طلاب وطالبات موارد بشرية وادارة اعمال اللي ماشين عالخطة تمام

[Soos HM]

السلام عليكم ورحمة الله وبركاته

تبعاً لموضوع مجهول

حبيت افتح الموضوع مرة تاني مع بداية السنة

(اللي ماشي عالخطة تمام ومخلص الثقافات) وحابين تخلصوا في 4 سنين بالزبط بدون النص اللي هو في السنة الخامسة وماراح تاخدو تدريب تعاوني
لانو التدريب راح يكون في المستوى الثامن لحالو وماراح ياخدو الا 5 طالبات من كل قسم


الخطة الدراسية للموارد البشرية

المستوى السابع :
ادارة عمليات - استقطاب واختيار الموارد البشرية- نظام العمل والعمال- التعويضات والمزايا

المستوى الثامن :
الادارة الاستراتجية- التطوير التنظيمي-تنمية الموارد البشرية

المستوى التاسع
ادارة الاداء +3 مواد اختيارية


المواد الاختيارية حقت قسم موارد بشرية راح تكون كلها من قسم ادارة اعمال
واول مادة راح تكون مفتوحة في المستوى السابع كمادة اساسية لادارة اعمال فتقدروا تاخدوها (اخلاقيات منظمات الاعمال)



المادة التانية راح تكون مفتوحة في المستوى الثامن كمادةاساسية لادارة اعمال ونقدر ناخدها (ادارة اعمال دولية)



فحيكون باقيلنا مادتين اللي هيا ادارة الاداء+ مادة اختيارية اللي هي (القيادة) وحتكون مادة اساسية لادارة اعمال في المستوى التاسع ونطالبهم بفتحها

لانو مو معقول نجلس ترم كامل على مادتين فحتكون الخطة كده



المستوى السابع :
ادارة عمليات-استقطاب واختيار الموارد البشرية-نظام العمل والعمال-التعويضات والمزايا- اخلاقيات منظمات اعمال- واللي يبغى مادة حرة او ثقافة ياخد



المستوى الثامن:
لادارة الاستراتجية- التطوير التنظيمي-تنمية الموارد البشرية -ادارة اعمال دولية
(المادتين اللي نطالب بفتحهم: ادارة الاداء والقيادة)


ولحد يقول كتير ومانبغى نضغط على نفسنا اللي مايبغى براحتو لاياخد انا اشوف 6 مواد لمتخرج او متخرج جدا ممتاز بدل ماتجلس ترم كامل من سنة جديدة كلها مادتين ماراح تفرق


واللي باقيلو مواد حرة يقدر ياخدها في الصيف ويخلص
طبعا دي الخطة لموارد بشرية


نجي لادارة الاعمال

المستوى السابع:
ادارة عمليات-اخلاقيات منظمات اعمال-تجارة الكترونية-ادارة استثمار



المستوى الثامن :
الادارة الاستراتجية-ادارة اعمال دولية-ادارة الجودة



المستوى التاسع:
القيادة + 3 مواد اختيارية




المواد الاختيارية حقت قسم ادارة اعمال منوعة
اول مادة راح تكون مفتوحة في المستوى السابع كمادة اساسية لقسم التسويق فتقدرو تاخدوها(بحوث التسويق)



وفي المادة الاختيارية الثانية اللي هي ادارة الاداء اللي من موارد بشرية ونطالب بفتحها في المستوى الثامن
+ اي مادة ثالثة يفتحوها لكم



يعني حتسير الخطة
المستوى السابع:
ادارة عمليات-تجارة الكترونية-ادارة استثمار-اخلاقيات منظمات الاعمال-بحوث تسويق



المستوى الثامن:
ادارة استراتجية-ادارة اعمال دولية-ادارة الجودة-
(المادتين اللي تطالب بفتحهم : ادارة الاداء والقيادة)+ اي مادة اختيارية من قسمكم برضو طالبو بفتحها
بحوث العمليات- الريادة- ادارة المشاريع


وبالتوفيق للجميع

[باور هورس]

أنا ضد هذا الكلام وبقووووة

اولا الإجازة الصيفية وضعت للراحة من مشقة عام دراسي كامل ومن اجل العودة الى الدراسة بحماس وقوة وأبدا ما عندي استعداد أخذ ترم صيفي

ثانيا أش الفائدة اني اخلص في اربع سنوات ومعدلي جيد ولا مقبول ؟؟!!!
معناها اني ضيعت اربع سنوات من عمري عالفاضي

عن نفسي ما رح اخذ ترم صيفي وما رح أزيد في جدولي عن 5 مواد
حتى لو خلصت في 5 سنوات المهم ان معدلي ان شاء الله ما ينزل عن جيد جداً

واللي كان متحمس يخلص بدري وجاب معدل سيء
رح يندم بعد ما يخلص الدراسة بترم واحد ويجرب قعدة البيت لكن وقتها لا ينفع الندم ولما يعرف ان المقياس في الدراسات العليا او الوظائف هو المعدل مو عدد سنوات الدراسة

باختصار كملو جميلكم
وقللو المواد في الترم
عشان تركزوا تمام وتجيبوا معدل حلو

هذي نصيحة
ما ابغاكم تندموا ترى اكثر واحد جرب الندم في حياته أنا


والله يوفق الجميع

[Soos HM]

شكرا باور هورس لردك

يس ياليت تشوف انا ايش كتبت

ولحد يقول كتير ومانبغى نضغط على نفسنا اللي مايبغى براحتو لاياخد انا اشوف 6 مواد لمتخرج او متخرج جدا ممتاز بدل ماتجلس ترم كامل من سنة جديدة كلها مادتين ماراح تفرق

[باور هورس]

يعطيك العافية

وفعلا كل واحد بكيفه

بس هذا رأيي ومره ثانية كل واحد بكيفه

بالتوفيق

[عبدالرحمن ال]

soos كلامك تمام

باور هاورس برضو حبيت فكرتك والاهم المعدل

شكرا Soos

[battota]

موفقييييييييييييييييييييييين

بس مافرقت ترم هههههههه

[يارب افرجها من عندك]

بالتوفيق للجميع

اظن يفرق للناس اللي تدور بعثات وناس تبغى تحمل ماستر وناس تبغى تاخذ دبلومات
وهذه كلها تكون بداية السنة فتتضطروا تستنوا سنة كاملة

وهي قالت للناس اللي ماشية تمام عالخطة
يعني حياخدو الترم السابع خمسة مواد والترم الثامن ستة مواد فماحيكون في ضغط
الا لو في ناس ياخدو 4 و3 مواد في الترم فدا شي تاني

انا حشوف اول شي اسألهم واذا وافقو حسوي دي الفكرة

[The golden girl]

من وجهه نظري المتواضعة $:

صراحة كذا حيكون ضغط ونص المواد حفظ وبتحصل عجئه .

وشي ثاني المعدل جدا مهم أقل من جيدجدا ماصار ينفع في التوظيف الا لو بواسطه .

فأمشي ع الخطة أفضل وأضمن بأذن الله .

أفضل يفتحون هالشعب بالصيفي ونتخرج .

[Ms.Na3wme]

يسلموو soos على الموضوووع وعلى تفكيرك

طيب سؤال لتخصص الموارد كيف حتعملو جداولكم للي ماشين تمام في الخطه ؟؟؟

انا محتااره بين مادتين (تعويضات ومزايا ,استقطاب واختيار الموارد البشرية )ماابغى اخذها الاثنين حااخد حره ان شاءالله بدل وحده فيهم فاايش تنصحووووني ؟!!!

[Shatha.F]

تعويضات ومزايا وسلوك تنظيمي لها متطلب؟؟
ارجو الرد