
ثاني شي يخوي ما قلتلنا اسم الجامعه بس قلت امريكا .
وامريكا فيها ما يقارب الالفين جامعه ان كان ظني ما خاب , وهالجامعات في منها الكثير اللي الرانك العالمي تبعها اقل من جامعات السعوديه <<< هنا انا اقلك لا تتعب نفسك .
اما ان كان لك قبول في جامعه الرانك العالمي تبعها عالي ((والرانك الخاص بالكليه والقسم عالي)) اقولك روح ولا تشاور . ولا تنسى الرانك الخاص بالقسم لان بعض الجامعات تكون قويه بقسم وضعيفه في قسم بس انت خلي بالك على الاثنين ((الرانك العام ورانك القسم)) .
اما موضوع وظايف وناس معاها ماجستير ومالقت وظايف ومن الامور هاذي انا اقولك
خذ عندك هالمثال , صاحب لي اخذ ماستر محاسبه من بريطانيا في 9 شهور , وصاحب ثاني اخذه من كندا في 3 سنين ونص . تتوقع مين اللي ماتعب في التوظيف ؟؟؟ اكيد اللي اخذه ب3 سنين ونص لان الجامعه وقسم المحاسبه قوووي جدا في الرانك اما الثاني شغل ابو مشي حالك , مع العلم ان اللي جاب الماستر ب9 شهور معدله اعلى من الثاني .

وللامانه انا ما اتكلم من جهل في الموضوع , لاني الوحيد في مجتمعي القريب اللي يدرس بكالوريوس هنا , سواء من اللي اكبر مني سن او اللي بمثل سني.

عموما هي مجرد اراء ورأيي يتمحور حول الترتيب العالمي للجامعه وقوة القسم .
واتمنالك التوفيق :)