بديت أفقد الأمل

[Z8rRt]

السلام عليكم ورحمه الله وبركاته

أقسم بالله يالربع خلااص بديت افقد الأمل إني أجيب معدل وندمت , وربي ندمت اني خشيت العلمي
وانا الحين اواجه صعوبة في فهم الفيزياء مع اني اروح للدكتور يوسف زويل وافهم معاه لكن يوم ارجع البيت ابي احل مسائل ما افهمها ومدري وش يطلبني بالسؤال , والله تعقدت يعني حتى لو مثلا عديت وبالقوة في الاختبار الدوري الاول كيف بعدي بالاختبار الدوري الثاني ب6 شباتر اذاكرها ولا يمكن اكثر ! اذا 3 شباتر وبالقوة جالس افهم هالماده الغبيه من دكتور الماده ودكتور خصوصي وملخصات وزحمه !
يمكن البعض بيقول انت معك خصوصي وملخصات ودكتور والماده وماتفهم ! انت غبي اجل , لا يابعدي والله مب غباء بس ياخي جاي من 3 ثانوي والفيزياء كلها بالعربي والحين انصدم بالفيزياء كلها انجليزي ولعلمكم اقسم بالله احيانا اتلخبط بين قوانين الفيزياء والرياضيات كلها اكس وواي :@

والله تعقدت تعقدت من جد ، شكلي رح اعيد السنة واخذ ادبي ازين لي لاني قسم بالله تعبت


ملاحظه : موضوعي مو احباط للجميع لكن حبيت افضفض لكم لاني جالس بالمقلط الحين ومافيه بالبيت الا انا قلت خلني افضفض ههههههههههههههههه , وسلامتكم

[M!ss.R!ma]

اول شيء و لا تفكر ابددددن انك تسحب او تحول
ولا تتحط الفكرة ببالك نعائيا ( خاصة اذا كان التخصص الي تبغى تدخله علمي )
لي عودة للموضوع ذا بس حبيت اقلك النصيحة ذي في البداية ..
وترا انت مشكلتك بسييييطة و حلها ابسط وكللل طلاب التحضيري يعانون منها
بس شكلها جاتلك متاخرة شوي :$

[Z8rRt]

المشاركة الأصلية كتبت بواسطة m!ss.r!ma اول شيء و لا تفكر ابددددن انك تسحب او تحول ولا تتحط الفكرة ببالك نعائيا ( خاصة اذا كان التخصص الي تبغى تدخله علمي ) لي عودة للموضوع ذا بس حبيت اقلك النصيحة ذي في البداية .. وترا انت مشكلتك بسييييطة و حلها ابسط وكللل طلاب التحضيري يعانون منها بس شكلها جاتلك متاخرة شوي :$

والله يا ريما تعقييد مو صاحي بعدين شلون بالله بذاكر اكثر من 3 شباتر بعدين وبعدي فيها ؟
يعني الحين 3 شباتر للفيزياء ومتعقد تعقيد مو صاحي وصرت افكر احول للادبي
وشنو مشكلة بسيطة وحلها ابسط ، اذا تأسيسنا بالفيزياء والرياضيات بالعربي شلون بتكون مشكلة بسيطة واحنا الحين نختبر وندرس في هالمواد بالانجليزي !
وفي الاختبار يمكن الحل يكون تعويض أو شي بسيط جدا ، لكن اللي ما يخلينا نحله هو أننا ما نعرف وش يبي السؤال اساسا
واذا فهمت طريقه السؤال ، احيانا يجيب السؤال بشكل ثاني ، وهنا التوهيقة , وغالبية الاسئله اكيد بتكون كذا

يعني والله شي رفع الضغط

واشكرك على تفاعلك بالموضوع يالغلا

[M!ss.R!ma]

اول شيء فكر في الاختبار ذا مالك دخل في الي بعده ..
بعدين ترا الاغلبية كان تاسيسهم فااااشل و اكبر مثال انا
والله ابلة الرياضيات مانت تخذفلنا قوانين بالهببببل و لا تشرحها من الاساس..
لما دخلت الجامعة وربي تاززززمت ماني فاهمة ولا شيء و الي حولي
كلللهم عارفينها من اول و لا كمان بالانقليزي يعني شيء كان يقهههر
بس صرت يوميييا امر ع الكتاب وذحين صاروا هم يجون يسالوني ...
الزبدة ...لا تحط في بالك انه مستحييل تحفظ و الا مستحيل تنجح لان هذا التفكير لحاله
يحطططم و يمنع المعلومات انها ترسخ ..
وحط دايما هدفكك قدامكك ي انك تتغلب على ذي المشكله وتوصله و الا
العكس ..
وترا و الله راح تندم بعدين اذا تخليت عن التخصص الي في بالك عشان مجرد
افتراض و افكار من الممكن انك تتغلب عليها..

[fatoom sweety]

والله مرينا كلنا بهذي المشكلة بالتحضيري واهو انا الحين سنة ثالثة متخصصة ومرتاحة

بما انك انت درست بالثانوي الفيزياء والقوانين معناته انك شاطر ماشاالله لو مو شاطر ماكانوا قبلوك تحضيري علمي بس انك خايف من اللغة الانجليزية طيب يعني ليه تحول المسار بس عشان شوية انقليزي خاصة انت اذا مصمم تبي تخصص علمي بعدين راح تتوهق لو دخلت ادبي ماراح تقدر ترجع .فكر بهالموضوع قبل كل شيء وراح تتراجع من الافكار هذي
بس خليك واثق من قدراتك وامسك ورقة وقلم واكتب المصطلحات بالانقلش واحفظها صم لين ماتحس تفهم كل شيء بالانقلش والحسابات عادي ارقام انقلش وحاول تحل مسائل كثيرة .ادري فيها صعوبات لكن باذن الله راح تنجح بفل المارك لانو غيرك مو احسن منك

بس تذكرت ايام التحضيري وحبيت انصحك فكر قبل لا تاخذ قراراتك و استخير بالتوفيق ان شاء الله

[مَيسمْ]

_

بدآية كل أمر بيكون صعب وهذآ شيء طبيعي جدآ ، أنت سوي اللي عليك والله مآ رآح يضيع تعبك ، وقبل الدوري الثآني أضمن لك وأتحدآك أذآ مآ كنت تشوف الشبآتر الثلآثة تآفهة جدآ وتتنآفس مع نفسك عشآن تذآكر أكثر وبيجيك شعور ندم على الوقت اللي ضيعته بدون مذآكرة هذآ الشعور بالإخبآرآت النهآئية كلنآ ي خوك كنآ كذآ وأزود ، موفق

[Z8rRt]

من جد يعطيكم العافيه وربي رفعتو معنوياتي شوي ، الله يعطيكم العافيه
والله حسستوني إن مافيه شي صعب ، وكلها عقبات والكل يعدّي منها ان شاء الله

الله يعطيكم العافيه ، والله يعينني على هالنفسية اللي أنا فيها هاليومين
والله ييسر لكم ولي كل ماهو عسير اللهم آمين

[ABDULELAH AL QARNI]

لا تفكر ابدا انك تسحب مشكلتك مو بسيطة لا أحد يكذب عليك و يقلك انها بسيطة لأنه مافي مشكلة اصلا في مواد ما تفرق بالعربي و لا الإنقليش زي الفيزياء و الكيمياء و الرياضيات لأنو كلها أرقام و رموز يعني انتا بالثانوي بالكيمياء مثلا كانت تجيك رموز العناصر بالعربي لا طبعا كانت تجي بالإنقليش يعني ما تفرق بالعربي و لا الإنقليش و الرياضيات و الفيزياء نفس الشئ و الفيزياء سهلة مو هذيك المادة الصعبة .السنة الي فاتت كان يدرسني دكتور في الدوري الثاني كان يكتب لنا القوانين غلط و كانت شعبتنا كلها درجاتها طايحة انا من الناس إلي خارج من الإختبار ضامن 27 سؤال لمن نزلت الدرجات تفاجئت انه درجتي 18 و رحنا للدكتور فرج الحازمي منسق المادة و وعدنا ببونس أعلى من باقي الشعب و في النهاية أخذنا بونس زي باقي الشعب ما زادنا ولا درجة و الحمدالله جبت 85 و دخلت الكلية إلي احلم بيها من وأنا صغير .
أسف على الإطالة بسحبيت أقدم نصيحة بحكم تجربتي مع السنة التحضيرية أتمنى أكون أفدتك ..........

[S.Bn]

شوف ترا انا السنة اللي فاتت كنت زيك بداية السنة و كنت اقول ان شاء الله اعدي و الحمد لله عديتها ب 90

تراها مررة سهلة و ما تحتاج انو يكون عندك اساس كويس لانو اصلا هيا اساس و بيبدأ معاك من الصفر

نصيحة كل يوم اول ما ترجع من الدوام و اقرأ المحاضرة عشان ما تطير من مخك و راجع الدروس و احفظ المصطلحات قبل ما تروح للاستاذ الخصوصي عشان تعرف هوا اش قاعد يقول


و بس ترا الفيزيا مررة سهلة و الترم التاني حتحس قد ايش هيا هبلة و ما تحتاج هادا الهم

و بالتوفيق

[خزان الأحزان]

* الله سبحانه وتعالى يقول في الحديث القدسي " أنا عند ظن عبدي بي "
* لا تحكم بشيء في المستقبل فكل الإختراعات كانت مستحيلة
* ثق بنفسك و بقدرتك على نيل مرادك
* تخيل نفسك في التخصص الذي تريده بعد أن تجاوزت السنة التحضيرية بالدعاء والمذاكرة
* استخدم دوافعك للوصول لما تريد .. أريد أن أكون الأفضل .. اريد أن أتعلم ..عاوز أتقوز ... إلخ
* في حال تعثرك بأحد الاختبارات الدورية فما زالت أمامك 70 درجة
* وفي حال تعثرك بإحدى المواد فما زال معدلك معتمداً على كثير من المواد غيرها بإمكانك تعويض التعثر من خلالها
* كلنا واجهنا نفس المشكلة و كل من تخرج سيخبرك بأنه واجهها مع إحدى المواد وكلنا ظننا أن الثانوية عقدة .. بس الحياة بتمشي

أهم شيء من اليوم قول بسم الله و :
* نظم وقتك للمذاكرة
* افتح مترجم قوقل وحاول ترجمة أهم الكلمات التي أشكلت عليك
* حدد بقلم الفلوماستر (قلم التحديد) كل المصطلحات والقوانين والجمل المهمة
* كيّف على المادة الي تذاكرها بقراءتك المنهج كاملاً بروية قبل بدء المذاكرة لتتعرف عليه
* امح من فكرك أنك ستنجح في الجامعة بالإكتفاء بالمذاكرة ليلة الاختبار

والأهم أن تعمل بأسباب التوفيق من الله سبحانه وتعالى

أخيراً هذا مستقبلك و إنت وطموحك

مذاكرة تايم , دعواتك

برب