ساعدوني في الاختيار بذات اصحاب علم النفس بليز

[روح ميمو]

هذا جدولي :
لغه عربيه - 2 -
ثقافه اسلاميه - 2 -
الفكر الفلسفي في ضوء الاسلام
المدخل الى علم النفس
مقدمه في العلوم الطبيعيه

ابغى اضيف ماده وفكرت في المدخل للاحصاء النفسي ابغى رايكم بيكون الجدول صعب والا عادي اقدر؟؟ بليز قبل تقفل الشعب ساعدوني
واذا مايصلح اضيف الاحصاء وش ممكن اضيف؟؟
كنت ابغى الشباب وقيم المواطنه بس قفلت الشعب

[أأورنج]

عزيزتي

قولي اسماء الاستاذات المتاحات عندك لكل مادة

عشان نفيدك اكثر .

[روح ميمو]

الله يسعدك
اللغه العربيه > سناء الاحمدي
مقدمه في العلوم الطبيعيه > لطيفه الخطيب
الثقافه الاسلاميه > انصاف الشريف
الفكر الفلسفي > محمد بالميداني
المدخل الى علم النفس > مها الحمري
طبعا المدخل للاحصاء النفسي مابقدر اضيفه تو اشوف الوقت فيه تعارض وش اقدر اضيف ؟؟

[أأورنج]

وياك يارب

محمد حنبكه الميداني
مها الحمري
ماعرفهم شخصيا يعني ماخذيت اي مادة معهم
يمدحووفيهم اعضاء المنتدى

بنسبه للثقافة ضعي موضوعك فى قسم الدراسات الاسلامية
ايضا العربي و العلوم فى نفس قسم العلوم والكيمياء
حيفيدوك

مدخل احصاء مادة جدا سهله
شوفي المادة لى فيها تعارض احذفيها وضيفيها

[سمارا]

من تجربتي للمواد كلها اخدتها
اغلبها سهلة
1- العربي تضمني a+ مره حلو وسهل
2- الثقافه طويل بس اغلبه ايات ووجه دلالة ووانتي وحفظك
3- الفكر اكرهه طويل وانا حفظت شي والاسئلة جات شي تاني ماكان لي حظ
اخذها مع سعيد الغامدي عشان كدا كرهتها وحقدت عليها مع انو محتواها
كلو فلسفة واحنا شعب مو ناقصنا فلسفة
4- مقدمة في العلوم مادة يبغالها مذاكرة مستمرة وتصلح لوحدة كانت علمي
وهيا مقسمة كيماء وفيزياء وبيئة وفلك وشي كمان والصراحة انا حبيتها
5- اخيرا مدخل الى علم النفس احلى مادة على كبر الكتاب المادة عسل
ومحتواها يجنن وتستفيدي منها كتيير
والاستاذة لها دور في التاشير انا اخدتها مع حنان الشعفل ربي يسعدها
اما اش تقدري تضيفي ارشح لك
6- علم نفس النمو مادة حلوة وسهلة ولكي حرية الاختيار
بالتوفييق

[رحمتك يارب 1]

روح ميمو لو سمحتي ممكن تقوليلي كيف ضفتي المواد انا مانزلتلي الا ماده وحده المدخل الى علم النفس مع مها ابغى اضيف باقي مواد الخطه مو عارفه ويقولو اتقفلت الشعب

[سمارا]

رحمتك يارب سوي بحث للشعب الدراسية
شيلي الصح من عند البحث مع مراعاة القيود
والبحث مع مراعاة تعارض الوقت
عشان تطلع لك كل الاوقات
وان شاء الله يزودو شعب الصراحة مرره مكثرين :\

[روح ميمو]

تسلمو لي حبيباتي الله يسعدكم بس المشكله انا ابغى امشي على الخطه باقي الشباب وقيم المواطنه كان ودي اضيفها بس الشعبه مغلقه وخايفه شوي من مدخل الاحصاء لاني ادبي وماحسبت عديت في التحضيري اخاف اضيفه تورط بحكم انو فيه العلوم الطبيعيه لانو ع كلامك ماده علميه الله يستر بس
وبالنسبه للنمو لقيت مع استاذه خلود بس يقولو تجيب اسئله مقاليه وانا ماتنفع معاي
طيب ينفع اضيف التربوي اوالتوجيه والارشاد النفسي ؟؟؟؟

[سمارا]

مدخل التوجيه والارشاد برضو اخدتو الصراحه هو مهم تاخديه لانو بعد كدا له متطلب
بس انا كان حظي معفن باستاذة حنان خوج حذفت صفحاات من الفصول وبعدين جابت منها قهرررررتني
المهم المادة سهلة وعادي لو اخدتيها اما التربوي لسى مااخدتها انا يمكن هدا الترم اخدها
يقولو طويل ومدري ايه بس انا احس اسمه حلو مااعرف ندرسه ونحكم
نازل لنا في الشعب مع لما حكاري بس ويقولو طيبة