انطباعكم عن اختبار الموارد البشرية انجليزي

[يمشي بالبركه]

مثل مافي العنوان
الاسئلة كانت صعبة عدا كم فقرة اعتقد ماكانت مباشرة كان فيها الف ودوران الي ماعنده لغة راح تكون صعبة جدا مثل حالتي
مانقول الا الله يخارجنا منها باقل الخساير ونتخرج ونفتك من هالتعقيد

[الفيصل كوم]

الله يوفقكم ياليت تشاركون وتعطونا انطباعكم

[اللة أكبر]

الأسئلة صعبة صح وخطا 16 فقرة والاختيارات الباقي ثلاث خيارات واربع وكم وحده خمس فقرات كم خيار فيه لاشيء مما سبق قليله مجمل الاختبار صعب ونرجو من الله اللطف

[aboodi70]

الله ييسر لكم
انا كنت معكم وحذفتها وباخذها الفصل القادم بمشيئة الله عز وجل

طمننوا عنكم واعطوني تفاصيل الاختبار والدرجات

[لمعة الماسة]

عطونا معلومات تفيدنا باخذها الترم القادم

[sbc]

نفس الكلام باخذها الترم القادم عند الدكتور الاردني يمدحونه مره

ناسي اسمه والله اسمه الظاهر الميمني او زي كذا

[الفيصل كوم]

ياشباب افيدونا هل الشباتر الي قال عنها الدكتور افداتكم جاء منها شي في الاختبار

[nice-]

شباب حبايبي بالنسبه للماده هذي الملخص اللي نقله ابو حسام وعجلان وترجمته انا ونسقته ولعو فيه ارموه بالزباله الاكيد احذرو تذاكرو منه والله بس تعبنا عليه بدون فايده
الدكتور هندي ماعنده حرف واحد عربي قمت اسولف معاه بالاختبار هذا كويس والا مافيه كويس وربي حسيت انه ببقاله مو بجامعه والعتب على الجامعه مو الدكتور الدكتور كدكتور جدا محترم وواضح انه طيب لكن الماده دسمه ويحطون دكتور مايعرف عربي هنا المشكله لما كانت مع الدكتور هاني العمري كان يعطيهم مصطلحات ويقول عطوني ترجمتها بالعربي او رتب الجمل التاليه ليه ؟لأنه يعرف تأسيس الطلاب بالانجليزي كيف كان فمستحيل انه يتعامل معاهم بالانجليزيه البحته عشان مايخرب بيتهم بغض النظر عن اخلاق الدكتور هاني الرائعه المهم ماعلينا ذاكرو من ملخص الدكتور هاني فيه ملخص للدكتور هاني وملخص للدكتوره غاده بالاضافه الى حدود 120 كلمه انجليزيه ملخصها الدكتور هاني هذي هي اللي بتفهمكم الماده وتحفظكم المصطلحات وتعدون الماده بإذن الله غير هيك انسو الموضوع اعتمدو الكلام اللي قلته لكم والله يوفقكم انا ذاكرت قبل ثلاث ايام من الملخص اللي عطانا الدكتور مافاد وقبل الاختبار بخمس ساعات لقيت هالملخصات اللي قلت لكم وبفضل الله حسيت انه فهمت الماده فعلا وهي اللي حسيت انه فادتني بالاختبار مع انه لسى مانزلت الدرجات بس فرق بين الملخصين والله يوفق الجميع واعذروني ماقدرت اصور لكم الاسئله لانها كانت صعبه ودسمه والوقت يادوب

[اعصار كاترينا]

نايس كفى ووفى

وما ازيد على كلامه غير ان حتى الاسئله كانت صعبه

الله يوفق الجميع

[يمشي بالبركه]

ما ادري احد كلم او ارسل للدكتور ؟؟
او احد عنده رقم جواله
ارسلتله رسالة إلى البريد الاكتروني اطلب فيها المساعدة ورد علي بعباره غير مفهومه
شكلي جبت العيد
الله يستر ويخارجنامنها باقل الخساير