اتمنى تساعدوني بليزززز

[واقعية]

السلام عليكم ورحمة الله وبركاته

كيفكم يارب بخير
حابه ادخل بالموضوع على طول صديقتي بقسم ادارة عامه انتساب وحابه تضيف مواد
لكن تبغى تعرف افضل الاستاذات بهذي المواد
مالها الا الله ثم انتو تساعدونها ياليت تفيدونها وحكون شاكررره لكم


مبادئ محاسبه Acct 101
محاسبه حكومية Acct 231
نظرية التنظيم Pad 221
تنمية الموارد البشرية Pad 312
تطوير تنظيمي Pad 322
سياسة عامة وصناعة قرار Pad 331
ادارة محلية Pad 341


ياليت تساعدونا والله يسعدكم ويوفقكم دنيا واخره

[واقعية]

ردوووو بليز

[ندى العمـودي]

مبادئ محاسبه Acct 101 اخذتها مع انيسة تركستاني
محاسبه حكومية Acct 231 برضو مع انيسة
نظرية التنظيم Pad 221 اخذتها مع سناء باناجة
تنمية الموارد البشرية Pad 312 ح اخذها هذا السمستر مع ريم مشاط ان شاء الله
تطوير تنظيمي Pad 322 ماعرف ماهي من مواد خطتي ان شاء الله البنات يساعدونك
سياسة عامة وصناعة قرار Pad 331 مع خديجة الحربي
ادارة محلية Pad 341 مع العنود السبعان

[واقعية]

طيب كيف اعرف الاستاذات وادخل في شعبهم ماعرف ولله
وكمان مو عارفه طريقة الحدف والاضافه في الاوديس بليز الي يعرف يعلمني
الله يجزاكم خيرر

[ندى العمـودي]

كيف ما تعرفي مين كان يضيفلك المواد ؟؟؟
واسماء الاستاذات حتطلع جمب اسم المادة

[واقعية]

كان بينزل الجدول جاهز دي المره فاااااضي مافيه شي وانا اول مره اعمل اضافه
كنت اخلي الجدول زي ماهو ماسوي شي
ودحين مو عارفه ياليت تقولولي ككيف

[ندى العمـودي]

اول شي طبعا الحذف والاضافة الان من الاودس بلس

الطالب> التسجيل > الحذف او الاضافة > حتطلعلك صفحة فاضية اختاري الفصل الدراسي ثم > تنفيذ> اضغطي على زر بحث شعب دراسية > 1-حيطلعلك اسم المادة (اختاري المادة الي تبغي تضيفيها مثلا pad)
2-الرقم المرجعي للمقرر (اكتبي رقم المادة مثلا 351)
3-نوع الجدول (الكل)
4-الفرع (المركز الرئيسي-طالبات)
5-المرحلة الجامعية للمقرر (بكالريوس)
6-الجزء من الفصل الدراسي (الكل)
7-نوع الخصائص (انتساب)
8-اضغطي على زر بحث شعب دراسية
حتطلعلك شعب المادة الي حابة تضيفيها والايام واسم الاستاذة اختاري الي يناسبك منهم بالنقر على المربع الفارغ > ثم اضغطي على تسجيل عشان تتسجل المادة في جدولك
وكرري العملية مع باقي المواد الي حابة تضيفيها
ان شاء الله يكون الشرح وافي
وبالتوفيق يارب

[Abrar88]

بالنسبة للمحاسبة 101 خديها عند فاطمة كمال احسن تشرح بتمهل وتركيز وتعيد وتزيد من جد حبيت المحاسبة معاها
والمحاسبة الحكومية اخدتها عند انيسة تركستاني هيا كمان كويسة بس سريعة مررة في الشرح حتى البنات كانو يقولولها عيدي بس بشويش